HEBREOS 11:32 - Dios Rimashcata Quillcashcami

³² Ashtahuanca, ¿imatatac nisha? Gedeonmantapish, Baracmantapish, Sansonmantapish, Jeftemantapish, Davidmantapish, Samuelmantapish, Dios ima nishcata huillaccunamantapish mana tucui parlai pudinichu.

Nuevo Testamento en Quichua Cañar 1996

³² Ashtahuanca, ¿imatatac nisha? Gedeonmantapish, Baracmantapish, Sansonmantapish, Jeftemantapish, Davidmantapish, Samuelmantapish shinallatac Diosmanta ñaupa huillaccunamantapish mana tucui parlai pudinichu.

HEBREOS 11:32 Referans Kwoze

1 SAMUEL 16:1

Mandac Dios Samueltaca: —¿Saulmantaca ima horascamantac huacacugringui? Paitaca ñucami israelcunata jatun mandac cachun mana munarcani. Gachupi aceiteta jundachi. Ñucami Belén pueblopi causacuc Isaipacman cachagrini. Paipac churicunamantami shuctac jatun mandac cachun acllarcani— nirca.

1 SAMUEL 1:20

Chashnami Ana huicsayuc tucushpa, sajuarina punzha pactacpica, shuc cari huahuata sajuarirca. Chai huahuataca: «Mandac Diostami ñucaca mañarcani» nishpami Samuelta shutichirca.

1 SAMUEL 16:13

Shina nicpi, Samuelca aceitehuan cac gachuta japishpa, Davidtaca paipac huauquicuna ricucucpi aceitehuan umata cahuirca. Chai punzhamanta pachami Mandac Diospac Espirituca Davidpacman shamurca. Chai quipaca Samuelca Ramá pueblomanmi cutirca.

SAN JUAN 21:25

Jesusca mana caicunallatachu ruhuarca, ashtahuanpish shuctac taucacunatami ruhuarca. Chashna tucui chaicunata shucllancaman shucllancaman quillcacpica, cai pachapi maipi librota churanallapish mana pactanmanchu.

2 PEDRO 1:21

Diosmanta ñaupa huillaccunaca jaicapi quiquin yuyashca shinaca mana huillarcacunachu, ashtahuanpish Diospaclla cashcamantami Diospac Espiritullatac paicunata yuyaita cucpi rimarcacuna.

ROMANOS 7:7

Shina cacpica, ¿imatatac nishun? ¿Mandashcacunaca juchami nishunchu? ¡Mana chashnachu! Shina cacpipish, mandashcacuna mana tiyashca cacpica, ñucaca imami jucha cashcata, mana yachaimanchu carcani. Mandashcacunapi «Ama shucpac charishcata munanguichu» mana nicushca cacpica, shucpac charishcata munana jucha cashcataca mana yachaimanchu carcani.

ROMANOS 4:1

¿Imatatac ñaupa taita Abrahammantaca nishun? ¿Paica imatatac japishca canga?

ROMANOS 3:5

Ñucanchic mana allita ruhuashcacunallatac Dios cashcata ruhuac cashcata ricuchicpica, ¿imatatac nishun? Ñucanchicta llaquichicpica, ¿Diosca millaimantami llaquichin nishunchu? Caitaca gentecuna yuyashca shinami rimagrini.

HECHOS 13:20

Chai quipaca, chuscu patsac pichca chunga huatatami, Dios ima nishcata huillac Samuel mandacui punzhacaman, alli mandaccunata churarca.

HECHOS 10:43

Dios ima nishcata tucui huillaccunami: “Jesusmi, paita criccunapac juchacunata perdonanga” nishpa huillarca— nirca.

HECHOS 3:24

Dios ima nishcata huillac Samuelmanta callarishpami, tucui huillaccuna cai punzhacunapi ima tucunamantaca huillashca.

1 SAMUEL 12:11

Chaimantami Mandac Diosca cancunapac muyundipi causac cancunata piñaccunapac maquimanta quishpichichun Jerobaalta, Baracta, Jefteta shinallatac Samuelta cacharca. Chaimantami ima llaquipish mana japicpi, sumacta causarcanguichic.

