HEBREOS 12:9 - Dios Rimashcata Quillcashcami

⁹ Ñucanchic taitacunaca, ñucanchic mana allita ruhuacpica, llaquichicmi carca. Chaipica, cazucmi carcanchic. Chashna cashpaca, ¿ima nishpatac jahua pacha ñucanchic Diostaca mana cazushunyari? Chashna cazushpami huiñaita causashun.

Nuevo Testamento en Quichua Cañar 1996

⁹ Ñucanchic taitacunaca ñucanchic uchilla huahuacuna cashpa, ima mana allita ruhuacpica, llaquichiccunami carca. Chashna llaquichicpica, cazuccunami carcanchic. Shina cacpica ñucanchic causaita japingapacca, ¿ima nishpatac jahua pachapi causac ñucanchic Taita Diostaca mana cazushunyari?

HEBREOS 12:9 Referans Kwoze

NÚMEROS 16:22

Shina nicpimi, Moisespish, Aaronpish pambacaman cumurishpaca: —Mandac Dioslla, tucuiman causaita cucmi cangui. ¿Shuclla runalla juchallishcamantachu tucuihuan piñarigringui?— nirca.

NÚMEROS 27:16

—Mandac Dioslla, canca tucui causaita chariccunapac Diosmi cungui. Cai gentecunata pushachunca shuc runata churaiyari.

ISAÍAS 42:5

Jahua pachatapish, cai pachatapish, chaipi tiyaccunatapish ruhuac, cai pachapi causaccunamanpish causaita cuc, cai allpapi puriccunaman samaita cuc Mandac Diosca:

SAN JUAN 3:6

Aichamanta huacharicca, aichami can. Ashtahuanpish Espiritumanta huacharicca, Espiritumi can.

JOB 12:10

Tucui causaccunapac almapish, samaipish paipac maquipimi.

ZACARÍAS 12:1

Mandac Diosca israelcuna ima tucunamantami huillan. Jahua pachatapish, cai pachatapish ruhuac, runamanpish samaita cuc Mandac Diosca:

ÉXODO 20:12

Mandac Dios ñuca cushca llactapi unai huatata causangapac cambac taita mamata cazungui.

ISAÍAS 38:16

Mandac Dioslla, chai rimashcacunahuanmi runacunaca causan. Ñuca espiritupish chaipimi causaita charin. ¡Mandac Dioslla, sinchiyachishpa, causaita cuiyari!

1 PEDRO 5:6

Pai jatunyachina punzha cancunata jatunyachichunca, ama jatun tucushpa, imatapish ruhuaclla Diospac maquipi causaichic.

SANTIAGO 4:7

Diosllatac cazuichic, Diablotaca ama ricunayachichicchu. Shina ruhuacpica, diabloca cancunamanta caruyangallami.

ISAÍAS 57:16

Ñucaca mana huiñaita piñarishpa, llaquichicushallachu. Chashna cacpica, ñuca ruhuashca runacunaca shungu tutayashpa ñuca ñaupapi tucuringami.

LEVÍTICO 19:3

Cancunapac taita mamata cazunguichic. Samana punzhatapish huacaichinguichic. Ñucami cancunata Mandac Diosca cani.

ROMANOS 9:5

Paicunaca ñucanchic ñaupa taitacunapac huahua huahuacunami. Paicunapuramantami Cristoca runa tucurca. Paitaca tucuita Mandac Dios cashcamantami huiñai huiñaita alli nina canchic.

PROVERBIOS 30:17

Taitata burlashpa asic churica mama yachachishcatapish yangapimi churan. Chai churipac ñahuitaca yacu huaicupi causac angacuna surcuchun. Jatun angapac huahuacuna micuchun.

DEUTERONOMIO 27:16

Cutin: “¡Taita mamata mana ricunayachicca, llaqui tucushca cachun!” nicpica, tucui gentecunami: “¡Chashna cachun!” ninga.

ECLESIASTÉS 12:7

Cashna tucucpica allpamanta ruhuashca cuerpoca allpallamantacmi cutinga. Cutin almaca paita ruhuac Diospacmanmi cutinga.

SANTIAGO 4:10

Apunchic Jesuspac ñaupapica, ama jatun tucuichicchu. Chashna mana cacpica, paica “jatunmi canguichic” ningami.

MALAQUÍAS 1:6

Churica taitata cazunmi. Servicpish amota manchanmi. Ñuca cancunapac Taita cacpica, ¿ima nishpatac mana cazunguichic? Ñuca cancunapac amo cacpica, ¿ima nishpatac mana manchanguichic? Ñuca shutita yangapi churac curacunalla, cancunaca: “¿Ima shinatac cambac shutitaca yangapi churanchicyari?” ninguichicmi. Chaitaca Mandac Dios ñucami nini.

EZEQUIEL 22:7

Taita mamatapish mana cazunchu. Caru llacta runatapish, taita mama illac huahuacunatapish, viudacunatapish llaquichishpami causan.

ROMANOS 9:3

Ñuca quiquin aillucunapac randi, ñucallatac Cristomanta anchurishpa, llaquichishca canatami munaiman.

ROMANOS 1:3

Cai alli huillaica Diospac Churi, Mandac Jesucristomantami huillacun. Pai Runa tucungapacca, ñaupa mandac Davidpac huahua huahuapuramantami huacharirca.

HECHOS 2:30

Davidca Dios ima nishcata huillacmi carca. Chaimantami Diosca paitaca: ‘Cambac huahua huahuacunapuramantami Quishpichic Cristoca shamunga. Pai shamushpaca, can mandashca shinami mandanga’ nishpa ari nirca.

SAN LUCAS 18:2

«Shuc pueblopimi, Diostapish mana manchac, pitapish mana llaquic shuc juez causarca.

SAN LUCAS 18:4

Juezca pai mañashcata mana utca ruhuarcachu. Ashtahuanpish juez shungupi yuyarishpaca: “Diostapish mana manchanichu, pitapish mana llaquinichu.

APOCALIPSIS 22:6

Chai quipaca chai angelca: —Cai ñuca rimashcacuna chashnatac cashcamanta shunguta churanallami. Diosmanta huillaccunaman yuyaita cuc Mandac Diosllatacmi, angelta ñalla ima tucuna cashcata paipacta ruhuaccunaman ricuchichun cacharca— nirca.

ISAÍAS 45:10

Aij, taitata: “¿Imapactac ruhuarcangui?” niccunalla, mamata: “¿Imapactac sajuarircangui?” niccunalla» ninmi.