GÉNESIS 46:34 - Dios Rimashcata Quillcashcami

³⁴ cancunaca: “Canta servic ñucanchicca, ñucanchic ñaupa taitacuna shinallatac huambramanta pacha animalcunata michishpa causaccunami canchic” ninguichic. Shinami Gosén llactapi causai pudinguichic. Egipto runacunaca tucui ovejata michiccunataca millanayachishpa piñancunami— nirca.

GÉNESIS 46:34 Referans Kwoze

ÉXODO 8:26

Shina nicpimi Moisesca: —Mana chai shina ruhuanachu canchic. Chashna animalta huañuchishpa, Mandac Diosman cushpaca, Egipto runacunamanca millanatami ruhuashun. Chai shina paicunapac ñaupapi ruhuacpica, ¿manachu rumicunahuan shitashpa huañuchinga?

GÉNESIS 43:32

Chashna nicpimi, Josemanca chican mizapi, cutin Jacobopac churicunamanca chican mizapi cararca. Utcapi Josehuan micuc Egipto runacunamanpish chican mizapimi cararca. Egipto runacunaca hebreocunahuan micunataca millanayachicmi carca. Chaimantami paicunahuan tandanacushpaca mana micuc carca.

GÉNESIS 46:32

Paicunaca oveja michiccunami. Chaimantami ovejacunatapish, vacacunatapish, tucui ima charishcacunatapish pushashpa shamushca” nishpami huillasha.

GÉNESIS 37:12

Chai quipaca Josepac huauquicunaca Siquem ladopimi taitapac ovejacunata michingapac rirca.

GÉNESIS 45:10

Canpish, cambac huahua huahuacunapish, paicunapac huahuacunapish, tucui animalcunata, tucui ima charishcacunata apashpa, Gosén llactapi causangapac shamui. Chaipi causashpami, ñuca ladollapi causangui.

GÉNESIS 30:35

Shina cacpipish, chai punzhallatacmi Labanca tucui muru, shuyu cari, huarmi chivocunata, asha yurac, shinallatac yana ovejacunata chicanyachishpa, paipac churicunaman michichun curca.

GÉNESIS 34:5

Jacoboca paipac ushi Dinata Siquem moso japirishpa llaquichishcata yacharcami. Shina yachashpapish paipac churicuna michina pambapi animalcunata cuidacucpimi, paicuna shamungacaman mana huillarca.

GÉNESIS 13:7

Abrampac michiccunaca Lotpac michiccunahuanmi piñanacuc carca. Shinallatac cananeocunapish, ferezeocunapish chaillapitacmi causarca.

GÉNESIS 13:8

Chashna cacpimi, shuc punzha Abramca Lotta cayashpaca: «Ñucanchicca huasi ucupurami canchic. Ñucanchicpura mana piñanacunachu canchic. Shinallatac ñuca michiccunapish cambac michiccunahuan mana piñanacunachu can.

GÉNESIS 26:20

Chai yacumantami Gerarpi michiccunaca Isaacpac michiccunataca: —Cai yacuca ñucanchicpacmi— nishpa piñarca. Paicuna piñanacushcamantami Isaacca chai jundutaca Esec nishpa shutichirca.

GÉNESIS 37:2

Cashnami Jacobopac familiacunaca causarca. Joseca chunga canchis huatayuc cashpami, paipac huauquicunahuan ovejata michic carca. Chashnami huambraca paipac taitapac huarmi Bilhapac, Zilpapac huahuacunahuan michic carca. Joseca paipac huauquicuna mana allita ruhuashcata shuccuna parlanacucta uyashpaca paipac taitamanmi huillac carca.

GÉNESIS 45:18

Cancunapac taitatapish, familiatapish ñucapacman pushamugrichic. Ñucaca cai Egiptopi tiyac alli allpata acllashpami cusha. Cai allpapi sumac grano pucushcatami micunguichic” nigri.

GÉNESIS 47:3

Shina chayacpimi, Faraonca Josepac huauquicunata: —¿Cancunaca imatac ruhuashpa causaccunata canguichic?— nirca. Shina nicpimi paicunaca: —Canta servic ñucanchicca, ñucanchic ñaupa taitacuna shinallatac ovejacunata michiccunami canchic.

GÉNESIS 47:4

Ñucanchicca Canaán llactapi yalli yarcai tiyacpi, shinallatac ovejacunamanpish micuna mana tiyacpimi, cai llactapi causanata mañac shamurcanchic. Chaimanta canta servic ñucanchictaca Gosén llactapi causachun saquiyari— nishpa mañarcacuna.

GÉNESIS 47:6

Egipto llactaca cambac maquipimi. Cambac taitatapish, cambac huauquicunatapish Gosén llactapi ashtahuan alli allpapi causachun churai. Paicunapuramanta maijan alli yuyaiyuc cacpica, ñuca animalcunata ricuchun churangui— nirca.

GÉNESIS 47:11

Chashnami Joseca paipac taitamanpish, huauquicunamanpish Faraón mandashca shina, Egipto llactapi tiyac Ramesés llactapi tucuimanta yalli alli allpata curca.

ÉXODO 8:22

Chashna cacpipish, chai punzhallatacmi ñuca acllashcacuna causana Gosén llactata chicanyachishpa, chaimanca shuc chuspillapish mana yaicuchun saquisha. Chashna ruhuacpimi, cai llactapica Mandac Dios ñuca causacushcata yachanguichic.