HABACUC 3:3 - Dios Rimashcata Quillcashcami

³ Diosca Temán llactamantami shamun. Jucha illac Diosca Parán urcumantami shamun. Paipac sumaimana achicca jahua pachatami tapan. Cai pachapica paita alabashcami jundan.

HABACUC 3:3 Referans Kwoze

DEUTERONOMIO 33:2

bendiciashpaca: «Mandac Dios Sinaí urcumantami shamurca. Seir urcumantami achicyachirca. Parán urcumantami achicyachirca. Paipac alli maquipi achicta apashpami pai acllashca huaranga huarangacunahuan shamurca.

ABDÍAS 1:9

Temán llactalla, cambac sinchi soldadocunapish chucchungami. Esaupac urcupi causaccunapish yallita llaqui tucushpami huañunga.

AMÓS 1:12

Chaimantami Temán llactapica ninata churasha. Chai ninami Bosra llactata mandashpa tiyana huasicunatapish tucui rupachinga» ninmi.

SALMOS 4:4

Paipac ñaupapi chucchuichicyari, ama ashtahuan juchallichicchu. Camapi siririshpa shungupi upalla tucushpa yuyarichicyari.

JEREMÍAS 49:7

Mandac Dios Edom llactata llaquichinamanta rimashpaca: «Temán llactapica, ¿ñachu yachaccuna tucurirca? Yachaccuna cunashcacunapish, ¿ñachu tucurirca? Paicunapac yachaica, ¿ñachu huacllirirca?

ISAÍAS 6:3

Chai angelcunaca caishuc chaishucmi: «¡Tucuita Mandac Diosca jucha illac, jucha illac, jucha illacmi! ¡Tucui cai pachaca paipac sumaimana achic nicuc jundami!» nircacuna.

SALMOS 68:17

Diospac macanacuna carretacunaca huaranga huarangami. Chaicunahuanmi Sinaí urcumantaca huasiman shamurca.

DEUTERONOMIO 5:24

Chashna cuchuyashpaca: “Riqui, caipimi ñucanchicta Mandac Diosca paipac podertapish, jatun cashcatapish ricuchin. Nina chaupipimi pai rimashcata uyanchic. Cunan punzhami Dios runacunaman rimacpi, runacuna mana huañuc cashcatapish ricunchic.

GÉNESIS 21:21

Paica shitashca pamba Paranpimi causacurca. Paipac mamaca Egiptomanta huarmihuanmi cazarachirca.

ISAÍAS 64:3

Jaicapi ñucanchic mana yuyashca mancharinacunata ruhuangapac can urai shamucpica, urcucunapish cambac ñaupapi chucchurcami.

SALMOS 48:10

Sumac Dioslla, cambac shutita alli nina cashca shinallatacmi cantaca tucui cai pachapi causaccuna alli nincuna. Cambac alli maquihuanca cashcatami ruhuangui.

SALMOS 9:20

Mandac Dioslla, paicunapica manchaita churaiyari. Paicunaca runallami. Chaitaca paicunaman ricuchiyari.

SALMOS 9:16

Mandac Diosca cashcata ruhuashpami paipac shutitaca ricsichirca. Ashtahuanpish millaita ruhuaccunaca shuccunata urmachingapac paicunallatac ruhuashca tucllapimi urmarcacuna.

SALMOS 3:4

Ñucaca caparishpami Mandac Diosta mañarcani. Chaitaca paipaclla urcumantami uyarca.

SALMOS 3:2

Taucacunami ñucataca: «¡Diosca paitaca mana quishpichingachu!» nincuna.

1 SAMUEL 25:1

Samuel huañucpica, tucui israelcunami tandanacushpa huacarca. Paitaca pai causana Ramá pueblollapitami enterrarca. Chai quipaca Davidca shitashca pamba Paranmanmi rirca.

NÚMEROS 10:12

Mandashca shinami, israelcunaca Sinaí shitashca pambamantaca shitashca pamba Paranman rirca. Chai puyuca chai pambapimi shayarirca.

ÉXODO 20:18

Tucui israelcunamami tulun nishcatapish, corneta tocashcatapish uyarca. Shinallatac relampa jaguin nishcatapish, Sinaí urcu cushni tapashcatapish ricurca. Chaimantami manchaihuan chucchushpa caruyarca.

GÉNESIS 36:11

Elifazpac huahuacunaca: Temán, Omar, Zefo, Gatam, Cenazmi carca.

SALMOS 113:4

Mandac Diosmi tucui llactacunata mandacun. Paipac sumaimana achicllaca jahua pachapimi.

SALMOS 148:13

Mandac Diospac shutica mai alli nina shutimi. Chaimanta paita alabaichicyari. Paimi cai pachatapish, jahua pachatapish ricucun.

ISAÍAS 31:1

¡Aij, Egiptopi causaccunata ayudai ningapac urai riccunalla! ¡Aij, caballocunapi ric soldadocunapi, achca carretacunapi, sinchi caballocunapi shunguta churashpa “paicunaca ayudangallami” nishpa yuyaccunalla! Shina yuyacushpapish, israelcunapac jucha illac Diostaca mana yuyarincunachu. Mandac Diospac ayudata mana mañancunachu.

1 REYES 11:18

Paicunaca Madián llactamanta llucshishpaca, Parán shitashca pambamanmi chayarca. Chai pambamantami tauca runacunata apashpa, Egiptoman rirca. Egipto llactata jatun mandac Faraonpacman chayacpimi, jatun mandacca huasicunatapish, micunatapish allpacunatapish paicunaman curca.

EZEQUIEL 43:2

Chaipimi inti llucshina ladomanta Diospac sumaimana achic nicuc shamucta ricurcani. Chaica jatun yacu huaj nic shina shamushpami, cai pachata taparca.

HABACUC 2:14

Mama cucha yacuhuan junda cac shinami, cai pachapi causaccunaca Mandac Diospac poderta ricsina yuyaihuan canga.