GÉNESIS 45:7 - Dios Rimashcata Quillcashcami

⁷ Cancunapish, cancunapac huahua huahuacunapish causaita charichun, shinallatac cancunata cushicuihuan cacharichichunmi, ñucata ñaupachishpa cacharca.

GÉNESIS 45:7 Referans Kwoze

HECHOS 7:35

Chai Moisestami israelcunaca Egiptopica: “¿Pitac cantaca mandac cachun, juez cachun churarca?” nishpa, piñarishca carca. Ashtahuanpish paicuna piñashca Moisesllatatacmi, Diosca zarza yurapi ricuric angelta rimachishpa, mandac cachun, Egiptomanta israelcunata llucchic cachun churarca.

SALMOS 44:4

Ñuca Dioslla, canca ñuca Jatun Mandacmi cangui. Jacobopac huahuacunata quishpichiyari.

SALMOS 18:50

Pai churashca jatun mandactaca jatun macanacuitapish mishachinmi. Davidtapish, paipac huahuacunatapish cuyashpami, huiñaita pushanga.

JUECES 15:18

Sansonca yallita yacunayaihuan cashpami Mandac Diostaca: —¿Canta servicpac maquihuan jatunta quishpichishca jahuachu cunanca yacunayaihuan mana circuncisionta ruhuashcacunapac maquipi huañuchun saquingui?— nirca.

1 CRÓNICAS 11:14

Shina ricpipish, paica chai cebada chagra chaupipi sinchita shayarishpami, filisteocunahuan macanacushpa misharca. Mandac Diosmi ayudashpa mishachirca.

GÉNESIS 45:5

Cunanca, ama llaquirichicchu. Caiman catushpa cachashcamantapish ama shungupi nanarichicchu. Mana cancunapac munaimantachu cacharcanguichic, ashtahuanpish Diosmi cancuna ama yarcaihuan huañuchun, ñaupachishpa ñucataca cacharca.

GÉNESIS 50:20

Cancunaca ñucata llaquichinatami yuyarcanguichic. Ashtahuanpish Diosmi ñucanchicpac allipac chashnaca ruhuachirca. Chaitaca cunanmi ricucunchic. Paica achca gentecunaman causaita cungapacmi chashnaca ruhuarca.

GÉNESIS 47:12

Shinallatac Joseca paipac taitamanpish, huauquicunamanpish, tucui paipac familiamanpish mashna huahuacunata ricushpa, micunataca pacta pactami curca.