HEBREOS 2:9 - Dios Rimashcata Quillcashcami

⁹ Ashtahuanpish Jesusta, ashacamanlla angelcunamanta asha yangallata ruhuashpapish, llaquita apashpa huañushcamantami sumacyachishca, alli nishcata ruhuashca. Chaica, Dios cuyashcamantami, Jesusca tucuipac allipac huañurca.

Nuevo Testamento en Quichua Cañar 1996

⁹ Ashtahuanpish Jesustaca, ashacamanlla angelcunamanta asha yangallata ruhuashpa, cunanca llaquita apashpa huañushcamanta Taita Dios sumac alli nishcata ruhuashcatami ricunchic. Taita Diosca tucui mashnata c'uyashcamantami, Jesús tucuipac allipac huañuchun nicpi paica huañurca.

HEBREOS 2:9 Referans Kwoze

APOCALIPSIS 5:9

Shinallatac shuc mushuc cantota cantashpaca: «Canllami sellota churashcacunata anchuchishpa, pillushca pangata pascaipac cangui. Canca huañushpami, Diospac cachun tucui aillucunamantapish, tucuilaya rimaita rimaccunamantapish, tucui llactacunamantapish, tucuilaya gentecunamantapish cambac yahuarhuan randishpa tandachishcangui.

1 JUAN 2:2

Jesucristoca Dios ñucanchic juchacunata perdonachunmi, ñucanchicpac randi huañurca. Shina huañushpaca mana ñucanchicpac juchacunallamanta ashtahuanpish tucui cai pachapi causaccunapac juchata perdonachunmi huañurca.

ROMANOS 5:18

Ima shinami Adán juchallishcamanta tucui gentecuna juchayuc tucushpa llaquichina tucurca, chai shinallatacmi Apunchic Jesucristo cashcata ruhuac cashcallamanta tucui gentecuna mana juchanchishca canga. Shinallatac causaitapish charingami.

HECHOS 2:33

Jesús causarishpaca, jahua pacha Diospac alli maquimanmi tiyacun. Chashnami Diosca pai cusha nishca paipac Espirituta Jesusman cucpi, paica ñucanchicman cachashca. Chaitami cunanca cancunaca ricucunguichic, uyacunguichic.

SAN JUAN 3:16

Diosca cai pachapi causaccunata yallita cuyashpami, paipac shuclla Churita cai pachaman cacharca. Pipish paita cricca ama chingarichun, ashtahuanpish huiñai causaita charichunmi, chashnaca cacharca.

2 CORINTIOS 5:15

Cristoca cunan causaccuna ama paicuna quiquinpaclla causachun, ashtahuanpish paipaclla causachunmi tucuimanta huañurca. Chashnaca tucuipac allipacmi huañushpa causarirca.

HEBREOS 10:5

Chaimantami Apunchic Jesús cai pachaman shamushpaca, Diostaca: «Animalta cushpa huañuchishcatapish, ofrendatapish mana munarcanguichu. Ashtahuanpish ñucataca shuc cuerpotami ruhuarcangui.

ROMANOS 5:8

Ashtahuanpish Diosca ñucanchic juchayuc cacpipish, Cristota ñucanchicmanta huañuchun cachashpami, cuyac cashcata ricuchin.

SAN JUAN 1:29

Cayandi punzhami Juanca Jesús paipacman chayamucucta ricurca. Chaimantami Juanca: «Paimi gentecunapac juchacunata anchuchichun, Dios cachashca Pactalla Ovejaca.

SAN JUAN 12:32

Caspipi jahuaman huarcushca cashpami, tucuita ñucapacman pushamusha— nirca.

HEBREOS 7:25

Paimanta Diospacman cuchuyaccunataca, huiñai huiñaipacmi quishpichin. Paica huiñaitami causacun, chashnami huiñaita mañacun.

GÉNESIS 3:15

Canhuan, cai huarmihuan, cambac huahuacunahuan, cai huarmipac huahuacunahuan piñanacuchunmi churani. Cai huarmipac huahuaca cantaca umapimi sarunga. Canca chaqui talonllapimi caningui— nirca.

1 PEDRO 1:21

Paimantami cancunaca Diosta cringuichic. Diosmi Cristotaca huañushcacunapuramanta causachishpa sumacyachirca. Chaimantami cancunaca Diospi shunguta churashpa cringuichic.

HEBREOS 8:3

Tucui jatun mandac curacunami, Diosman ofrendata cungapac, animalcunata huañuchishpa Diosman cungapac acllashca can. Chaimantami Apunchic Jesucristopish Diosmanca imata cuna can.

1 TIMOTEO 2:6

Tucui gentecunata quishpichingapac, paillatac japi tucushpa huañushpami, Dios munashca punzhacuna pactacpica, quishpichic cashcata ricuchirca.

