HEBREOS 12:27 - Dios Rimashcata Quillcashcami

²⁷ «Cutinllatac chucchuchishami» nishpaca, Dios ruhuashca cuyuchinacunallata anchuchishpa, mana cuyurinacunata saquirina cashcatami nisha nin.

Nuevo Testamento en Quichua Cañar 1996

²⁷ “Cutinllatac chucchuchishami” nishpaca, Dios ruhuashcacunamanta cuyuchinacunallata anchuchishpa, mana cuyurinacunaca saquirina cashcatami nisha nin.

HEBREOS 12:27 Referans Kwoze

1 CORINTIOS 7:31

Cai pachapi ima tiyashcahuan cushicuccunaca ama cushicuchun. Cai pachapi ima tiyashcacunaca chingaringallami.

SAN MATEO 24:35

Jahua pachapish, cai pachapish tucuringami. Ashtahuanpish ñuca huillashcaca pactacungallami.

APOCALIPSIS 21:1

Chai quipaca ñaupaman cac jahua pachapish, cai pachapish shinallatac mama cucha yacupish chingaricpica, jahua pachatapish, cai pachatapish mushuc cashcatami ricurcani.

APOCALIPSIS 11:15

Canchisniqui ángel cornetapi tocacpimi jahua pachamanta sinchita caparishpaca: «Tucui cai allpa pacha llactacunaca, ñucanchic Diospac, shinallatac pai cachashca Quishpichic Cristopac mandanami tucushca. Paimi huiñai huiñaita mandanga» nirca.

EZEQUIEL 21:27

¡Cutin, cutin llaquichishpami tucuchisha! ¡Pai mandanata japingapac shamungacamanmi chashna llaquicunaca caticunga! ¡Pai shamucpica, paipac maquipimi churasha!” ninmi.

ISAÍAS 34:4

Jahua pachapi tucui tiyaccunami yacuyashpa tucuringa. Jahua pachaca papel shinami pilluringa. Lucerocunaca yuramanta uvas shina, higo yuramanta panga urmac shinami urmanga.

ISAÍAS 54:10

Urcucuna cuyuricpipish, lomacuna chucchucpipish cantaca cuyacushallami. “Canman cushi causaita cushami” nishpa, ari nishcataca pactachishatacmi» ninmi. Chaitaca, canta llaquic Mandac Dios ñucami nini.

ISAÍAS 65:17

Ñucami jahua pachatapish, cai pachatapish mushucta ruhuasha. Utcapi ima tucushcataca cungaringami. Shungullapipish mana yuyaringachu.

ISAÍAS 66:22

Cutinllatac Mandac Diosca: «Ñuca ruhuashca mushuc jahua pachapish, mushuc cai pachapish huiñaicamanmi ñuca ñaupapi canga. Cancunapac huahua huahuacunapish huiñaicaman mana chingaringa.

HAGEO 2:21

«Judá llactata mandac Zorobabelta: Ñucaca jahua pachatapish, cai pachatapish chucchuchishami.

ROMANOS 8:19

Tucui Dios ruhuashcacunami, maijancunalla Diospac huahuacuna cashcata ricuna yuyailla shuyacun.

ROMANOS 8:21

Chaimantami Diosca tucui pai ruhuashcacunata huatashca shinamanta cacharichinga. Chashnami paipac huahuacunata ruhuashpa, alli ninga.

HEBREOS 1:10

Shinallatac: “¡Mandac Dioslla! Canllatacmi cai allpatapish, imapish manarac tiyacpi ruhuarcangui. Canllatacmi jahua pachatapish ruhuarcangui.

HEBREOS 9:11

Chashna cacpipish Apunchic Jesusca ñamari shamurca. Paica allicunata ricuc jatun mandac curami. Paica ñaupa ucuta yalli alli Diospaclla sumac ucupimi. Chaica mana cai pacha gentecuna ruhuashcachu.

HEBREOS 13:14

Cai pachapica huiñaita mana chingaric pueblotaca mana charinchicchu, ashtahuanpish shamuc punzhapacmi shuc pueblota mashcacunchic.

APOCALIPSIS 21:4

Paica tucui huiquitami ñahuicunamantaca pichanga. Huañuipish, llaquilla canapish, huacaicunapish, nanaicunapish ña mana tiyangachu. Ñaupaman ima tiyashcapish cunanca ña mana tiyangachu» nirca.

APOCALIPSIS 21:5

Chai quipaca mandashpa tiyarinapi tiyacucca: «Ñucaca tucuitami mushucta ruhuani» nirca. Shinallatac paica: «Quillcai, cai ñuca rimashcacunaca chashna pactanatac, shinallatac mana llullachu» nirca.