GÉNESIS 45:19 - Dios Rimashcata Quillcashcami

¹⁹ Cutin canca: “Paicunapac huahuacunatapish, huarmicunatapish pushamungapac cai Egiptomanta carretacunata apaichic, shinallatac taitatapish caiman pushamuichic.

GÉNESIS 45:19 Referans Kwoze

GÉNESIS 46:5

Chai quipami Jacoboca Beersebamanta ringapac jatarirca. Paipac churicunami Faraón cachashca carretacunapi taita Jacobotapish, paicunapac huahuacunatapish, huarmicunatapish tiyachishpa pusharcacuna.

GÉNESIS 45:27

Jacobomanca José nishca shinallatacmi paicunaca tucui huillarca. Jacoboca paita apachun, José cachashca carretacunata ricushpami, paipac shungupica cushicurca.

ISAÍAS 49:23

Jatun mandaccunami cambac huiñachic taitacuna shina canga. Jatun mandac huarmicunami huiñachic mamacuna shina canga. Cantaca cumurishpami alabanga. Cambac chaqui allpata lambingacunami. Chashna ruhuacpimi, ñuca Mandac Dios cashcata yachangui. Shinallatac ñucata shuyaccunaca mana pingaichishcachu canga.

ISAÍAS 49:1

¡Mama cucha patapi causaccunalla, caru llactapi causaccunalla, alli uyaichic! Mandac Diosca mamapac huicsapi cacllapitacmi ñucataca cayarca. Ñucata manarac huacharicpimi, ñuca shutitaca cayarca.

GÉNESIS 45:20

Canaanpi ima charishcacunataca ama llaquishpa saquimuichiclla, cai Egipto llactapi tucui alli tiyashcacunaca cancunapacmi canga” nishpa mandai— nirca.

GÉNESIS 45:21

Chashnami taita Israelpac churicunaca ruhuarca. Joseca Faraón mandashca shinallatacmi carretacunatapish, ñanpi micuna cucayutapish curca.

NÚMEROS 7:3

Paicunaca carpahuan catashca sucta carretatapish, chunga ishcai huagratapishmi apamurca. Israelcunata pushaccunaca cada ishcai pushacmi shuc carretata, shuc huagrata Mandac Diospac ñaupaman apamurca.