HEBREOS 5:11 - Dios Rimashcata Quillcashcami

¹¹ Caicunamanta rimanaca achcami tiyan. Shina cacpipish, cancuna mana utca entendiclla cacpimi, mana tucuita entendichinchic.

Nuevo Testamento en Quichua Cañar 1996

¹¹ Caicuna jahuaca achcatami rimana canchic. Shina cacpipish cancuna imapish mana utca entendiclla cashcamantami, cancunaman huillanaca sinchi can.

HEBREOS 5:11 Referans Kwoze

SAN MATEO 13:15

Cai gentecunapac shunguca, rumiyashcami. Paicunapac ringripish tapashca shinami, ñahuipish huichcashca shinami. Mana chashna cacpica, ñahuipish ricunmanmi, ringripish uyanmanmi, shungupi yuyarishpa, ñucapacman cutirinmanmi. Ñucapacman cutiricpica, alliyachimanmi” nishcami.

2 PEDRO 3:16

Tucui pai quillcashcallapitacmi Pabloca caicunamanta rimashpa quillcashca. Shina cacpipish maijan quillcacunata mana entendipactac quillcashca cacpimi, cai quillcacunatapish, Dios quillcachishca shuctac quillcacunatapish imata mana yachac, manarac sinchi criccunaca shuctacman entendishpa, pandata yachachishpa, paicunallatac chingaringapac ricuncuna.

HECHOS 28:27

Cai gentecunapac shunguca, rumi shina sinchimi. Paicunapac ringrica tapashca shinami. Ñahuipish huichcashca shinami. Uyashpapish, mana uyashca shina, ricushpapish, mana ricushca shinami. Paicunapac shunguca ima alli yuyaita mana japinchu. Paicuna ñucapacman cutimucpica, ñucaca alliyachimanmi” nircami.

SAN JUAN 16:12

Cancunaman imata ninata chariniracmi. Shina cacpipish, cunanca mana tucui entendinguichicchu.

SAN JUAN 6:6

Felipe ima nicta uyangapacllami chashnaca nirca, ashtahuanpish Jesusca imata ruhuana cashcataca ña yacharcami.

SAN LUCAS 24:25

Chashna nicpimi Jesusca: —¡Cancunaca yuyai illac upacuna cashpami, Dios ima nishcata huillaccuna ñucamanta huillashcataca mana utca cringuichic!

MARCOS 8:21

Chashna nicpimi Jesusca: —¿Chashna ruhuashca jahuachu manarac entendinguichic?— nirca.

ISAÍAS 6:10

Chai quipaca gentecunapac shunguta sinchiyachingui. Ñahuihuanpish ama ricuchun, ringrihuanpish ama uyachun, paicunapac ringritapish, ñahuitapish huichcangui. Shungupipish yuyaita ama japichun, ñucapacmanpish ama cuti richun, ñuca paicunata ama alliyachichunmi chashnaca ruhuana cangui— nirca.

1 REYES 10:1

Sabá llactata jatun mandac huarmica Salomontaca Mandac Diospac shutimanta tucui alli nishpa parlanacucta uyashpami, mana cutichi pudipac tapuicunata tapushpa yachangapac shamurca.

HEBREOS 5:10

Diosca Melquisedecta shinami, jatun mandac curata ruhuarca.

HEBREOS 5:12

Cancunaca cai tucui huatacunapica, ña yachachiccunami cana canguichic. Shina cashpapish, Diosmanta callari yachachinacunata yachachinami tucushcanguichic. Sinchi micunata micunapac randica, huahuacuna lechellata ubiac shinami canguichic.