HABACUC 2:7 - Dios Rimashcata Quillcashcami

⁷ Can llaquichishca gentecunaca cungaillami canta llaquichingapac jataringa. Paicunaca canta llaquichishpami can ima charishcacunata quichunga.

HABACUC 2:7 Referans Kwoze

PROVERBIOS 29:1

Cunashpa rimacpi, piñarishpa sinchi tucuc runataca cungailla llaqui japingami. Paitaca pi mana allichi pudingachu.

1 TESALONICENSES 5:3

Gentecunaca: «Cushillami sumacta causacunchic» nicucpica, jatun llaquica shuc huarmita sajuarina nanai japic shinami cungailla japinga. Chai llaquimantaca pipish mana quishpiringachu.

JEREMÍAS 51:57

Paicunata mandaccunatapish, jatun yachaccunatapish, llactapi mandaccunatapish, soldadocunata mandaccunatapish, tucui sinchi runacunatapish machachishami. Chashna machachicpica, huiñaita mana riccharishpami, sueñucungalla. Chaitaca Jatun Mandacmi nin. Paica tucuita Mandac Dios shutimi.

JEREMÍAS 51:11

Flechacunata pichaichic. Escudotapish rigrapi apaichic. Mandac Diosca Babilonia llactata tucuchinatami yuyarishca. Media llactata jatun mandaccunapac shungupimi tucuchina yuyaita churashca. Mandac Diosca paipac huasita urmachishcamantami paicunatapish llaquichinga.

JEREMÍAS 8:17

Mandac Diosca: «Cancunata llaquichichunca huañuchic culebracunata cachagrini. Chaicunata imahuanpish mana upayachi pudingachu. Chaicunami cancunataca canishpa tucuchinga» nirca.

ISAÍAS 47:11

Cantaca cungaillami jatun llaqui japinga. Chai llaqui maimanta shamuctaca mana yachanguichu. Shinallatac chai llaquimantaca mana llucshi pudinguichu. Can mana yachashca horas shamushpami chai llaquica yallita llaquichinga.

ISAÍAS 46:11

Inti llucshina ladomanta millai alasyuc animal shina, runatami caru llactamanta ñuca yuyarishcata pactachichun cayarcani. Ñuca yuyarishcataca ruhuashatacmi.

ISAÍAS 41:25

Jahua lado llactamantami shuc runata pushamusha. Inti llucshina lado llactamanta shamushpami, ñuca shutipi mañanga. Paica jatun mandaccunataca turuta saruc shinami mandanga. Mangata ruhuac runa turuta saruc shinami sarunga» ninimi.

ECLESIASTÉS 10:8

Jutcuta ruhuacca chai jutcullapitacmi urmanga. Pircata urmachictaca culebrami caninga.

ISAÍAS 11:13

Chaipica Efraín ailluca ña mana envidiangachu. Efraín ailluca Judá aillutaca mana ashtahuan envidiangachu. Judá ailluca Efraín aillutaca mana ashtahuan llaquichingachu.