GÉNESIS 50:5 - Dios Rimashcata Quillcashcami

⁵ “Ñuca taita huañugricushpaca: ‘Canaán llactapi ñuca allichishca enterrana jutcupi enterrangui’ nishpa, ñucataca Diospac shutipi ari nichirca. Cunanca ñuca taitata enterragrichun cachai. Ña enterrashpaca cutishallami” ninmi nishpa cui— nirca.

GÉNESIS 50:5 Referans Kwoze

ISAÍAS 22:16

“¿Canca caipica imatatac charingui? Mana cashpaca, ¿pitac enterrangapacta lomacunapi, quingraicunapi jutcuta ruhuaccuna shina, enterrana jutcuta caipi ruhuachircangui?

2 CRÓNICAS 16:14

Pai huañucpica, Davidpac pueblopi paita enterrachun, paillatac ruhuachishca jutcupimi enterrarca. Paita churashca ataudpica chican chican mishquilla ashnacuccunatami jundachirca. Chai jambicunaca mishquilla ashnacucta ruhuanata alli yachaccuna ruhuashcami carca. Chai quipaca paita yuyarishpami, achca ninata japichircacuna.

SAN MATEO 27:60

Chashnami cunanlla ruhuashca enterrana jutcupi churarca. Chai jutcutaca Josellatacmi ruhuachishca carca. Chaipimi Jesuspac cuerpota churashpa, jatun rumihuan jarcashpa rirca.

ECLESIASTÉS 12:7

Cashna tucucpica allpamanta ruhuashca cuerpoca allpallamantacmi cutinga. Cutin almaca paita ruhuac Diospacmanmi cutinga.

ECLESIASTÉS 12:5

Huichaiman rinapish manchanami ricuringa. Ñanpica manchaillami tiyanga. Almendro yurapish sisangami. Langosta curucunapish jundangami. Micuna munaipish mana tiyangachu. Huiñaita causana huasiman ricucpica, duelota ruhuac runacunaca huacashpami plazata muyungacuna.

ECLESIASTÉS 6:3

Shuc runa patsac churicunata charishca cashpapish, tauca huatacunata, achca punzhacunata causashca cashpapish, pai charishcahuanca mana cushicushcachu. Shinallatac pai huañucpipish, enterrangapac sepulturaca mana tiyashcachu. Chaimantami ñucaca, shullushca huahuami chai runata yalli alli nini.

SALMOS 79:3

Paicunapac yahuartaca Jerusalén pueblo muyundipimi yacuta shina jicharca. Pipish paicunata enterrangapacca mana tiyarcachu.

JOB 30:23

Canca ñucataca huañuiman, tucui causaccuna huañushpa, rina llactaman apacushcatami yachani.

1 SAMUEL 14:43

Chaimantami Saulca Jonatantaca: —¿Imatatac ruhuarcangui? Chaita huillai— nirca. Shina nicpimi Jonatanca: —Ari, ñuca charicushca caspi puntahuanmi asha abeja mishquita mallircani. Chaimantaca huañunatacmi cani— nirca.

DEUTERONOMIO 4:22

Chaimantami ñucaca Jordán yacuta mana pasashpa, cai llactapi huañugrini. Shina cacpipish, cancunaca cai yacuta pasashpa, sumac llactata japinguichicmi.

GÉNESIS 50:24

Chai quipaca Joseca paipac huauquicunataca: —Ñucaca ñallami huañusha. Shina cacpipish, Dios shamushpami, cai llactamanta llucchishpa Abrahamman, Isaacman, Jacoboman cungapac ari nishca allpaman pushanga— nirca.

GÉNESIS 48:21

Quipaca taita Israelca Josetaca: —Ñucaca ña huañunallami cani. Shina cacpipish, Diosca cancunahuanmi. Paimi cancunataca, cancunapac ñaupa taitapac llactaman cutin pushanga.

GÉNESIS 3:19

Canca allpallamantac cutingacamanca ñahui quingrai jumbishpa trabajashpami micungui. Canca allpamantami ruhuashca cangui. Allpami cangui. Chaillamantacmi cutingui— nirca.

GÉNESIS 50:4

Duelo cana punzhacuna tucuricpi, Joseca Faraonpac huasipi causaccunataca: —Ñuca cancunapac ñahuipi alli ricurishca cacpica, Faraontaca:

GÉNESIS 50:6

Shina nicpimi Faraonca: —Cambac taita ari nichishca shinallatac paita enterrangapac rilla— nirca.