GÉNESIS 46:1 - Dios Rimashcata Quillcashcami

¹ Shinami taita Israelca tucui imalla charishcacunata pushashpa, Beersebaman chayarca. Chaipimi paipac taita Isaacpac Diosman animalta cushpa rupachirca.

GÉNESIS 46:1 Referans Kwoze

GÉNESIS 31:42

Abrahampacpish, ñuca taita Isaacpacpish manchana Dios mana ñucahuan cacpica, chushac maquitami cachanguiman carcangui. Shina cacpipish, Diosmi ñuca llaquilla cashcata, ñuca servishcata ricushpa, tuta ricurishpa, cantaca rimarca— nirca.

GÉNESIS 28:13

Shinallatac Mandac Dios chai escalera jahuamantaca: «Ñucami cambac taita Abrahampac, shinallatac Isaacpac Mandac Dios cani. Can sueñushpa siricuc allpataca canman, shinallatac cambac huahua huahuacunamanmi cusha.

GÉNESIS 28:10

Jacobo Beersebamanta llucshishpaca, Harán llactamanmi rirca.

GÉNESIS 21:33

Abrahamca Beerseba pambapimi tamarisco yurata tarpurca. Chaipimi huiñaita causac Mandac Diosta mañarca.

GÉNESIS 21:31

Shina ishcaita chaipi ari nishcamantami chai allpataca Beersebata shutichirca.

GÉNESIS 21:14

Shina nicpimi, Abrahamca tutamanta utca jatarishpa micunatapish, shuc puru yacutapish Agarman curca. Shinallatac huahuatapish cushpami, caya minchacaman nishpa cacharca. Agarca Beerseba shitashca pambatami maiman chayanatapish mana yachashpa ricurcalla.

JOB 42:8

Cunanca canchis becita, canchis carnero ovejata cancunamanta ñucaman cushpa, tucui rupachichun ñucata servic Jobman cugrichic. Ñucata servic Jobmi cancunamanta ñucata mañanga. Pai mañashcatami ñucaca uyasha. Pai mañacllapimi, cancunataca ñucamanta mana allita huillashca cacpipish, mana yallita llaquichisha. Cancunaca ñucata servic Job shinaca mana huillarcanguichicchu» nirca.

JOB 1:5

Chai jatun micui punzhacuna tucuricpica, Jobca paipac huahuacunatami cayac carca. Paica Diospaclla tucuchunmi tutamanta utca jatarishpa, cada shucmanta Diosman animalcunata cushpa huañuchishpa, tucui rupachic carca. Jobca: «Ñuca huahuacunaca juchallishpa, Diostapish llaquichishpa paicunapac shungupi mana allita rimarcapishchari» yuyashpami, jatun micui punzhacuna tucurishca quipaca, chashna ruhuac carca.

1 SAMUEL 3:20

Tucui israelcunami Dan pueblopi causaccunamanta callarishpa Beerseba pueblopi causaccunacaman Samueltaca Mandac Dios ima nishcata huillashpa alli pactachic cacta yacharca.

GÉNESIS 35:7

Chaipimi paipac huauquimanta miticushpa ricucpi, Dios ricurirca. Chaimantami chaipi shuc altarta ruhuashpa, chai allpataca El-bet-elta shutichirca.

GÉNESIS 35:3

Bet-elman huichai rishunchic. Chaipimi ñuca llaquilla cashpa, mañashcata uyac, shinallatac ñucahuan puric Diosman shuc altarta ruhuagrini— nirca.

GÉNESIS 33:20

Chaipimi shuc altarta shayachishpa, EL-Elohe-Israelta shutichirca.

GÉNESIS 31:53

Cambac taita Abrahampac, ñuca taita Nacorpac, shinallatac paicunapac Dios ñucanchicta ricuchun— nirca. Shina nicpi, Jacoboca paipac taita Isaacpac manchana Diospac shutipi ari nirca.

GÉNESIS 22:13

Abraham huichailla ricushpaca, gachusapa oveja zarza casha angupi gachucuna churarishca shayacuctami ricurca. Chai ovejatami paipac churipac randi Diosman cushpa rupachirca.

GÉNESIS 12:8

Chaimantaca Bet-el pueblomanta inti llucshic lado urcuman rishpami, shuc carpa huasita shayachirca. Chaipica Bet-el puebloca inti tigrana ladoman, cutin Hai llactaca inti llucshina ladomanmi saquirirca. Chaipimi cutinllatac shuc altarta ruhuashpa, Mandac Diosta mañarca.

GÉNESIS 8:20

Chai quipami Noeca Mandac Diosman altarta ruhuarca. Chaipimi Mandac Diosman cuna animalcunamantapish, volac animalcunamantapish shucta Mandac Diosman cushpa rupachirca.

GÉNESIS 4:4

Abelpish punta huacharishca sumac huira ovejatami Mandac Diosman cungapac apamurca. Mandac Diosca Abelta cushilla chasquishpami pai cushca ovejatapish chasquirca.

HECHOS 7:15

Chaimantami taita Jacoboca Egipto llactapi causangapac rirca. Chaipimi paipish, paipac churicunapish huañurca. Paicunaca ñucanchic ñaupa taitacunami carca.

GÉNESIS 45:28

Chaimantami taita Israelca: —¡Ñuca churi Joseca causacushcaracmi! Cunanca manarac huañushpa ricugrisha, chaillatacmi yachasha nircani— nirca.

AMÓS 7:9

Isaacpac, israelcunapac dioscunata yuyarina altarcunaca tucuringami. Paicunapac dioscunapac huasicunaca shitashca pambami saquiringa. Jerobopac aillutaca espadahuanmi huañuchisha— nirca.

JOSUÉ 24:4

Cutin Isaacmanca Jacobo, Esaú churicunatami curcani. Esaumanca Seir llactapi urcucunatami curcani. Ashtahuanpish Jacoboca paipac churicunandimi Egiptoman urai rirca.

1 SAMUEL 8:2

Paipac punta churica Joelmi carca. Quipa churica Abiasmi carca. Paicunami Beerseba pueblopi juezcuna carca.