HEBREOS 1:10 - Dios Rimashcata Quillcashcami

¹⁰ Shinallatac: “¡Mandac Dioslla! Canllatacmi cai allpatapish, imapish manarac tiyacpi ruhuarcangui. Canllatacmi jahua pachatapish ruhuarcangui.

Nuevo Testamento en Quichua Cañar 1996

¹⁰ Shinallatac Taita Diosca: “¡Mandac Dioslla! Canllatacmi cai allpatapish, maipi ima manarac tiyacpi ruhuarcangui. Canllatacmi jahua pachatapish ruhuarcangui.

HEBREOS 1:10 Referans Kwoze

GÉNESIS 1:1

Imapish manarac tiyacpimi, Diosca jahua pachatapish, cai pachatapish ruhuarca.

JEREMÍAS 32:17

“¡Jatun Mandac Dioslla, jahua pachatapish, cai pachatapish cambac rigrata chutashpami, cambac jatun poderhuan ruhuashcangui! Can Diospacca ima ruhuanapish mana sinchichu.

ISAÍAS 48:13

Ñuca maquihuanmi cai pachataca ruhuarcani. Ñuca alli lado maqui shunguhuanmi jahua pachataca medircani. Ñuca cayacpica, tucui paicunami tandanacurca.

ISAÍAS 42:5

Jahua pachatapish, cai pachatapish, chaipi tiyaccunatapish ruhuac, cai pachapi causaccunamanpish causaita cuc, cai allpapi puriccunaman samaita cuc Mandac Diosca:

ZACARÍAS 12:1

Mandac Diosca israelcuna ima tucunamantami huillan. Jahua pachatapish, cai pachatapish ruhuac, runamanpish samaita cuc Mandac Diosca:

ISAÍAS 64:8

Mandac Dioslla, cunanca canmi ñucanchic Taita cangui. Ñucanchicca allpa turullami canchic. Canmi ñucanchictaca ruhuarcangui. Ñucanchicca can ruhuashcami canchic.

ISAÍAS 51:13

¿Ñachu cancunatapish, jahua pachatapish ruhuac Mandac Diostaca cungarircangui? Cai pacha callari rumitapish ñucallatacmi churarcani. ¿Ima nishpatac cancunata llaquichiccuna yallita piñarishpa, tucuchingapac shayaricpica, punzhanta mancharicunguichic? ¿Maipitac cancunata yallita piñashpa llaquichicca?

PROVERBIOS 8:29

Mama cucha yacu maiman richun, mandacucpipish chaipimi carcani. Cai pacha callari rumicunata churacucpipish chaipimi carcani.

APOCALIPSIS 3:14

Laodicea pueblopi cac tandanacushca criccunata ricuc angelman quillcai: “Dios-huan cai pachapi tucui ima tiyashcatapish ruhuac, imatapish cashcata nic, imatapish pactachic, shinallatac chashna cachunca nicca:

SALMOS 19:1

Jahua pachaca Dios sumaimana cashcatami huillan. Chaipi tiyashcacunaca paipac maquihuan ruhuashcatami ricuchin.

DEUTERONOMIO 4:19

Pacta jahua cielota ricushpa, intita, quillata, lucerocunata, tucui jahua cielopi tiyashcata ricushpa cungurishpa adoranguichicman. Chaicunataca Mandac Diosmi tucui cai pachata achicyachichun ruhuarca.

ISAÍAS 40:12

¿Pitac mama cucha yacutaca maqui shunguhuan, cutin jahua pachataca dedohuan medirca? ¿Pitac cai pacha ñuto allpataca paipac quimsa dedohuan tandachirca? ¿Pitac urcucunatapish, lomacunatapish balanzapi pezashpa churarca?

ISAÍAS 51:6

Jahua pachata huichailla ricuichicyari. Cai pachatapish urai ricuichicyari. Jahua pachaca cushni shinami chingaringa. Allpaca churana maucayac shinami tucuringa. Cai pachapi causaccunaca chuspicuna shinami tucuringa. Shina cacpipish, ñucaca huiñaitami quishpichisha. Ñuca cashcata ruhuanaca manatac tucuringachu.

HEBREOS 12:27

«Cutinllatac chucchuchishami» nishpaca, Dios ruhuashca cuyuchinacunallata anchuchishpa, mana cuyurinacunata saquirina cashcatami nisha nin.