2 PEDRO 3:2

Diospaclla cac ñaupa huillaccuna nishcatapish, Quishpichic Apunchic Jesús mandashcata pai acllashca huillaccuna cancunaman huillashcatapish yuyarichicyari.

SANTIAGO 5:10

Cuyashca criccuna, Diosmanta ñaupa huillaccuna Dios ima nishcata huillashpa, alli shunguhuan mana piñarishpa llaquita apashcata yuyarichic.

ROMANOS 6:1

Shina cacpica, ¿imatatac nishun? Dios ashtahuan cuyac cashcata ricuchichunca, ¿ashtahuan juchata ruhuacushunllachu?

SAN LUCAS 16:31

Shina nicpimi Abrahamca: “Moisés mandashcacunatapish, Dios ima nishcata huillaccuna huillashcacunatapish mana cazushpaca, huañushcacunapuramanta maijan causarishpa ricpipish, ¡maitatac cazungayari!” nircami» nirca.

SAN LUCAS 13:28

Taita Abrahamtapish, Isaactapish, Jacobotapish, Dios ima nishcata huillaccunatapish Dios maipi mandacucpi tiyacucta ricushpa, cancuna canzhaman shitashca cashpaca, quirucuna canirishpami huacacunguichic.

SAN MATEO 5:12

Chashna llaquichicpipish, ¡cushicuichiclla! Diosca jahua pachapimi, cancuna japina cashcata yallita cunga. Ñaupa punzhapipish Dios ima nishcata huillaccunataca llaquichircacunami.

JEREMÍAS 15:1

Chaimantami Mandac Diosca: «Moises-huan, Samuelhuan ñuca ñaupapi shayaricpipish, cai llactataca mana llaquishachu. Ñucapac ñaupamanta anchuchishpa, llucchishpa cachai.

SALMOS 99:6

Moisespish, Aaronpish paipac curacunapurami carca. Samuelpish paita mañaccunapurallatacmi carca. Paicuna mañashcataca Mandac Diosca uyacmi carca.

1 SAMUEL 2:18

Samuel huambraca linomanta ruhuashca efodta churarishpami, Mandac Diospac ñaupapi Diospacta ruhuac carca.

1 SAMUEL 2:11

Chai quipami Elcanaca Ramá pueblopi tiyac paipac huasiman cutirca. Chai huambraca Elí curapac ñaupapimi Mandac Diospacta ruhuangapac saquirirca.

JUECES 13:24

Chai huarmica shuc cari huahuata sajuarishpami, chai huahuataca Sansonta shutichirca. Chai huahua huiñacpimi, Mandac Diosca bendiciarca.

JUECES 6:11

Mandac Diospac ángel rishpaca abiezeritapuramanta Joaspac Ofra pambapi tiyac encina yura ucullapimi tiyarirca. Joaspac churi Gedeonca madianitacunamanta pacangapacmi vinota capina pushtupi trigota huactacurca.

JUECES 4:1

Aod huañushca quipaca israelcunaca cutinllatacmi Mandac Diospac ñaupapi mana allita ruhuai callarirca.

JUECES 6:1

Israelcuna Mandac Diosta mana allita ruhuashpa piñachishcamantami Mandac Diosca madianitacunapac maquipi canchis huatata churarca.

JUECES 6:14

Mandac Dios paipac ñahuita ricushpa rimashpaca: —Cambac tucui fuerzahuan rishpa, israelcunata madianitacunapac maquimanta quishpichigri. ¿Manachu ñuca cantaca cachani?— nirca.

JUECES 15:20

Sansonca ishcai chunga huatatami filisteocuna causacui punzhacunapica israelcunata mandarca.

1 SAMUEL 2:4

Sinchi runacunapac arcocunatapish paquircami. Ashtahuanpish imata mana yachaccunaca chumbillic shinami fuerzata japincuna.

1 SAMUEL 17:45

Chaimantami Davidca chai filisteotaca: —Canca ñucahuan macanacungapacca espadahuan, uchilla lanzahuan, jatun lanzallahuanmi shamungui. Ashtahuanpish ñucaca tucuita Mandac Dios, Israel soldadocunapac Mandac Diospac shutipimi canhuan macanacungapac shamuni. Canca chai Diostami rimarishpa piñachircangui.