HEBREOS 3:10 - Dios Rimashcata Quillcashcami

¹⁰ Chaimantami chai gentecunahuan ñuca piñarishpaca: “Paicunaca shungupi chingarishpa puricushpami, ñuca ricuchishca ñantaca mana ricsinata munarcacuna” nircani.

Nuevo Testamento en Quichua Cañar 1996

¹⁰ Chaimantami chai gentecunahuan ñuca p'iñarishpaca: ‘Paicunapac yuyaipi ñucata mana cazushpami, chingarishca shina cashpa, ñuca ricuchishca ñantaca mana ricsinata munarcacuna’ nircani.

HEBREOS 3:10 Referans Kwoze

SALMOS 95:10

Chaimantami paicunahuanca chuscu chunga huatata piñarishca carcani. Paicunataca: “Cai gentecunaca pandata yuyashpami, ñuca mandashcacunataca mana yachashun” nircacuna.

EFESIOS 4:30

Diosca juchapi huatashca shinamanta cacharichishpa pushana punzhacamanmi, Diospaclla cashcata ricuchishpa causachun, ñucanchictaca paipac Espirituhuan señalashpa chicanyachirca. Chaimanta millaita rimashpa ama Diospac Espirituta nanachichicchu.

JEREMÍAS 4:22

Ñuca acllashcacunaca ñucata mana ricsic yuyai illaccunami. Ñuca huahuacunaca imatapish mana yachac, imatapish mana entendiccunami. Millaita ruhuanataca allita yachancunami. Ashtahuanpish allita ruhuanataca mana yachancunachu.

SALMOS 78:8

Ama ñaupa taitacuna shina Diosta mana cazuc, sinchi shungu, Diosta mana tucui shunguhuan, tucui almahuan catic cachunmi chashnaca yachachichun mandarca.

SALMOS 67:2

Chashna ruhuacpimi, cai pachapica cambac ñanta ricsishpa, can quishpichic cashcatapish tucui llactapi yachangacuna.

OSEAS 4:12

Ñuca acllashcacunaca imatapish yachangapacmi paicunapac yanga diosman tapun. Chai caspihuanmi ima tucunata huillasha. Paicunataca huainayana yuyaimi pandachin. Chai shina huainayashpa causangapacmi Mandac Diosmanta anchurin.

ISAÍAS 63:10

Ashtahuanpish paicunaca mana cazushpami, paipac jucha illac Espirituta piñachirca. Chaimantami Diosca paicunata piñashpa, paicunahuan macanacurca.

HEBREOS 3:12

Cuyashca criccuna, cancunapurapi millai yuyaihuan mana crisha nishpa, causac Diosmanta caruyaccuna shucllapish ama tiyachun.

SAN JUAN 8:45

Chaimantami ñuca imapish cashcallata nicpica, mana cringuichic.

MARCOS 3:5

Chaimantami muyundipi caccunata ricushpa piñarirca. Jesusca paicuna sinchi shungu cashcamantami yallita llaquirishpa, chai maqui chaquishca runataca: —Maquita chutai— nirca. Chai runa maquita chutacpica, maquica alli tucurcallami.

ISAÍAS 28:7

Huillaccunapish, curacunapish vinota ubiashpami pandarirca. Machana yacuta ubiashpami yuyai illac tucurca. Machana yacuta, vinota ubiashpami macharirca. Chaicunata ubiashpa macharishpami, imatapish muscuipi shina, Dios ricuchishcataca pandata huillarca. Imata ruhuashpapish pandarircami.

SALMOS 147:20

Shuctac llactacunahuanca mana chashna ruhuarcachu. Pai yachachishcacunataca mana ricsincunachu. ¡Mandac Diosta alabaichicyari!

JUECES 10:16

Shina nishpami paicunapac chaupipi tiyac dioscunata anchuchishpa Mandac Diosta servircacuna. Mandac Diosca israelcuna llaquita apacucta ricushpaca, paipish llaquirircami.

ROMANOS 3:7

Maijan: “Ñuca llullashcacuna Dios cashcata nic cashcatapish, pai jatun cashcatapish ricuchicpica, ¿ima nishpatac paica juchanchin?” nishpa yuyangami.

SALMOS 78:40

¡Tauca cutinmi shitashca pambapi piñachircacuna! ¡Imapish mana tiyac pambapimi llaquichircacuna!

GÉNESIS 6:6

Mandac Dios chaita ricushpaca, shungupi nanarishpami: «Pandachari cai runacunataca ruhuarcani» nishpa llaquirirca.

ROMANOS 1:28

Diosca, paimanta yachanata mana munacpimi, manapish caipaccunata ruhuachun, paicunapac yuyaipi millai junda cachun saquirca.

SAN MATEO 20:24

Chaita caishuc chunga yachacuccuna uyashpaca, chai huauquicunahuanca piñarircami.