Biblia Todo Logo
Bib sou entènèt

- Piblisite -




HABACUC 3:6 - Dios Rimashcata Quillcashcami

6 Pai shayaricpica, cai pachami chucchun. Pai ricucpica, llactacunami manchan. Ñaupa huatacunapi tiyac urcucunapish tuñirinmi. Lomacunapish urmanmi. Paipac ñancunaca huiñaicamanmi.

Gade chapit la Kopi




HABACUC 3:6
35 Referans Kwoze  

Ñaupa ñuca taita bendiciashcata yallimi, cambac taitaca bendicianga. Cambac bendicionca huiñaita tiyac jatun urcucaman shinami cambac jahuapi canga. Huauquicunamanta chicanyashca cashcamantami chai bendicionca Josepac canga.


Paipac ñaupapica, urcucunapish chucchunmi, lomacunapish yacuyanmi. Allpapish, cai pachapish, tucui chaipi causaccunapish cuyurinmi.


Ñaupamanta tiyac urcucunapipish, lomacunapipish alli grano pucuchun.


Tucui cai pachapi causachunmi, shuclla runamanta tucui runacunata mirarirca. Paillatacmi gentecuna mashna huatacaman causanatapish, maipi causanatapish churarca.


Diosca paita manchaccunataca huahua huahuacaman llaquicungallami.


Jesucristoca sarunpish, cunanpish, huiñai huiñaipacpish Paillatacmi.


Jahua pachapish, cai pachapish tucuringami. Ashtahuanpish ñuca huillashcaca pactacungallami.


Canta ricushpaca urcucunapish mancharircami, yacu jundashcapish yallircami. Manchana jatun jutcupish caparircami. Mama cuchapish jahuata alzarircami.


Saquirishca Jacobopac huahuacunaca gentecunapac chaupipica shuc león sacha animalcunapac chaupipi cac shinami canga. Huahua león manada ovejacunapac chaupita rishpa, micuc shinami canga. Chashna micucucpica, pipish mana misai pudingachu.


Polilla churanata micuc shinami paicunata tucuchinga. Curu millmata micuc shinami, chingachinga. Ashtahuanpish ñuca cashcata ruhuanapish, quishpirinapish huiñai huiñaitami canga» ninmi.


Jahua pachata huichailla ricuichicyari. Cai pachatapish urai ricuichicyari. Jahua pachaca cushni shinami chingaringa. Allpaca churana maucayac shinami tucuringa. Cai pachapi causaccunaca chuspicuna shinami tucuringa. Shina cacpipish, ñucaca huiñaitami quishpichisha. Ñuca cashcata ruhuanaca manatac tucuringachu.


Ashtahuanpish paita manchaccunataca ñaupamanta huiñaicamanmi cuyacunlla. Shinallatac huahua huahuacunacamanmi cashcata ruhuacungalla.


Urcucuna manarac tiyacpi, shinallatac cai pachatapish manarac ruhuashpami canca ña tiyashcangui. Ñaupamanta huiñaicamanmi Dios cangui.


Jatun urcucunalla, ¿ima nishpatac Dios tiyana acllashca urcutaca munashpa chapanguichic? Mandac Diosmi chaipica huiñaita causanga.


Mandac Diospac ñaupapica urcucunapish chucchurcami. Sinaí urcupish israelcunata Mandac Diospac ñaupapica chucchurcami.


Mandac Dios israelcunamanta macanacucpimi, tucui jatun mandaccunatapish atishpa, paicunapac jatun llactacunatapish japirca.


Jahua pacha Dios llactacunaman allpata cushpaca, Adanpac churicunata chicanyachicushpami Israelpac huahuacuna mashna cashcata ricushpa linderocunata churarca.


Shuc cari huahuata, mana cashpaca huarmi huahuata huagra sacmashpa huañuchicpica, chai mandashca shinallatacmi huagrayuc runataca llaquichina can.


Mandac Dioslla, can cushca urcuman chayachishpami, tarpuc shina churangui. Can causangapac allichishca llactamanmi chayachingui. Cambac maquihuan shayachishca sumac huasimanmi pushangui.


Paicunaca huaira apanalla ucsha shina, mana cashpaca jatun huaira apanalla tamo shinami.


Tamota huaira apashca shina callpachun. Mandac Diospac ángel catishca cachun.


Mandac Dioslla, jucha illac Dioslla, canca, ¿manachu imapish manarac tiyacpi, ña tiyarcangui? ¡Shina cashcamantaca ñucanchicca mana huañushunchu! Mandac Dioslla, llaquichichunmi Babilonia runacunataca caipi churarcangui. Jatun Rumi shina Dioslla, canca llaquichinpacmi paicunataca cacharcangui.


Gentecunaca chaita uyashpaca chucchungami. Filisteocunaca yallita manchangami.


Edom llactata mandaccunaca yuyai illacmi tucunga. Sinchi Moab gentecunapish manchaihuan chucchungami. Canaanpi causaccunaca mancharishpami imata mana ruhuai pudinga.


Mandac Dios nina chaupita urcuman urai shamushcamantami chai urcuca hornota cushni tapashca shina carca. Tucui chai urcumi yallita chucchucurca.


Pai yallita piñarishpaca urcucunatapish cuyuchinmi, maipi cashcamanta tuñishpa shitanmi, chaitaca pipish mana yachanchu.


Urcucunapish huira shinami tucui cai pachata Mandac Diospac ñaupapi nuyurca.


Pai allpata ricucpica chucchunmi. Urcucunapi tuparicpica cushninmi.


Swiv nou:

Piblisite


Piblisite