HAGEO 2:12 - Dios Rimashcata Quillcashcami

¹² Maijan Diospaclla chicanyachishca aichata paipac churanacunapi micllashpa apacucpi, chai churana punta tandapi, cusashca aichapi, vinopi, aceitepi, mana cashpaca ima shuctac micunapi tuparicpica, ¿Diospaclla tucungachu? ningui ninmi» nirca. Shina tapucpi, chai curacunaca: —Mana— nirca.

HAGEO 2:12 Referans Kwoze

SAN MATEO 23:19

¡Ñahui mana ricuc, yuyai illaccunalla! ¿Maijantac ashtahuan alli? ¿Ofrenda, mana cashpaca ofrendata Diospacllata ruhuac altar?

LEVÍTICO 6:27

Imapish chaipi tuparicca Diospacllami tucunga. Shinallatac churanapi yahuar cahuiricpica, Diospaclla chicanyachishca pushtupimi tacshana can.

EZEQUIEL 44:19

Canzha pamba gentecunapacman llucshishpaca, ñucata servingapac churarishca churanataca chicanyachishca ucucunapimi saquina can. Chai churanacunallahuantac llucshishpa, canzhapi cac gentecunata ñucapacllata mana ruhuangapacmi shuctac churanata churarina can.

LEVÍTICO 7:6

Chai ofrendaca Diospaclla chicanyachishcami. Chaimantami curacunalla Diospaclla chicanyachishca pushtupi micuna can.

LEVÍTICO 6:29

Chai ofrendacunaca Diospaclla chicanyachishcami. Chaimantami chai aichataca tucui curacunalla micunga.

ÉXODO 29:37

Canchis punzhacaman altar jahuapi ñucaman cushpa rupachingui. Chashna ruhuacpimi, ñucapaclla chicanyachishca altar saquiringa. Pipish chai altarpi tuparicca ñucapaclla chicanyachishcami saquiringa.

DEUTERONOMIO 33:10

Paicunami Jacobomanca mandanata allita yachachinga. Israelcunaman mandashcacunatapish yachachingami. Inciensotapish, tucui rupachinatapish, cambac altar ñaupapimi churanga.

ECLESIASTÉS 10:1

Huañushca chuspicunaca ashnanmi mishquilla ashnacuc jambitapish ashnachinmi. Chashnami yuyaisapa, alli nishca runa ashata pandarishpaca, yallita mana alli ricurin.