HEBREOS 2:15 - Dios Rimashcata Quillcashcami

¹⁵ Chashna huañushpami, tucui causaipi huañuita manchashpa, huatashca shina causacuccunata quishpichirca.

Nuevo Testamento en Quichua Cañar 1996

¹⁵ Chai shina huañushpami, tucui causaipi huañuita manchashpa, huatashca shina causacuccunataca cacharichirca.

HEBREOS 2:15 Referans Kwoze

ROMANOS 8:15

Cancunaca mana cutinllatac manchaita cuc, huatashca shinata charic espiritutachu chasquircanguichic, ashtahuanpish Diospac huahuata ruhuac Espiritutami chasquircanguichic. Chai Espiritumantami: «Ñuca Taitalla» nishpa mañanchic.

2 TIMOTEO 1:7

Diosca manchana yuyaita cuc espiritutaca mana cushcachu, ashtahuanpish poderta cuc, cuyaita cuc, shinallatac quiquinllatac jarcarina yuyaita cuc Espiritutami cushca.

2 CORINTIOS 1:10

Diosmi chai huañuna llaquimanta huacaichirca. Paillatacmi chai llaquimanta huacaichicun, paillatacmi tucui llaquimanta huacaichishpa catinga yuyanchicmi.

ROMANOS 8:21

Chaimantami Diosca tucui pai ruhuashcacunata huatashca shinamanta cacharichinga. Chashnami paipac huahuacunata ruhuashpa, alli ninga.

SALMOS 55:4

Ñuca shunguca nanaihuanmi tucuricun. Huañuna manchaimi ñucataca ñitic shina charicun.

SALMOS 89:48

¿Pi runata mana huañushpa causacungalla? ¿Pitac Seolman rinamantaca quishpiringa?

SALMOS 56:13

Ñuca causaitaca huañuimantami quishpichircangui. Cambac ñaupapi purichunmi ñuca urmagricucpipish charirarcangui. Cambac ñaupapi achic punzhata ricushpa causachunmi chashna quishpichircangui.

SALMOS 33:19

Huañuimanta almata quishpichishpa, yarcai punzhacunapi micunata cushpa causaita cungapacmi chashnaca ricucun.

JOB 24:17

Paicunamanca achic punzhaca pura tuta shinami. Paicunata pi ricsinataca, huañuchic amsata shinami manchancuna.

JOB 18:11

Tucui ladomantami llaquicuna shamushpa manchachinga. Chaqui talonpi saruc shinami yallita manchachishpa catinga.

GÁLATAS 4:21

Mandashcacunata cazushpa causanaca allimi niccunamanmi caita tapuni: ¿Manachu cancunaca Moisés mandashcacuna imata nicushcataca yachanguichic?

SALMOS 73:19

¡Cungaillami llaquica japinga! Yallita mancharishpami tucuringacuna.

JOB 18:14

Paipac huasipi mana manchashpa sumacta causacucpipish, chaimanta llucshishpami, yallita manchachic jatun mandaccunapacman apashca canga.

HEBREOS 2:16

Jesusca mana angelcunata ayudangapacchu shamurca, ashtahuanpish taita Abrahampac huahua huahuacunata ayudangapacmi shamurca.