HEBREOS 12:22 - Dios Rimashcata Quillcashcami

²² Ashtahuanpish cancunaca Sión urcuman, causac Diospac jahua pacha Jerusalén puebloman, huaranga angelcuna tandanacushpa, Diosta alli nicucman,

Nuevo Testamento en Quichua Cañar 1996

²² Ashtahuanpish cancunaca Sión*f** urcuman, causac Diospac jahua pacha Jerusalén puebloman, chaipi huaranga angelcuna tandanacushpa, Taita Diosta alli nicucmanmi chayarcanguichic.

HEBREOS 12:22 Referans Kwoze

FILIPENSES 3:20

Ashtahuanpish ñucanchic causana llactaca jahua pachami. Chai jahua pachamanta Quishpichic Apunchic Jesucristo cutimunallatacmi shuyacunchic.

GÁLATAS 4:26

Ashtahuanpish jahua pachapi tiyac Jerusalenca mana huatashca shinachu. Ñucanchicca paipac huahuacunami canchic.

APOCALIPSIS 14:1

Chai quipaca Sión urcu jahuapi Pactalla Oveja shayacuctami ricurcani. Paihuanca pasac chuscu chunga chuscu huaranga quishpirishcacunami frentepi Pactalla Ovejapac shutita, shinallatac Diospac shutita quillcashca carcacuna.

SALMOS 48:2

¡Chai urcuca mai sumacmi! Jatun mandacpac pueblo jahua ladopi cac Sión urcuca cai pachapi causaccunapac mai cushicunami.

APOCALIPSIS 21:2

Shinallatac jahua pacha Diospac ñaupamanta Diospaclla cac mushuc Jerusalén pueblo, novia cusahuan tupangapac allichirishca shina urai shamucuctami ricurcani.

ISAÍAS 51:11

Mandac Dios quishpichishcacunaca cutinllatacmi Sión llactaman cantashpa yaicunga. Paicunaca huiñaitami cushicunga. Paicunaca yallita cushicuihuanmi canga. Nanaipish, llaquipish, huacaipish illangami.

APOCALIPSIS 22:19

Shinallatac maijanpish cai libropi ima tucuna cashcata Dios huillashpa quillcachishcata anchuchishpa huillactaca, Diospish cai libropi nishca shinallatacmi causaita cuc yuramanta micunamantapish, Diospaclla cac puebloman yaicunamantapish anchuchinga.

APOCALIPSIS 3:12

Maijanpish millaita mishacmanca, ñuca Diosta mañana huasi ucupi cac pilar shina canatami cusha. Chaimantaca jaicapi mana llucshingachu, shinallatac paipica ñuca Diospac shutitapish, ñuca Diospac pueblopac shutitapish quillcashami. Chaica jahua pacha Diospacmanta shamuc mushuc Jerusalenmi canga. Shinallatac paipica ñucapac mushuc shutitapish quillcashami.

HEBREOS 13:14

Cai pachapica huiñaita mana chingaric pueblotaca mana charinchicchu, ashtahuanpish shamuc punzhapacmi shuc pueblota mashcacunchic.

HEBREOS 11:10

Abrahamca maita mana chingaripac, Diosllatac alli yuyarishpa shayachishca puebloman yaicusha nishpami shuyacurca.

JOEL 2:32

Mandac Dios ñucata mañaccunallami quishpiringa. Ñuca huillashca shinami, quishpirishcacunaca Sión urcupipish, Jerusalenpipish canga. Chai quishpirishcacunaca Mandac Dios ñuca cayashcacunami canga» ninmi.

OSEAS 1:10

Ashtahuanpish israelcunaca mama cuchapi tiyac tiyu shinami, pipish maita mana yupaipac cangacuna. Maipimi cancunata: «Cancunaca mana ñuca acllashcacunachu canguichic» nishca pamballapitacmi: «Huiñaita causac Mandac Diospac huahuacunami canguichic» ningacuna.

DANIEL 7:10

Paipac ñaupamantaca yacu shinami nina llucshicurca. Paipac ñaupapica huaranga huarangacunami servicurca. Maita mana yupaipacmi paipac ñaupapi shayacurca. Juezcuna tiyaricpica, librotami pascarca.

