GÉNESIS 44:34 - Dios Rimashcata Quillcashcami

³⁴ ¿Ima shinatac ñuca taitapacmanca cai huambra illacllaca chayagrishayari? Ñuca taita huambrata mana ricushpa, llaquiricucta ricushpaca, ñucapish llaquirishami— nirca.

GÉNESIS 44:34 Referans Kwoze

ESTER 8:6

¿Maitatac ñuca llacta gentecuna llaqui tucucucta ricucushayari? ¿Maitatac ñuca llacta gentecunata huañuchishpa tucuchicuctaca chapacushayari?— nirca.

SALMOS 119:143

Llaqui huacaicuna japicpipish, can mandashcacunahuanmi cushicurcani.

SALMOS 116:3

Huañui llaquicunami pilluc shina japirca. Seolman rina llaquicunami ñucataca japirca. Llaquihuanpish, nanaihuanpish carcanimi.

JOB 31:29

Ñucata piñac llaqui tucucpi, paita llaqui japicpica mana cushicushpa asircanichu.

2 CRÓNICAS 34:28

Riquichic, ñucami cantaca cambac ñaupa taitacunahuan tandachisha. Canca ima llaquitapish mana apashpami samaringui. Canca cai llactata, cai llactapi causaccunata ñuca llaquichictaca mana ricunguichu’ ninmi” nigrichic— nirca. Chai runacunaca tucuimi jatun mandacman huillarcacuna.

ÉXODO 18:8

Moisesca Mandac Dios israelcunaman allita ruhuashpa, Faraontapish, Egipto runacunatapish imata ruhuashcatapish, ñanpi llaquicunata apashcatapish, Mandac Dios ima shina Egiptomanta llucchishcatapish paipac suegroman tucui parlarcami.

GÉNESIS 44:33

Chaimanta cunanca, canta servic ñucata cai huambrapac randi servichun saquichic, paitaca caishuc huauquicunahuan richun saqui.

GÉNESIS 45:1

Joseca paipac ladopi caccunapac ñaupapi huacanayaihuan mana jarcari pudishpami, paita serviccunata caparishpaca: —Ñucapac ñaupamanta tucui canzhaman llucshichic— nirca. Chashna tucui canzhaman llucshicpimi, Joseca paicunapac huauqui cashcata ricsichirca.