GÉNESIS 9:23 - Dios Rimashcata Quillcashcami

²³ Shina huillacpimi, Sempish, Jafetpish churanata rigra jahuapi churashpa, huashaiman rishpa, paicunapac taita lluchulla cashcata catachirca. Paicunaca shucman tigrarishca cashpami, taita lluchulla cashcata mana ricurca.

GÉNESIS 9:23 Referans Kwoze

GÁLATAS 6:1

Cuyashca criccuna, cancunapuramanta maijan juchapi urmashcata ricushpaca, pai allichirichunmi Diospac Espíritu yuyaita cushca causaccunaca cuyac shunguhuan ayudana canguichic. Pacta canpish chai shina tucunguiman.

ÉXODO 20:12

Mandac Dios ñuca cushca llactapi unai huatata causangapac cambac taita mamata cazungui.

1 PEDRO 4:8

Tucuimanta yallica caishuc chaishuc cuyanacuichic. Chashna cuyanacushpaca, achca juchacunatami perdonanguichic.

1 PEDRO 2:17

Tucuihuan alli caichic, criccunata cuyaichic, Diostaca manchaichic, shinallatac llactacunata jatun mandac-huanpish alli caichic.

1 TIMOTEO 5:19

Tandanacushca criccunata pushactaca ama imata juchanchinguichu, ashtahuanpish ishcai, quimsa huillaccuna tiyacpica juchanchingui.

1 TIMOTEO 5:17

Tandanacushca criccunata allita pushaccunaca, ashtahuancarin alli huillaita huillaccuna, yachachiccunami tucuimanta yallita japina can.

1 TIMOTEO 5:1

Ñaupa huiñai taitacunata rimashpaca, ama sinchita rimanguichu, ashtahuanpish quiquin taitata shina cunangui. Quipa huiñaicunataca, quiquin huauquita shina rimangui.

ROMANOS 13:7

Imata debishpaca pagaichic. Imata pagana cacpica pagaichic. Impuestota cuna cacpica cuichic. Maijanta cazuna cacpica, cazuichic. Maijanta alli nina cacpica, alli nichic.

LEVÍTICO 19:32

Yurac uma taitapac ñaupapi paita alli nishpa shayaringuichic. Ñucami Mandac Dios cani.

GÉNESIS 9:22

Chaipimi Canaanpac taita Camca paipac taita lluchulla siricucta ricushpa, canzhapi cac caishuc ishcai huauquicunaman huillangapac rirca.

GÉNESIS 9:24

Noé maillacyashpaca paipac quipa churi Cam imata ruhuashcatami yachac chayarca.