HEBREOS 12:7 - Dios Rimashcata Quillcashcami

⁷ Diospac huahuacuna cashcamantami cancunapac allipac llaquita apacunguichic. ¿Pi huahuatac paipac taita llaquichishcata mana chasquin?

Nuevo Testamento en Quichua Cañar 1996

⁷ Llaquita apacushpaca, Diospac huahuacuna cashcamantami causanapac allipacllatac pai llaquichishcata chasquicunguichic. ¿Pi huahuatac pai mana allita ruhuashcamantaca mana llaquichishca canga?

HEBREOS 12:7 Referans Kwoze

PROVERBIOS 19:18

Cambac churi uchilla cacpirac yachachi. Shina cashpapish cambac shungupica ama huañuchina yuyaihuan canguichu.

DEUTERONOMIO 8:5

Shuc taita paipac huahuata cunac shina, canta Mandac Dios cunac cashcataca yuyaringuichic.

PROVERBIOS 29:15

Varahuan macashpa yachachicpimi, huahuaca allita yachacunga. Ashtahuanpish imata ruhuachun saquicllapica mamatami pingaichinga.

PROVERBIOS 13:24

Alli yachacuchun nishpa huahuata mana dalicca paipac quiquin huahuallatatacmi mana ricunayachin. Ashtahuanpish cuyashpaca, uchillamanta pachami dalishpa yachachin.

PROVERBIOS 29:17

Cambac churita alli yachachicpica, cantaca samachingami. Shinallatac cambac causaipipish cushichingami.

2 SAMUEL 7:14

Ñucaca paipac taitami casha. Paica ñuca churimi canga. Pai mana allita ruhuacpica, shuc taita churita varahuan llaquichic shinami llaquichisha. Huañuna aichayuc runacuna shinami llaquichisha.

PROVERBIOS 22:15

Mosocunapac shungupica yuyai illac canaca aichayashca shinami. Ashtahuanpish anguhuan macashpa yachachicpica, paimanta anchuringami.

1 REYES 1:6

Shina cacpipish, paipac taita Davidca pai ima mana allita ruhuacpipish: «¿Ima nishpatac chashna ruhuacungui?» nishpaca, mana rimacchu carca. Adoniasca alajami carca. Paica Absalonpac quipami huacharirca.

1 SAMUEL 3:13

Paipac churicuna mana allita ruhuacpi, pai mana rimashcamantami paipac huasi ucupurataca huiñaita llaquichisha. Chaitaca paica yachanmi.

1 SAMUEL 2:34

Chashnatac cagricushcata can ricuchunmi cambac churicuna Ofni, Fineasca shuc punzhallatac ishcaita huañunga.

1 SAMUEL 2:29

¿Ima nishpatac ñucaman animalta cushpa huañuchishcatapish, shuctac ofrendacunatapish yangapi churanguichic? Chaicunataca ñucahuan tupana huasipi rupachichunmi mandarcani. Cambac churicunatami ñucata yalli alli nishpa, ñuca acllashca israelcuna cushcacunamantaca ashtahuan allita carashpa huirayachishcangui” ninmi.

HECHOS 14:22

Chaiman chayashpaca, chaipi causac criccunata tucui shunguhuan Jesusta crichunmi cunarca. Shinallatac: «Tucuilaya llaquicunata apashpami, Dios mandacucmanca yaicuna canchic» nircami.

1 CORINTIOS 11:32

Apunchic Jesús llaquichishpaca ñucanchicpish cai pachapaclla causaccunahuan ama jatun llaquiman richunmi llaquichin.