GÉNESIS 9:12 - Dios Rimashcata Quillcashcami

¹² Chaimantami Diosca: «Ñucahuan, cancunahuanpish, cancunahuan cac causaita charic animalcunahuanpish huiñaicamanmi ari nishca señalta ruhuani.

GÉNESIS 9:12 Referans Kwoze

GÉNESIS 17:11

Caricuna charishcamanta asha aicha carata pitishpami, circuncisiontaca ruhuana canguichic. Caimi ñucahuan cancunahuan ari nishcata ricuchinga.

ÉXODO 12:13

Cancuna causacuc huasicunaca yahuarhuan cahuishpa señalashcami canga. Chaita ricushpaca, cancunapac huasita pasashallami. Egipto llactapi causaccunata huañuchishpapish cancunataca mana llaquichishachu.

ÉXODO 13:16

Mandac Dios paipac poderhuan Egiptomanta llucchirca. Chaimantami caica cambac maquipipish, ñahuipipish yuyaringapac señal canga— nirca.

GÉNESIS 9:17

Dios Noetaca: «Caimi cai pachapi causac runacunahuanpish, animalcunahuanpish ari nishcata ricuchic señal» nirca.

JOSUÉ 2:12

Cunanca, ñuca taitapac familiata mana llaquichingapac Mandac Diospac shutipi ari ni. Ñuca cancunata llaquishpa cuidashca shinallatac ñucanchictapish, llaquishpa cuidanguichic. Chaita pactachingapacca, shuc señalta ricuchichicyari.

GÉNESIS 9:13

Ñucaca cuichitami puyupi churani. Caimi ñucahuan, cai pachahuan ari nishca señal canga.