GÉNESIS 48:11 - Dios Rimashcata Quillcashcami

¹¹ Chaipimi taita Israelca Josetaca: —Cambac ñahuitaca ña mana ashtahuan ricushachu yuyarcanimi. Shina cacpipish, Diosmari cambac churicunatapish ricuchun munashca— nirca.

GÉNESIS 48:11 Referans Kwoze

EFESIOS 3:20

Diosca ñucanchicpi imatapish ruhuaclla cashcata ricuchic shinallatacmi, ñucanchic yuyashcatapish, mañashcatapish yalli imatapish ruhuaclla can.

GÉNESIS 45:26

Taita Jacobopacman chayashpaca: —Joseca causacushcaracmi, paica tucui Egipto llactatami mandacun— nishpami huillarca. Shina huillacpica, taita Jacoboca mana crishpami upayashpa saquirirca.

GÉNESIS 42:36

Chaimantami Jacoboca: —Cancunaca, ñucataca churi illactamari saquicunguichic. Josepish chingarircami, shinallatac Simeonpish ña illanmi. Cunanca, Benjamintapish pushashun ninguichicmi. ¡Tucui chaicunaca ñucamanmi llaqui!— nirca.

GÉNESIS 37:35

Jacobo chashna llaquilla cacpi, paipac churicunapish, ushicunapish cushichishun nircami. Shina cashpapish, mana cushichi pudircacunachu, ashtahuanpish paica: «¡Ñuca churihuan pacta Seolman ringacaman sharpa churanata churarishpa causacushallami!» nishpami huacacurca.

GÉNESIS 37:33

Jacoboca paipac churipac churanata ricsishpaca: «¡Ari, caica ñuca churipac churanami! ¡Ima sacha animalmi micushca canga, Josetaca tucuimi pitinacushca!» nirca.

GÉNESIS 48:10

Taita Israelca yallita yuyac cashpami ñahuipish mana alli ricuc carca. José paipac churicunata chayachicpimi, ucllashpa mucharca.

GÉNESIS 48:12

Joseca ishcai churicunata taitapac changamanta anchuchishpami, pambacaman cumurirca.

SALMOS 128:6

Cambac churicunapac churicunatapish ricungacamanmi causangui. ¡Israelcunamanca cushi causai tiyachun!

PROVERBIOS 17:6

Yuyaccunapac sumac coronaca nietocunami. Shinallatac huahuacunapac cushicunaca taita mamami.