HEBREOS 11:7 - Dios Rimashcata Quillcashcami

⁷ Crishcamantami Noepish Dios huillashca manarac pactacpi, Diosta cazushpa, paita manchashpa, paipac aillu quishpirichun huambuc huasita ruhuarca. Pai crishcamantami, cai pacha millai gentecunatapish llaquiman cacharca. Diosca Noetaca crishcamantami chasquirca.

Nuevo Testamento en Quichua Cañar 1996

⁷ Crishcamantami Noepish manarac ima tucushcata ricushpa, Dios mandashcata cazushpa, paipac aillu quishpirichun huambuc huasita ruhuarca. Pai crishcamantami, cai pachapi causac millai gentecunatapish llaquiman cacharca. Pai crishcamantami, Diosca paihuan alli tucuchun chasquirca.

HEBREOS 11:7 Referans Kwoze

GÉNESIS 6:13

Chaita ricushpami, Diosca Noetaca: «Paicunamantami cai pachapica millaica yallita jundarishca. Chaimantami tucui cai pachapi causaita chariccunata tucuchinata yuyarircani.

1 PEDRO 3:20

Chai almacunaca ñaupa taita Noé huambuc huasita ruhuangacaman, Dios manarac piñarishpa, shuyacui punzhacunapi mana cazuc gentecunami carca. Chai punzhacunaca pusaccunallami yacullapitac quishpirircacuna.

EZEQUIEL 14:14

Noé, Daniel, Job cai llactapi causanman carca, cai quimsa runacunallami paicuna cashcata ruhuaccuna cashcamanta quishpirinman. Chaitaca Mandac Dios ñucami nini.

ROMANOS 4:13

Diosmi Abrahammanpish, paipac huahua huahuacunamanpish cai pachata cusha nishpa ari nirca. Chaica, mana Abraham Moisés mandashcacunata pactachishcallamantachu cusha nirca, ashtahuanpish crishcamantami chasquirca.

SAN LUCAS 17:26

Ima shinami Noé causai punzhacunapi carca, chashnallatacmi Runa Tucungapac shamushca ñuca cutimuna punzhacunapipish canga.

FILIPENSES 3:9

Cristohuan causana yuyailla cashpami, mandashcacunata pactachishpalla alli ricurinataca mana munani. Ashtahuanpish Cristota crishcallamantami, Diosca paihuan alli tucuchun ñucataca chasquirca.

GÁLATAS 5:5

Shina cacpipish ñucanchic crishcallamanta, shinallatac Diospac Espíritu imatapish ruhuaclla cashcamantaca, Dios-huan alli tucuna yuyaillami canchic.

EZEQUIEL 14:20

Mandac Dios ñuca shutipimi nini: Noé, Daniel, Job chaipi cacpipish, shuc churillapish, shuc ushillapish mana quishpirinmanchu. Ashtahuanpish paicunallami cashcata ruhuac cashcamanta quishpirinman.

HEBREOS 5:7

Apunchic Jesucristoca cai pachapi causacushpami, huañuimanta quishpichic Diosta caparishpa, huacashpa mañarca. Jesusca Diosta yallita cazushpami causarca. Chaimantami Diosca uyarca.

ROMANOS 3:22

Diosca Jesucristota crishcamantami, tucui criccunata chasquin. Diospac ñaupapica tucui gentecunami chashnallatac can.

ROMANOS 1:17

Chai alli huillaimi crishcallamanta Dios-huan alli tucushcata, cashcata ruhuac cashcata ricuchin. Chaica, Dios quillcachishcapica: «Runaca crishcallamantami causanga» ninmi.

SAN MATEO 3:7

Achca fariseocunapish, saduceocunapish bautizaringapac shamucpimi Juanca: «¡Culebra shina gentecuna! Dios cachashca llaquimanta quishpirinataca, ¿pitac huillarcayari?

PROVERBIOS 27:12

Yuyaisapa runaca maita ricushpa ima llaqui japigricucpica anchurinmi. Ashtahuanpish yuyai illac runaca rishpa llaquipi urmanllami.

GÉNESIS 7:23

Shinami gentecunapish, sacha animalcunapish, pambata aisarishpa puric animalcunapish, jahuata volac animalcunapish huañurca. Shina cacpipish, huambuc huasiman Noehuan yaicuccunaca mana huañurcachu.

2 PEDRO 3:6

Shinallatac ñaupaca yacu juizhullahuantacmi, cai pachapi ima tiyashcatapish tucuchirca.

2 PEDRO 2:5

Ñaupa punzhacunapi causaccunatapish Diosca mana perdonarcachu, ashtahuanpish yacu juizhuhuanmi millai gentecunataca tucuchirca. Shina cashpapish Dios munashca shina causachun nishpa, huillac Noellatami paihuan cac canchiscunandi quishpichirca.

