HEBREOS 2:8 - Dios Rimashcata Quillcashcami

⁸ Pai tucuita mandachunmi, paipac chaqui sarunapi churashcangui” ninmi. Diosca imatapish mana saquishpami tucuita pai mandachun churarca. Shina cashpapish pai tucuita mandacuctaca manarac ricunchicchu.

Nuevo Testamento en Quichua Cañar 1996

⁸ Pai tucuita mandachunmi, paipac chaqui sarunapi churashcangui” ninmi. Taita Diosca chashna tucuita pai mandachun churashpaca, shucllatapish pai mana mandashca cachunca mana ch'icanyachircachu. Shina cashpapish pai mandashpa, tucuita cazuchicuctaca manarac ricunchicchu.

HEBREOS 2:8 Referans Kwoze

SAN JUAN 13:3

Jesusca paiman Dios poderta cushcatapish, Dios cachashca shamushcatapish, paipacman cutina cashcatapish yacharcami.

1 CORINTIOS 15:27

Chaica, Diosmi Cristopac chaqui sarunapi tucuita churarca. Chashna Dios tucuita mandachun churashpaca, mana paipish mandashca canatachu nisha nin. Chaica paimi tucuita Cristopac chaqui sarunapi churarca.

SALMOS 8:6

Can ruhuashcacunata mandactamari ruhuarcangui. Tucuitami cambac chaqui ucupi churarcangui.

1 PEDRO 3:22

Jesucristomi jahua pachaman rishpa, Diospac alli maquiman tiyacun. Paimi angelcunatapish, poderta charic mandac espiritucunatapish mandacun.

DANIEL 7:14

Paimanmi llactata mandanatapish, podertapish curca. Tucui llactapi causaccunapish, llactapi causaccunapish chican chican rimaita rimaccunami paita servicurca. Paipac mandanaca jaicapi mana tucuric, huiñaita mandana cashcata, mana taripac mandana cashcatami ricurcani.

APOCALIPSIS 1:18

Ñucaca causacunimi. Huañushcami carcani, cunanca huiñaipacmi causacuni. Ñucami huañuipacpish, ucu pachapacpish llavecunata charicuni.

HEBREOS 1:13

¿Diosca maijan angelcunatatac: “Ñuca canta piñaccunata cambac chaqui sarunapi churangacaman, ñuca alli maquiman tiyacuilla” nishca?

APOCALIPSIS 1:5

Cai pachapi tiyac jatun mandaccunata Mandac, huañushcacunapuramanta punta causaric, shinallatac Diosmanta allita huillac Jesucristo cancunaman sumac causaita cuchunmi munani. Ñucanchicta cuyac, paipac yahuarhuan juchacunamanta ñucanchicta pichac,

HEBREOS 2:5

Ñucanchic parlacushca, chai shamuna cashca mushuc llacta mandanataca, Diosca mana angelcunamanchu curca.

SAN JUAN 3:35

Diosca paipac Churita yallitami cuyan. Chaimantami tucuita pai mandachun cushca.

SAN MATEO 28:18

Jesús paicunapacman cuchuyashpaca: «Diosca ñucamanmi cai pachatapish, jahua pachatapish mandachun poderta curca.

SALMOS 2:6

«¡Ñucaca jatun mandactaca ñami ñucapaclla chicanyachishpa Sión urcupi mandachun churani!» nirca.

HEBREOS 1:2

Shina cacpipish, cunan tucuri punzhacunapica, paipac Churitami huillachishca. Diosca Paillahuantacmi cai pachataca ruhuarca. Paillamantacmi tucui ima tiyashcataca cushca.