HEBREOS 12:6 - Dios Rimashcata Quillcashcami

⁶ Chaica, Diosca pitapish cuyashpami llaquichin. Paipac huahuacuna cachun, chasquishpami llaquichin» ninmi.

Nuevo Testamento en Quichua Cañar 1996

⁶ Taita Diosca c'uyashpami, maijanta cashpapish llaquichin. Shinallatac paipac huahuacuna cachun, pai chasquishcacunataca tucuitami llaquichin” ninmi.

HEBREOS 12:6 Referans Kwoze

APOCALIPSIS 3:19

Ñucaca tucui cuyashcacunatami rimani, shinallatac llaquichini. Chaimanta can juchayuc cashcamanta llaquirishpa Diosman cutirishpa, Diospaclla cai.

PROVERBIOS 3:12

Mandac Diosca cuyashpami, shuc taita paipac churita cuyashpa llaquichic shina llaquichin.

SALMOS 119:75

Mandac Dioslla, can cashcata ruhuashpa taripac cashcataca ricsinimi. Shinallatac ñucataca llaquichina cacpitacmi llaquichishcangui.

PROVERBIOS 13:24

Alli yachacuchun nishpa huahuata mana dalicca paipac quiquin huahuallatatacmi mana ricunayachin. Ashtahuanpish cuyashpaca, uchillamanta pachami dalishpa yachachin.

SALMOS 94:12

Mandac Dioslla, can cunashca, cambac mandashcacunata yachachishca causac runaca mai cushimi can.

2 SAMUEL 7:14

Ñucaca paipac taitami casha. Paica ñuca churimi canga. Pai mana allita ruhuacpica, shuc taita churita varahuan llaquichic shinami llaquichisha. Huañuna aichayuc runacuna shinami llaquichisha.

JEREMÍAS 10:24

Mandac Dioslla, cashcata ruhuashpa llaquichiyari. Ashtahuanpish mana tucui chingachingapacca, ama yallita piñarishpa llaquichinguichu.

DEUTERONOMIO 8:5

Shuc taita paipac huahuata cunac shina, canta Mandac Dios cunac cashcataca yuyaringuichic.

SANTIAGO 1:12

Imapish millai munaicuna shamucpi, chaita mishacca mai cushillami can. Chashna mishacmi Dios paita cuyaccunaman cusha nishca causaita cuc coronata japinga.

SALMOS 119:71

Allitami llaquichircangui. Chashna ruhuacpimi, can mandashcacunataca cazuni.

SANTIAGO 5:11

Chai shina mana piñarishpa, llaquita apaccunamanca mai cushicuimi canga, ninchicmi. Cancunaca ñaupa taita Job mana piñarishpa llaquita apashcatapish, shinallatac quipaman Mandac Dios paiman ima allicunata cushcatapish yachanguichicmi. Diosca yallita cuyac, llaquic Diosmi.

ISAÍAS 27:9

Chashnami Jacobopac huahuacunapac yalli juchacunataca cungaringa. Paicuna rumimanta ruhuashca altarcunataca cabia rumita shina ñutuchishpa, Asera huarmi diosman riccha caspicunatapish, intiman riccha yanga dioscunatapish urmachishpa, Jacobopac huahuacunapac juchataca perdonanga.

PROVERBIOS 3:11

Ñuca huahualla, Mandac Dios llaquichicpica, ama yangalla cashcata yuyanguichu. Alli tucuchun llaquichicpipish, ama piñaringuichu.

LAMENTACIONES 3:39

Juchamanta llaquichishca runaca, ¿imamantatac llaquirin?

RUT 1:3

Ashtahuanpish Noemipac cusa Elimelecca huañurcami. Noemica paipac ishcai cari huahuacunallahuanmi saquirirca.