HEBREOS 12:18 - Dios Rimashcata Quillcashcami

¹⁸ Cancunaca israelcuna shina, tuparinalla urcumanca mana chayarircanguichicchu. Chai urcupica nina rupacurcami, manchaipac amsapish, huairapishmi carca.

Nuevo Testamento en Quichua Cañar 1996

¹⁸ Cancunaca israelcuna*f** shina, tuparinalla urcumanca mana chayarircanguichicchu. Chai urcupica rupacuc ninapish, manchanayai amsapish, huaira huajiacucpish tiyarcami.

HEBREOS 12:18 Referans Kwoze

DEUTERONOMIO 4:11

Chashna nicpimi, cancunaca urcu chaquiman cuchuyarcanguichic. Chai urcuca cielocaman rupashpami yana yana puyuhuan purayashca carca.

ÉXODO 24:17

Mandac Diospac sumaimana achicca israelcunapac ñahuipica nina pillurishpa rupacuc shinami, urcu jahuapica ricurirca.

ÉXODO 20:18

Tucui israelcunamami tulun nishcatapish, corneta tocashcatapish uyarca. Shinallatac relampa jaguin nishcatapish, Sinaí urcu cushni tapashcatapish ricurca. Chaimantami manchaihuan chucchushpa caruyarca.

2 TIMOTEO 1:7

Diosca manchana yuyaita cuc espiritutaca mana cushcachu, ashtahuanpish poderta cuc, cuyaita cuc, shinallatac quiquinllatac jarcarina yuyaita cuc Espiritutami cushca.

2 CORINTIOS 3:9

Chingarina cashcata ricuchic mandashcacuna sumaimana cacpica, “¡Dios-huan ña alli tucushcami cangui” nishpa huillashcacarin, chaita yallimi mai sumaimana canga!

ROMANOS 6:14

Cancunaca mana Moisés mandashcacuna mandashcachu causacunguichic, ashtahuanpish Diospac cuyaimantami causacunguichic. Chaimanta cancunaca ña mana jucha mandashcachu causacunguichic.

ROMANOS 8:15

Cancunaca mana cutinllatac manchaita cuc, huatashca shinata charic espiritutachu chasquircanguichic, ashtahuanpish Diospac huahuata ruhuac Espiritutami chasquircanguichic. Chai Espiritumantami: «Ñuca Taitalla» nishpa mañanchic.

DEUTERONOMIO 5:5

Chai punzhapica Mandac Dios imata nishcata cancunaman huillacmi ñucaca carcani. Cancunaca manchashpami, urcumanca mana huichai rircanguichic. Chaipimi Mandac Diosca:

2 CORINTIOS 3:7

Chingarina cashcata ricuchic, tabla rumipi quillcashca mandashcata Dios Moisesman cushpaca, pai sumaimana cashcahuanmi achicyachirca. Chashna achicyachicpimi, israelcunaca Moisespac ñahuitaca mana ricui pudircacuna.