2 CORINTIOS 5:21

Cristo mana juchayuc cacpipish, Diosca ñucanchic juchacunamantami llaquita apachun curca. Shina cacpica, Jesusmantami Dios-huan alli tucunchic.

ROMANOS 8:32

Diosca, paipac quiquin Churitapish tucui ñucanchicmanta llaquita apachun, mana jarcarishpa, cushpaca, ¿manachu paipac Churita cushca shina imatapish cunga?

GÁLATAS 4:4

Shina cacpipish cachana punzha pactacpimi, Diosca shuc huarmimanta huacharichun paipac Churitaca cacharca. Paica Moisés mandashcacunataca tucuitami cazushpa causarca.

HECHOS 3:13

Ashtahuanpish ñucanchic ñaupa taita Abrahamta, Isaacta, Jacobota Mandac Diosmi, paipac Churi Jesús alli nishca cachun alliyachirca. Cancunaca chai Jesustami huañuchiccunaman japichircanguichic. Pilato, paita cacharisha nicucpipish, cancunaca mana cacharichun saquircanguichicchu.

ISAÍAS 7:14

Cunanca, Mandac Diosllatacmi shuc señalta ricuchigrin. Carihuan manarac chayarishca solterami huicsayuc tucushpa shuc cari huahuata charinga. Chai huahuataca Emanueltami shutichinga.

ROMANOS 8:3

Runaca aichayuc cashcamantami Moisés mandashcacunataca maita mana pactachi pudirca. Chaimantami Diosca paipac shuclla Churita, runa shina aichayuc tucushpa, runacunapac juchacunamanta llaquita huañuchun cacharca. Chai shina ruhuashpami, gentecunapi tiyac juchataca tucui chingachirca.

SAN JUAN 10:17

Ñucaca huañuna cacpipish, huañushpa causarishami. Chaimantami ñuca Taitaca cuyan.

SAN JUAN 8:52

Shina nicpimi, mandac israelcunaca: —Cunancarin supaihuan cashcata yachanchictacmi. Abrahampish, Dios ima nishcata huillaccunapish huañurcami. Shina cacpica, ¿ima nishpatac canca “maijanpish ñuca nishcata cazuccunaca mana huañungachu” ninguiyari?

SAN MATEO 16:28

Runa Tucungapac shamushca ñuca mandacucta ricungacamanmi, maijan caipi caccunaca manarac huañunguichic. Chaica chashnatacmi canga— nirca.

APOCALIPSIS 19:12

Paipac ñahui murucunaca nina shinami jagan nicurca. Umapica tauca coronacunami carca. Paipica pipish mana entendipac shutimi carca. Chai shutitaca paillami yacharca.

HEBREOS 2:7

Runataca ashallamantami mana angelcuna shinata ruhuashcangui. Jatun mandacta shina nishcatami ruhuashcangui, alli nishcatami ruhuashcangui. Can imata ruhuashcacunata mandactapish paitaca ruhuashcanguimi.

SAN LUCAS 9:27

Maijan caipi caccunaca, Dios mandacucta ricungacaman manarac huañunguichicchu. Chaica chashnatacmi canga— nirca.

MARCOS 9:1

Shinallatac Jesusca: —Maijan caipi caccunaca Dios, paipac poderhuan shamushpa, mandacucta ricungacaman manarac huañunguichicchu. Chaica chashnatacmi canga— nirca.

SAN MATEO 6:28

¿Ima nishpatac churana illac cashcamanta llaquiricunguichic? Pambapi sisacuna sumacta sisacucta ricushpallapish yuyarichic. Chaicunaca mana puchcanchu, imatapish mana ruhuanchu.

ISAÍAS 11:1

Isaimantaca shuc yura retoñac shinami, shuc jatun mandac llucshinga.

SAN JUAN 8:51

Maijanpish ñuca nishcata cazucca mana huañungachu. Chaica, chashnatacmi canga— nirca.

HEBREOS 1:9

Canca cashcata ruhuanatami munangui. Mana allita ruhuanataca piñashcanguimi. Chaimantami cambac Dios ñucaca, caishuccunamanta yalli canman cushicuita cungapac canta acllashcani nini” ninmi.

HEBREOS 11:5

Crishcamantami Enocpish jahua pachaman apashca carca. Paica mana huañuita ricurcachu. Chaimantami paita mashcashpapish mana tarirca. Dios quillcachishcapica: “Enoc manarac jahua pachaman apashca cashpaca, Dios munashcatami ruhuarca” ninmi.

HEBREOS 12:2

Jesusta ricuc shina catishunchic. Paimantami crinapish tiyan. Paillatacmi alli cric cachun pushan. Paica quipaman yallita cushicuita japina cashcata yachashpami, cruzpi pingaichishca huañunatapish mana manchashpa huañurcalla. Chai quipaca Diospac alli maquimanmi tiyaringapac rirca.