HEBREOS 3:17 - Dios Rimashcata Quillcashcami

¹⁷ Shinallatac Diosca, ¿picunahuantac chuscu chunga huatacunata piñarishca carca? Chai shitashca pambapi juchallishpa huañuccunahuanmi piñarishca carca.

Nuevo Testamento en Quichua Cañar 1996

¹⁷ Shinallatac chai chuscu chunga huatacunataca Taita Diosca, ¿picunahuantac p'iñarishca carca? Chai shitashca pambapi juchallishpa huañuccunahuanmi p'iñarishca carca.

HEBREOS 3:17 Referans Kwoze

NÚMEROS 14:29

Cancunapuramanta ishcai chunga huatayucmanta huichaiman yupashpa quillcashca cai shitashca pambapimi ñucata piñachishcamantaca huañuchigrini. Cai pambapimi paicunapac cuerpoca shitashca saquiringa.

NÚMEROS 14:22

Ñuca poderhuan ricuchishcacunata ricuccunapish, Egipto llactapi, cai shitashca pambapi ruhuashcata ricuccunapish, ñuca nishcata mana cazushpa, chunga cutincaman pandachisha niccunapish

SAN JUDAS 1:5

Cancuna ña yachashca cacpipish, Mandac Diosca israelcunata Egipto llactamanta llucchishca quipa, Paita mana criccunata chingachishcatami yuyachisha nini.

JEREMÍAS 9:22

Mandac Diosca: «Huañushcacunaca huanuta pambapi shitashca shinami siricun. Trigota cosechashca quipa trigo umata pipish mana japishca shinami siricun» nirca.

NÚMEROS 14:28

Chaimanta paicunataca: “Mandac Dios ñucaca: ‘Ñuca shutipimi nini: Israelcuna rimashcata ñuca ringri uyashca shinami paicunataca ruhuagrini.

NÚMEROS 14:37

Mandac Diosca chai runacunataca huañuchic ungüihuan huañuchirca.

SALMOS 95:10

Chaimantami paicunahuanca chuscu chunga huatata piñarishca carcani. Paicunataca: “Cai gentecunaca pandata yuyashpami, ñuca mandashcacunataca mana yachashun” nircacuna.