2 PEDRO 1:1

Ñucaca Jesús acllashca apóstol, shinallatac Jesucristopacta ruhuac Simón Pedromi cani. Ñucanchic Dios Quishpichic Jesucristo cashcata ruhuac cashcamanta, ñucanchic shinallatac sumaimana crishcata chasquiccunamanmi, “allillachu canguichic” nishpa quillcashpa cachani.

HEBREOS 11:1

Crinaca manapish ricushcata japinata yuyanami. Mana ricushcata “chai shinami canga” ninami.

ROMANOS 10:6

Crishcallamanta Dios chasquishca canamanta Moisés quillcashpaca: «Ama shungupi: “¿Pitac jahua pachaman huichicungayari?” ninguichu. (Chashnaca, jahua pachamanta Cristota uricuchina shinatami nicungui).

ROMANOS 4:11

Abrahamtaca crishcallamantami Diosca chasquirca. Ashtahuanpish Dios chasquishcata ricuchingapacmi, quipata circuncisionta ruhuarca. Chaica, Abrahamca mana circuncisionta ruhuashca cashpapish, tucui criccunapac taitami tucurca. Diosca paicunatapish crishcallamantami chasquirca.

SAN MATEO 24:38

Chai punzhapi manarac yacu juizhu callaricpica, gentecunaca micushpa, ubiashpa, cazarashpa causacurca. Chashnami Noé huambuc huasiman yaicungacamanca carca.

SAN MATEO 24:25

Chaicunataca utcamanmi cancunaman huillarcani.

GÉNESIS 19:14

Chaimanta Lot llucshishpa, paipac ushicunahuan cazaragricuc yernocunataca: —¡Mandac Diosca cai llactata llaquichigrinmi! Chaimanta jatarichic, llucshichic— nirca. Shina nishcaca paipac yernocunamanca burla shinallami carca.

GÉNESIS 7:5

Shina nicpica, Noeca Mandac Dios nishca shinami tucuita ruhuarca.

GÉNESIS 6:9

Chai punzhacunapi causaccunapuramantaca Noemi cashcata ruhuac, ima millaita mana ruhuac shinallatac Dios munashca shina causac carca. Noepac huahua huahuacunaca:

ROMANOS 9:30

Shina cacpica, ¿imatatac nishun? Diosca mana israelcunataca paita crishcamantami chasquirca. Mana paicuna cashcata ruhuac cashcamantachu chasquirca.

PROVERBIOS 22:3

Yuyaisapa runaca maita ricushpa ima llaqui japigricucpica anchurinmi. Ashtahuanpish yuyai illac runaca rishpa llaquipi urmanllami.

SAN MATEO 24:15

Dios ima nishcata huillac Daniel quillcashca shina, Diosta mañana huasipi millana tiyacuctami ricunguichic. (Caita rezacca alli entendichun).

GÉNESIS 8:16

«Cambac huarmindi, churicunandi nueracunandi huambuc huasimanta llucshi.

GÉNESIS 6:22

Shina mandacpica, Noeca Dios nishca shinami ruhuarca.

EZEQUIEL 33:5

Chai corneta tocashca uyaricpipish, mana miticushpa huañucca paillatacmi faltayuc canga. Ashtahuanpish corneta tocashcata uyashpa miticushpaca, mana huañungachu.

SAN MATEO 2:12

Dios yachaccunaman muscuipi ricurishpa “Herodespacman ama cutichun” nicpimi, shuctac lado ñanta paicunapac llactamanca cutirca.

HEBREOS 8:5

Dios-huan tupana huasita Moisés ruhuagricucpimi, Dios rimashpaca: “Riqui, urcupi ricuchishca shina, chai huasita ruhuangui” nirca. Chaimantami cai pachapi cac curacuna servishpaca, jahua pachapi tiyashcata ricuchic llandu shinallatac ruhuacuncuna.

HEBREOS 12:25

Dios rimashcata uyaichic. Pacta mana uyashun ninguichicman. Cai pachapi Dios rimashcata mana uyashun niccunaca, tucuimi llaqui tucurca. Ñucanchiccarin jahua pachamanta rimacuctaca cazunatacmi canchic.

2 REYES 4:5

Chai huarmi Eliseopac ñaupamanta rishpaca, paipac huahuacunandimi ucupi huichcarirca. Huahuacunaca puñucunata paiman tupachicpica, paica aceiteta jundachishpami catirca.

JOB 35:8

Cambac juchacunaca can shina runatami llaquichinga. Cashcata can ruhuashcaca can shina runapacmi alli canga.