ISAÍAS 60:14

Llaquichiccunapac churicunaca cambac ñaupaman shamushpami cumuringa. Tucui canta millanayachiccunami cambac chaqui ñaupapi cunguringa. Paicunami “Israelcunapac jucha illac Mandac Dios causana Sión llacta” ninga.

ISAÍAS 59:20

Mandac Diosca: «Sión urcumanmi quishpichicca shamunga. Millaita ruhuanata saquishca Jacobopac huahua huahuacunapacmanmi shamunga» ninmi.

ISAÍAS 28:16

Chaimantami Mandac Diosca: «Riquichic, ñucaca Sión llactapimi huasita ruhuashpa callaripi churana acllashca sumac sinchi rumita shina churarcani. Chai rumita cricca mana manchashpa callpangachu.

ISAÍAS 12:6

Sionpi causaccunalla, yallita cushicushpa cantaichicyari. Cancunapac chaupipi causacuc israelcunapac jucha illac Diosca jatunmari» nichicyari.

2 REYES 19:4

Asiria llactata jatun mandacmi canta mandac causac Diosta mana alli nishpa rimachun shuc mandacta cachashca. Chashna rimashcataca Mandac Diosca uyashcami. Chaimanta caipi saquirishcacunamanta Diosta mañai” ninmi ninguichic» nishpa cacharca.

APOCALIPSIS 21:10

Diospac Espíritu ñucata japicpimi chai angelca shuc jatun urcu jahuaman pushashpa, jahua pacha Diospac ñaupamanta Diospaclla cac Jerusalén pueblo urai shamucucta ricuchirca.

APOCALIPSIS 7:2

Shinallatac inti llucshic ladomanta shuc ángel shamuctami ricurcani. Paica causac Diospac sellotami charicurca. Chai angelmi mama cucha yacutapish, cai pachatapish huacllichingapac poderta charic chuscu angelcunata sinchita caparirca. Paica:

SAN JUDAS 1:14

Adanmanta Enoccamanca, canchis taitacunami cashca. Enocca Dios yuyaita cucpimi, chai yachachiccunamanta huillashpaca: «Mandac Diosca paipac huaranga huaranga angelcunahuan shamuctami ricurcani.

DANIEL 6:26

Ñucaca tucui ñuca mandana llactacunapi causaccuna Danielpac Diospac ñaupapi manchaihuan pagui nichunmi mandani. Paica huiñaita causac Diosmi. Pai mandanaca mana tucuringachu. Huiñaita mandacungallami.

JEREMÍAS 10:10

Ashtahuanpish Mandac Diosca cashcata nic Diosmi. Paica huiñaita Mandac, causac Diosmi. Pai yallita piñaricpica, allpapish chucchunmi. Shuctac llactacunapi causaccunapish pai piñaricpica, mana causai pudincunachu.

ISAÍAS 51:16

Cancunapac shimipimi ñuca rimashcata churashpa, cancunataca maquihuan llanduc shina cuidani. Ñucami jahua pachatapish ruhuarcani. Cai pacha callari rumitapish ñucami churarcani. Shinallatac Sión llactapi causaccunataca: “Cancunaca ñuca acllashcacunami canguichic” ningui» nirca.

SALMOS 87:3

¡Diospac pueblolla, canmantaca sumaimanatami rimancuna!

SALMOS 84:2

Ñuca almaca Mandac Diospac huasi pungupi canatami yallita munan. Ñuca shungupish, ñuca cuerpopish cushicushpami causac Diosta cantan.

SALMOS 2:6

«¡Ñucaca jatun mandactaca ñami ñucapaclla chicanyachishpa Sión urcupi mandachun churani!» nirca.

JOSUÉ 3:10

Cancunaca caita ricushpami, causac Dios cancunapac chaupipi cashcataca yachanguichic. Paimi cunanca cananeocunatapish, heteocunatapish, heveocunatapish, ferezeocunatapish, gergeseocunatapish, amorreocunatapish, jebuseocunatapish cancunapac ñaupamanta llucchishpa cachanga.

DEUTERONOMIO 33:2

bendiciashpaca: «Mandac Dios Sinaí urcumantami shamurca. Seir urcumantami achicyachirca. Parán urcumantami achicyachirca. Paipac alli maquipi achicta apashpami pai acllashca huaranga huarangacunahuan shamurca.

DEUTERONOMIO 5:26

Chaica, ¿pi shuctac runacunata causac Dios nina chaupimanta rimashcata uyashpaca causacungayari?

HEBREOS 10:31

¡Causac Diospac maquimanta urmanaca yalli llaquimi!

HEBREOS 9:14

¡Apunchic Jesuspac yahuarcarin, tucuimanta yalli valishcami! Paica huiñaita causacuc Diospac Espirituhuan cashpami, ima millaita mana ruhuac cashpapish, pai quiquin Diosman curishpa huañurca. Paipac yahuarmi millai yuyaicunahuan mana allita ruhuashpa, causacucpi, causacuc Diosta servicta ruhuan.

HEBREOS 3:12

Cuyashca criccuna, cancunapurapi millai yuyaihuan mana crisha nishpa, causac Diosmanta caruyaccuna shucllapish ama tiyachun.

1 TESALONICENSES 1:9

Chaipac randica, paicunallatacmi ñucanchicta cancuna ima shina chasquishcata, ruhuashcalla dioscunata saquishpa, causac Diostatac servi callarishcata parlancuna.

ROMANOS 11:26

Chai quipaca, tucui israelcunami quishpiringa. Dios quillcachishcapica: «Sión pueblomantami Quishpichic shamunga. Jacobopac huahua huahuacunapac juchacunatami anchuchinga.

ROMANOS 9:26

Shinallatac maipimi “cancunaca mana ñuca huahuacunachu canguichic” nircani, chaillapitacmi “cancunaca causac Diospac huahuacunami canguichic” nisha» nishcami.

SAN MATEO 5:35

shinachari paipac chaqui saruna cai allpamantapish, shinachari Jerusalén Jatun Mandacpac pueblomantapish,

ISAÍAS 14:32

Llacta huillaccuna tapucpica, ¿imatatac nishun? Chaica: Mandac Diosmi Sión urcutaca churarca. Chaipimi llaquilla causac pai acllashcacunaca miticunga ninami canga» nirca.

SALMOS 68:17

Diospac macanacuna carretacunaca huaranga huarangami. Chaicunahuanmi Sinaí urcumantaca huasiman shamurca.

SAN MATEO 16:16

Shina tapucpimi Simón Pedroca: —Canca causac Diospac Churi, Quishpichic Cristomi cangui— nirca.

SALMOS 42:2

Ñuca almaca yacunayaihuan huañucuc shinami, causac Diosta mashcan. ¿Ima horastac Diospac ñaupapi ricuringapac rishayari?

ISAÍAS 24:23

Quillapish pingangami, intipish musparingami. Chaica tucuita Mandac Diosmi Sión urcupi tiyac Jerusalenpi mandacunga. Pai acllashca pushac yuyaccunapac ñaupapimi sumaimana achic nicuc tiyacunga.

ISAÍAS 27:13

Chai punzhapica jatun trompetapi tocacpimi, Asiria llactapish chingarishca puriccunapish, Egiptoman apashcacunapish shamunga. Chashna shamushpami Mandac Diostaca paipaclla urcupi tiyac Jerusalenpi mañanga.

JEREMÍAS 17:25

Shina ruhuacpica, cai llacta pungucunataca David mandashpa tiyarinapi tiyaric jatun mandaccunapish, caishuc mandaccunapishmi caballocunapi, carretacunapi yaicunga. Chashnami cai llactapica huiñaita causanga.

EFESIOS 2:19

Chaimanta cancunaca ña mana shuctac llactamanta shamushca shinachu canguichic, ashtahuanpish Diospaclla caccunapura cashcamantami Diospac huahuacunapura tucushcanguichic.

2 TIMOTEO 4:18

Chashnallatacmi tucui mana allicunamanta anchuchishpa, pai mandacuc jahua pachaman chayangacaman ñucataca huacaichinga. ¡Paitaca tucui mashna huiñai huiñaita “sumaimanami cangui” nishunchic! Chashna cachun.

HEBREOS 11:16

Ashtahuanpish paicunaca shuc sumac llactatami munarcacuna. Chai llactaca jahua pachami can. Chaimantami Diosca mana pingashpa, “paicunapac Diosmi cani” nin. Chaica Diosca shuc alli pueblotami allichishpa charicun.