HEBREOS 13:6 - Dios Rimashcata Quillcashcami

⁶ Chaimantami tucui shunguhuan: «Mandac Diosca ñucata ayudacmi. Pipish ñucata imata ruhuanamantaca mana manchanichu» ni pudinchic.

Nuevo Testamento en Quichua Cañar 1996

⁶ Shina Dios pushacushcamanta imata mana manchashpami: “Mandac Diosca ñucata ayudacmi. Chaimanta pipish ñucata imata ruhuanamantaca mana manchanichu” ni pudinchic.

HEBREOS 13:6 Referans Kwoze

ISAÍAS 41:10

Ñucaca cancunahuanmi cani. Chaimanta ama manchaichicchu. Ñucaca cancunapac Diosmi cani. Chaimanta ama manchaichicchu. Ñucaca cashcata ruhuashpami cancunapac tucui causaipi ayudasha.

ROMANOS 8:31

Shina cacpica, ¿imatatac nishun? Dios ñucanchic-huan cacpica, ¿pitac ñucanchictaca llaquichi pudinga?

SALMOS 124:8

Ñucanchicta ayudacca jahua pachatapish, cai pachatapish ruhuac Mandac Diospac shutipimi can.

HEBREOS 4:16

Chaimanta cuyac Dios ñucanchicta llaquichun, paipac jatun cuyaimanta ayudachun, paipacman tucui shunguhuan cuchuyashpa mañashunchic.

SALMOS 56:4

Can Diospac rimashcatami alabani. Canpimi shunguta churani. ¿Huañuclla gentecunaca imatatac ruhuai pudingayari?

SAN MATEO 10:28

Cuerpota huañuchiccunataca ama manchanguichicchu. Cuerpota huañuchishpapish, almataca mana huañuchi pudingachu. Ashtahuancarin almatapish, cuerpotapish ucu pachaman cachac Diosta manchanguichic.

SALMOS 54:4

Mandac Diosmi ñucata ayudan. Ñucata cuidaccunataca Mandac Diosmi pushacun.

SALMOS 33:20

Ñucanchic almaca Mandac Diostami shuyan. Paica ñucanchicta ayudac, ñucanchicta jarcac escudomi.

SALMOS 63:7

Canmi ñucata ayudac cangui. Cambac rigra ucupi cashpami cushicushpa cantasha.

SALMOS 94:17

Mandac Dios mana ayudashca cacpica, utcami huañushpa chunlla siricuiman carcani.

SALMOS 40:17

Ñuca ima illaclla huaccha cacpipish, Mandac Diosca yuyaringami. Mandac Dioslla, ñucata ayudac, ñucata quishpichicmi cangui. ¡Mandac Dioslla, ama unayaichu!

GÉNESIS 15:1

Chai quipa, Mandac Dios Abramman muscuipi shina ricurishpaca: —Abram ama manchaichu, ñucami escudo shina, canta jarcac cani. Sumac japinatami japingui— nirca.

EFESIOS 3:12

Chashna cacpimi: “Cristota crishpa paihuan shuclla tucushcamantaca, Diosca chasquingallami” nishpa, mana manchashpa paipacman cuchuyanata pudinchic.

DEUTERONOMIO 33:29

¡Israelcunalla, cushicuichicyari! ¿Cancuna shina, Mandac Dios quishpichishca gentecunaca pi shuctac tiyangachu? ¿Pitac canta escudo shina pacacca tiyangayari? Cancunata piñaccunataca paipac espadahuanmi cumurichinga. Shinami cancunaca, cancunata piñaccunapac cungapi sarunguichic» nirca.

ISAÍAS 41:14

Israelcunapac jucha illac quishpichic Mandac Diosmi caitapish nini: Curucuna shina ashalla Jacobopac huahua huahuacunapish, curucuna shina ashalla israelcunapish ama manchaichicchu. Ñucaca cancunata ayudac Diosmi cani.

SALMOS 27:9

Cambac ñahuita ama pacaichu. Canta servic ñucahuanca ama piñarichu. Cambac ñahuitaca ñucamanta amatac anchuchichu. Ama ñucata shitashpa saquichu. Canllami ñucata quishpichic Dios cangui.

SALMOS 146:3

Mandaccunapipish, huañuclla runapipish ama shunguta churaichicchu. Paicunaca mana quishpichi pudinchu.

DEUTERONOMIO 33:26

¡Jesurunpac Dios shinaca, mana shucca tiyanchu! Paica, jatun cashcahuanmi puyu jahuapi tiyarin. Paica canta ayudangapacmi jahua pachapi tiyarin.

ÉXODO 18:4

Cutin Shuc churitaca: «Ñuca taitapac Diosmari Faraón espadahuan huañuchinamanta quishpichirca» nishpami Eliezerta shutichirca.

HEBREOS 10:19

Cuyashca criccuna, cunanca Apunchic Jesucristopac yahuarmantaca Diospaclla chicanyachishca ucuman yaicui pudinchic.

1 SAMUEL 23:17

Jonatanca: —Ama manchaichu, ñuca taita Saúl canta mashcacushpapish mana taringachu. Canmi israelcunata jatun mandac tucungui. Ñucaca cambac catic mandacmi tucusha. Chaitaca ñuca taita Saulpish allimi yachan— nirca.

1 REYES 17:8

Shina cacpimi Mandac Dios Eliasta rimashpaca: