HEBREOS 10:5 - Dios Rimashcata Quillcashcami

⁵ Chaimantami Apunchic Jesús cai pachaman shamushpaca, Diostaca: «Animalta cushpa huañuchishcatapish, ofrendatapish mana munarcanguichu. Ashtahuanpish ñucataca shuc cuerpotami ruhuarcangui.

Nuevo Testamento en Quichua Cañar 1996

⁵ Chashna cashcamantami Apunchic Jesusca cai pachaman shamushpaca, Taita Diostaca cashna nirca: “Animalcunata canman cushpa huañuchishcatapish, imallata canman cushcacunatapish, mana nircanguichu. Ashtahuanpish runa tucuchunmi, ñucataca allichircangui.

HEBREOS 10:5 Referans Kwoze

ISAÍAS 1:11

Mandac Diosca: «Cancuna achca animalcunata ñucaman cushpa, huañuchishcapish, ¿ñucamanca imapactac valin? Cari ovejacunata cushpa, tucui rupachishcatapish, huira animalcunapac huirata rupachishcatapish ñucaca millanimi. Huagracunata, cari ovejacunata, chivocunata huañuchishpa, cushca yahuartapish mana munanichu.

ISAÍAS 7:14

Cunanca, Mandac Diosllatacmi shuc señalta ricuchigrin. Carihuan manarac chayarishca solterami huicsayuc tucushpa shuc cari huahuata charinga. Chai huahuataca Emanueltami shutichinga.

1 PEDRO 2:24

Ñucanchic juchata mana ruhuangapac huañushca shina tucushpa, cashcata ruhuashpa causachunmi, Cristollatac paipac cuerpopi ñucanchic juchacunata apashpa, cruzpi huañurca. Cancuna alliyachunmi, Cristoca chugririshca carca.

HEBREOS 1:6

Shinallatac Dios paipac shuclla Churita cai pachaman cachacushpaca: “Tucui ñuca angelcuna paita alli ninguichic” ninmi.

HEBREOS 10:7

Chaimantami ñucaca: “¡Jatun Dioslla, quillcachishcapi nishca shinami, can munashcata ruhuangapac shamuni!” nircani» nirca.

HEBREOS 2:14

Ima shinami shuc huahuacuna aichayuc, yahuaryuc can, chai shinallatacmi Jesuspish ñucanchic shina aichayuc, yahuaryuc carca. Shina cashpami, huañuiman apac diablotaca, pai huañushpa chingachirca.

HEBREOS 10:10

Ñucanchicta jucha illacta ruhuangapacmi Jesucristoca Dios munashca shina, shuc cutinlla huiñaipac huañurca.

GÁLATAS 4:4

Shina cacpipish cachana punzha pactacpimi, Diosca shuc huarmimanta huacharichun paipac Churitaca cacharca. Paica Moisés mandashcacunataca tucuitami cazushpa causarca.

2 JUAN 1:7

Cai pachapica llullashpalla huillaccunaca achcacunami puricuncuna. Paicunaca: “Apunchic Jesucristoca mana runa tucushpachu shamurca” nishpami, llullashpa huillancuna. Chaicunaca Apunchic Jesucristota piñaccunami.

HEBREOS 8:3

Tucui jatun mandac curacunami, Diosman ofrendata cungapac, animalcunata huañuchishpa Diosman cungapac acllashca can. Chaimantami Apunchic Jesucristopish Diosmanca imata cuna can.

1 TIMOTEO 3:16

Ñucanchic crishcaca, tucuimanta yalli jatunmi can: Diosca aichayuc tucushpami ricurirca. Paipac Espiritupica tucuitami misharca. Paitaca angelcunami ricurca. Mana israelcunamanpish huillashcami carca. Cai pachapipish crircacunami. Jahua pachapipish alli nishpami chasquishca carca.

SAN JUAN 1:14

Chai Rimashca Shimillatacmi runa tucushpa, ñucanchic-huan causarca. Paica yallita cuyac, cashcata nicmi. Paica Diospac shuclla Churi cashpami, yalli poderyuc carca. Chashna cactami ricurcanchic.

SAN LUCAS 1:35

Chashna nicpimi angelca: —Diospac Espiritumi shamunga. Jahua pacha Diospac podermi cantaca llandunga. Chaimantami jucha illac huahua huacharinga. Diospac Churi nishcapishmi canga.

JEREMÍAS 6:20

¿Imapactac Sabá llactamanta inciensota apamunguichic? ¿Imapactac caru llactamanta mishquilla ashnacuc huiruta apamunguichic? Cancuna tucui rupachishcatapish, Cancunapac ofrendatapish mana munanichu nini» ninmi.

SAN MATEO 11:3

Paicuna rishpaca: —¿Canchu chai shamuna cashca Quishpichic Cristoca cangui? Mana cashpaca, ¿shuctachu shuyana canchic?— nirca.

JEREMÍAS 31:22

Mana cazuc soltera shina Israel-lla, ¿ima horascamantac caita chaita puricunguilla? Mandac Dios ñucami cai llactapica mushucta ruhuasha. Huarmica cusapac ladomanmi shamunga» ninmi.

GÉNESIS 3:15

Canhuan, cai huarmihuan, cambac huahuacunahuan, cai huarmipac huahuacunahuan piñanacuchunmi churani. Cai huarmipac huahuaca cantaca umapimi sarunga. Canca chaqui talonllapimi caningui— nirca.

SAN LUCAS 7:19

Chaimanta Juan paipac yachacuccunapuramanta ishcaita cayashpa, Jesuspacman cachashpaca: «Cancuna rishpaca: “¿Canchu chai shamuna cashca Cristoca cangui? Mana cashpaca, ¿shuctachu shuyana canchic?” nishpa tapunguichic» nirca.

ISAÍAS 40:16

Diosman animalta cushpa, tucui rupachingapacca tucui Líbano animalcunapish mana pactangachu.

HEBREOS 5:7

Apunchic Jesucristoca cai pachapi causacushpami, huañuimanta quishpichic Diosta caparishpa, huacashpa mañarca. Jesusca Diosta yallita cazushpami causarca. Chaimantami Diosca uyarca.

HEBREOS 10:8

Ñaupa quillcachishcapica: “Animalta Diosman cushpa huañuchishcatapish, ofrendacunatapish, juchacunata anchuchingapac animalta cushpa rupachishcatapish mana munanchu, paitaca mana cushichinchu” ninmi.