HEBREOS 4:15 - Dios Rimashcata Quillcashcami

¹⁵ Ñucanchic mana catinata pudicucpi, llaquishpa ayudac jatun mandac curatami charinchic. Paipish ñucanchic shinallatacmi llaquita aparca. Shina cashpapish jaicapi mana juchallircachu.

Nuevo Testamento en Quichua Cañar 1996

¹⁵ Paica ñucanchicmanta Diospacta ruhuac curacunata jatun mandac cura cashpami, ñucanchic mana c'atinata pudicucpipish llaquin. Paitapish ñucanchicta shinallatacmi, mana alli yuyaicunaca pandachisha nirca. Shina cacpipish jaicapi mana juchallircachu.

HEBREOS 4:15 Referans Kwoze

2 CORINTIOS 5:21

Cristo mana juchayuc cacpipish, Diosca ñucanchic juchacunamantami llaquita apachun curca. Shina cacpica, Jesusmantami Dios-huan alli tucunchic.

1 JUAN 3:5

Jesucristo ñucanchic juchacunata anchuchingapac cai pachaman shamushcataca yachanguichicmi. Paica ima juchata mana charinchu.

1 PEDRO 2:22

Cristoca ima juchata jaicapi mana ruhuarcachu, shinallatac pitapish mana umarcachu.

HEBREOS 7:26

Paica ñucanchic charishun nishca jatun mandac curami. Paica jucha illac, ima mapa illac, ima millaita mana ruhuac, shinallatac juchayuccunamantapish anchurishcami can. Paitaca jahua cielomanta yalli jahuapimi Diosca churashca.

HEBREOS 4:14

Diospac Churi Jesusca jatun mandac cura cashpami, jahua pachaman yaicurca. Chaimantami ñucanchicca crishpa, catirana canchic.

HEBREOS 5:2

Mandac curaca paipish juchapi urmanalla cashcamantami, caishuc mana yachac chingarishca shina gentecunataca llaquinga.

SAN JUAN 8:46

¿Cancunapuramanta maijantac ñuca juchayuc cashcataca ricuchinguichic? Diosmanta ñuca huillacpica, ¿ima nishpatac mana cringuichic?

ISAÍAS 53:9

Paica ima llaquita mana ruhuashca cashpapish, mana llullashca cashpapish, chayuccunahuan, Diosta mana manchaccunahuan pactami enterrashca carca.

SAN LUCAS 22:28

Cancunaca ñuca mai llaquihuan cacpipish, ñucahuanmi carcanguichic.

SAN LUCAS 4:2

Chaipi chuscu chunga punzhata cacpimi, Satanasca pandachisha nirca. Chai punzhacunata mana micushca cashpami, Jesusca yarcachirca.

OSEAS 11:8

Efraín aillulla, ¿cancunataca imatac shitashpa saquishayari? Israelcunalla, ¿imatac shuccunapac maquipi saquishayari? Cancunataca, ¿imatac Adma llactata shina, mana cashpaca Zaboím llactata shina llaquichishayari? Ashtahuanpish cancunataca shungupi nanarishpami yuyaricunilla.

ÉXODO 23:9

Cambac llactapi pozashpa causaccunata ama llaquichinguichu. Cancunaca shucpac llactapi cuyailla causanataca yachanguichicmi. Egiptopica cancunaca pozashpallami causarcanguichic.

SAN MATEO 12:20

Cashcata ruhuashpa taripangacaman huishtuyashca cañatapish mana paquingachu, ashalla japiricuc mechatapish mana huañuchingachu.

SAN MATEO 4:1

Chai quipaca, Diospac Espiritumi Jesustaca diablo shitashca pambaman pusharca. Chaipimi diabloca pandachisha nirca.

ROMANOS 8:3

Runaca aichayuc cashcamantami Moisés mandashcacunataca maita mana pactachi pudirca. Chaimantami Diosca paipac shuclla Churita, runa shina aichayuc tucushpa, runacunapac juchacunamanta llaquita huañuchun cacharca. Chai shina ruhuashpami, gentecunapi tiyac juchataca tucui chingachirca.

HEBREOS 9:28

Apunchic Jesusca achca gentecunapac juchacunata pichangapacmi, shuc cutinlla pai quiquinllatac huañurca. Quipataca ña mana juchacunata anchuchingapacchu shamunga, ashtahuanpish paita shuyacuccunata quishpichingapacmi shamunga.