HEBREOS 11:35 - Dios Rimashcata Quillcashcami

³⁵ Crishcamantami huarmicunapish, paicunapac aillucuna huañushcata causachishcata chasquirca. Cutin shuccunaca causarina punzhapi sumac causaita japingapacmi, cacharishun nicucpipish, huañunalla llaquita apashpa huañurcalla.

Nuevo Testamento en Quichua Cañar 1996

³⁵ Crishcamantami huarmicunapish, paicunapac aillupuramanta huañushca cashpapish, causarishcata chasquircacuna. Cutin shuccunaca causarina punzhapi sumac causaita japingapacmi, cacharishun nicucpipish mana uyashpa, huañunalla llaquita apashpa huañurcacunalla.

HEBREOS 11:35 Referans Kwoze

FILIPENSES 3:11

Chashna ñuca huañushpapish, huañushcacunapuramantaca causarina yuyaillami cani.

HECHOS 9:41

Chaimantami Pedroca maquimanta jatarichishpa, viuda huarmicunatapish, caishuc criccunatapish cayashpa, ña causarishcata ricuchirca.

HECHOS 24:15

Paicuna shinallatacmi ñucapish Dios cashcata ruhuaccunatapish, mana allita ruhuaccunatapish, huañushcapuramanta causachina cashcata shuyacuni.

1 CORINTIOS 15:54

Cai ismuclla cuerpo mana ismuclla cuerpo tucucpi, huañunalla cuerpo mana huañuna cuerpo tucucpica, Dios quillcachishcapi nishcami pactanga. Chaipica: «Huañuitaca atishpa chingachishcami.

HECHOS 23:6

Pablo, chaipi caccuna maijancunaca saduceocuna, maijancunaca fariseocuna cashcata ricushpami, tucui chaipi caccunapac ñaupapi sinchita rimashpaca: —Huauquicuna, ñucaca fariseo runami cani. Ñuca taitapish fariseomi. Dios huañushcacunata causachinata crishpa shuyacushcamantami, ñucata caipi juchanchicunguichic— nirca.

HECHOS 22:29

Chashna nicpica, chai macashun nic soldadocunaca Pablota saquishpa anchurircallami. Roma llactamanta cashcata yachashpaca, chai mandacpish Pablota huatachishcamanta mancharircami.

HECHOS 4:19

Shina nicpi, Juanpish, Pedropish rimashpaca: —Cancunallatac alli yuyarichic. Diosmanca, ¿paita cazunata saquishpa, cancunata cazunachu ashtahuan alli canga?

SAN JUAN 5:29

Allita ruhuaccunaca causaita japingapacmi causaringacuna, ashtahuanpish mana allita ruhuaccunaca Dios juchanchishca cangapacmi causaringacuna.

SAN LUCAS 14:14

Chashna mana cutichipaccunaman carashcamantaca, cushicunguimi. Chaica, cashcata ruhuaccuna causarimui punzhapimi, Diosca canmanca cutichinga— nirca.

MARCOS 12:25

Huañushcacuna causarina punzhapica mana cazarangacunachu. Mana cazarachingachu. Paicunaca jahua pachapi causac angelcuna shinami canga.

SAN MATEO 22:30

Huañushcacuna causarina punzhapica, mana cazarangacunachu, mana cazarachingachu, ashtahuanpish jahua pacha angelcuna shinami cangacuna.

SAN LUCAS 20:36

Dios causachishca cashcamantaca, pai acllashcacunami canga. Shinallatac angelcuna shinami canga. Chaimanta paicunaca ña mana huañungachu.