GÉNESIS 9:15 - Dios Rimashcata Quillcashcami

¹⁵ Chaita ricushpami cancunahuanpish, tucui causaita charic animalcunahuanpish, ñuca ari nishcata yuyarisha. Cai pachapi tucui causaita chariccunataca yacu juizhuhuanca manatac tucuchishachu.

GÉNESIS 9:15 Referans Kwoze

DEUTERONOMIO 7:9

Mandac Diosca paita cuyaccunatapish, pai mandashcacunata cazuccunatapish cuyac, pai ari nishcata pactachic, shinallatac cashcata ruhuac Diosmi. Chaitaca yachaichicyari.

EZEQUIEL 16:60

Shina cacpipish, can huambrarac cacpi, canhuan ari nishcataca yuyaricushami. Huiñaitami ari nishcata sinchiyachisha.

SALMOS 106:45

Pai yallita llaquic cashpami paicunahuan ari nishcata yuyarishpa, paicunamanta mai llaquirca.

1 REYES 8:23

«Israelcunata Mandac Dioslla, can Dios shinaca jahua pachapipish, cai pachapipish mana tiyanchu. Canta tucui shunguhuan cazushpa, cambac ñaupapi alli puric canta serviccunata llaquishpami, imata ari nishcatapish pactachingui.

ÉXODO 28:12

Chai rumicunata sumacta ruhuashpa, Israelpac huahuacunata yuyaringapac, efod churashca ishcai hombros jahuapi churangui. Chashnami Aaronca Mandac Dios ñucapac ñaupapi Israelpac huahuacunapac shuticunata yuyaringapac paipac ishcai hombros jahuapi apanga.

SAN LUCAS 1:72

Ñaupa taitacunata llaquishpa, paipac sumac ari nishcata mana cungarishpa pactachicungami.

JEREMÍAS 14:21

Cambac shutita cuyashcamanta ñucanchictaca ama saquichu. Can mandashpa tiyarina sumaimanatapish, ñucanchic-huan ari nishcatapish ama yangapi churaichu. Ñucanchicta yuyariyari.

NEHEMÍAS 9:32

Cunanca ñucanchic Dioslla, canca poderta charic, tucuipac manchana Diosmi cangui. Canca imatapish pactachic, yallita llaquic Diosmi cangui. Asiria llactata jatun mandac, mandacushca punzhamanta, cunan punzhacaman, jatun mandaccunapish, ñucanchic curacunapish, can ima nishcata huillaccunapish, ñucanchic ñaupa taitacunapish, tucui can acllashcacuna llaquita, apacushcataca ama cungaringuichu.

GÉNESIS 8:21

Shina rupachicpi, Mandac Diosman mishquilla ashnashpa chayacpimi paica: «Runapac juchamantaca cai pachataca jaicapi mana llaquichishachu. Runaca huambramanta pacha millaita yuyacunllami. Shinallatac mana cunan tucuchishca shina, tucui causaita charic animalcunataca tucuchishachu.

GÉNESIS 9:11

Chaitaca pactachishatacmi. Cunanmantaca causaita chariccunataca manatac yacu juizhuhuanca tucuchishachu. Cutinca yacu juizhuca cai pachapica manatac tiyangachu» nirca.

GÉNESIS 9:14

Cai pachaman ñuca puyuta cachacpica, ñuca churashca cuichitami ricunguichic.

GÉNESIS 9:10

huambuc huasimanta llucshic animalcunahuanpish, volac animalcunahuanpish, sacha animalcunahuanpish, tucui cai pachapi causac animalcunahuanpish shuc ari ninacuitami ruhuagrini.