HEBREOS 11:34 - Dios Rimashcata Quillcashcami

³⁴ Manchana nina japiricuctapish huañuchircami. Espadahuan huañuchinamantapish atircami. Fuerza illac cashpapish fuerzayuc tucushpami, shuctac llacta piña gentecunatapish macanacushpa atirca.

Nuevo Testamento en Quichua Cañar 1996

³⁴ Shinallatac manchanayaipac nina japiricuctapish huañuchircacunami. Espadahuan huañuchinamantapish atircacunami. Ima fuerza illac cashpapish, fuerzayuc tucurcacunami. Jatun macanacuicunapipish mana manchashpa, shuctac llactamanta paicunata p'iñac gentecunatapish atircacunami.

HEBREOS 11:34 Referans Kwoze

JUECES 15:8

Shina nishpami filisteocunataca yallita piñarishpa achcata huañuchishpa Etam jatun quingraipi tiyac machaipi causagrirca.

ISAÍAS 43:2

Yacuta pasacucpipish canhuanmi casha. Jatun yacuta pasashpapish mana ucuyanguichu. Nina jahuata purishpapish mana rupanguichu. Cunyacuc ninapish mana rupachingachu.

SALMOS 144:10

Canmi jatun mandaccunatapish macanacuipi mishachingui. Canmi canta servic Davidtaca espadapi huañunamanta quishpichircangui.

2 REYES 6:32

Jatun mandac shuc runata Eliseopacman cachacpica, paica paipac huasipimi yuyac runacunahuan carca. Ashtahuanpish, huillangapac shamuc runa manarac chayamucpimi, Eliseoca yuyac runacunataca: —Huañuchic runaca ñuca umata pitichunmi cachashca. Chai huillangapac shamuc runa shamucpica, punguta huichcashpa, ama yaicuchinguichu. Paipac amopish paipac huashatami sarushca uyarishpa shamucun— nirca.

1 REYES 19:3

Chashna huillacpimi, Eliasca mancharishpa ama huañuchichun nishpa, Judá llacta Beerseba puebloman rirca. Chai pueblopimi paita servictaca saquirca.

1 PEDRO 4:12

Cuyashca criccuna, cric cashcata ricungapac rupachic shina llaquicuna japicpipish, “jaicapi mana japishca llaquicunami japin” nishpa, ama mancharichicchu.

JEREMÍAS 26:24

Ashtahuanpish Safanpac churi mandac Ahicamca Jeremiasta chaipi tandanacushcacunapac maquipi churachun, huañuchichun mana saquirca.

SALMOS 66:12

Caballocunapi montashca gentecunahuanmi ñucanchic umata saruchircangui. Nina jahuata, yacu chaupita pasachishpami quipata mai allicunata curcangui.

SALMOS 6:8

Mandac Diosca ñuca huacashpa mañashcata uyashcami. Chaimanta millaita ruhuaccuna ñucapac ñaupamanta anchurichic.

JOB 42:10

Job paipac ricsishca quimsa runacunamanta mañashca quipami Mandac Diosca paimanca ñaupa charishcamanta ishcai cutinhuan yallita bendiciarca.

JOB 5:20

Yarcaihuan huañugricucpipish quishpichingami. Jatun macanacuipi espadahuan huañunamantapish quishpichingami.

1 SAMUEL 20:1

Davidca Ramá pueblopi cac Naiot pambamanta miticushpa Jonatanpacman shamushpaca: —Cambac taita ñucata huañuchisha nichunca, ¿ñucaca imatatac ruhuashcaniyari? ¿Ima mana allitatac ruhuashcaniyari? ¿Mana cashpaca ima juchatatac ruhuashcaniyari?— nirca.

ÉXODO 18:4

Cutin Shuc churitaca: «Ñuca taitapac Diosmari Faraón espadahuan huañuchinamanta quishpichirca» nishpami Eliezerta shutichirca.

1 SAMUEL 18:11

Shina charicushpami Saulca: «¡Lanzahuan shitashpami Davidtaca pirca quingraipi huañuchisha!» nishpami yuyarca. Ashtahuanpish ishcai cutinmi Davidca ladoyarca.

1 SAMUEL 19:10

Chaipimi Saulca lanzahuan shitashpa Davidta pirca quingraipi huañuchinata yuyarca. Ashtahuanpish David ladoyacpimi pircapi japirca. Chaimantami Davidca chai tutallatac miticungapac upalla rirca.

1 REYES 19:1

Acabca Elías tucui ima ruhuashcata, Baalmanta huillaccunata ima shina espadahuan huañuchishcatami Jezabelman huillarca.

2 REYES 6:1

Dios ima nishcata huillaccunapac churicunami Eliseotaca: —Riqui, cai canhuan causacuc huasica ñucanchicmanca uchillami.

SALMOS 124:7

Zhutacunata japiccunapac linchimanta zhutata cacharichic shinami quishpichirca. Paicunapac linchi lliquiricpimi, cacharircanchic.

SAN LUCAS 21:24

Maijantaca espadahuanmi huañuchinga. Maijantaca huatashpami, tucui llactacunaman prezu apanga. Dios llaquichichun saquishca punzhacuna pactangacamanmi, Jerusalenpi causaccunataca shuctac llactacunaca paicuna munashcata ruhuashpa llaquichinga.