HEBREOS 3:13 - Dios Rimashcata Quillcashcami

¹³ Chaipac randica, cunan punzha tiyacpirac caishuc chaishuc yuyachinacushpa, cancunapac shungu rumiyashpa juchapi pandarichun ama saquinguichicchu.

Nuevo Testamento en Quichua Cañar 1996

¹³ Chaipac randica Dios quillcachishcapi nishca shina, cunan causacushparac punzhanta caishuc chaishuc yuyachinacushpa, cancunapac shungu rumiyashca shina tucuchunpish, juchapi pandarichunpish ama saquinguichicchu.

HEBREOS 3:13 Referans Kwoze

1 TESALONICENSES 5:11

Chaimanta ima shinami cunan cancuna caticuc shinallatac, caishuc chaishuc-huan alli catina yuyaita cunacushpa, ayudanacushpa causaichic.

2 TIMOTEO 4:2

Alli huillaitaca uyasha nicpi, mana uyasha nicpimi huillacuilla. Mana piñarishpa, rimacuilla, alli yachachicuilla, cunacuilla.

1 TESALONICENSES 4:18

Chaimanta cai rimashcacunahuan caishuc chaishuc cushichinacuichic.

ROMANOS 7:11

Juchaca mandashcacuna tiyashcamantami ñucata pandachirca. Chai mandashcacunamantami huañurcani.

HECHOS 11:23

Bernabé chaiman chayashpaca, Diosca yallita cuyashpa, quishpichishcata ricushpami cushicurca. Tucui criccunatami Apunchic Jesusllata tucui shunguhuan cazuchun rimarca.

SANTIAGO 1:14

Ashtahuanpish quiquinllapitac mana alli munaicuna tiyashcamantami, mishquilliric shina, mana allita ruhuanaman pushan.

EFESIOS 4:22

Chaimantami cancunaca ñaupa ima shina causacushcataca saquina canguichic. Chai yuyaicunaca cancunata pandachishpa, mana allillata ruhuachishpami, ismuchic shina tucuchicurca.

ABDÍAS 1:3

Cambac shungupi jatun tucuna yuyaillami cantaca pandachirca. Canca jatun urcu chaupipimi cangui. Chaipi causashpami cambac shungupica: “¿Pitac caimantaca pambaman urmachingayari?” yuyangui.

PROVERBIOS 28:26

Pai yuyarishcallapi shunguta churac runaca yuyai illac runami. Ashtahuanpish alli yachac runaca ima llaquimantapish quishpiringami.

1 TESALONICENSES 2:11

Shuc taita huahuacunata yachachic shinami, ñucanchicca cancunataca caishucta chaishucta cunarcanchic, cushichircanchic. Chaitaca cancunallatac yachanguichicmi.

ISAÍAS 44:20

Uchupata micuc shinami, paipac shungupi pandarin. Paipac causaita mana quishpichinchu. Shinallatac: «Ñuca alli lado maquipica, ¿manachu yanga caspillata charicuni?» nishpapish, mana ninchu.

HEBREOS 13:22

Cuyashca criccuna, cai ñuca asha quillcashcataca mana piñarishpa chasquichunmi mañani. Caitaca cancuna alli catichunmi quillcani.