GÉNESIS 44:29 - Dios Rimashcata Quillcashcami

²⁹ Shuctac churitapish ñuca ñaupamanta pushacpi, ñanpi ima llaqui tucucpica, ñuca yurac acchayuc rucuca paimanta llaquirishpa, huañushpa Seolman rishami” nirca.

GÉNESIS 44:29 Referans Kwoze

GÉNESIS 42:38

Shina nicpimi, taita Jacoboca: —Ñuca churica mana cancunahuan ringachu. Paipac huauqui Joseca ña huañurcami, paillami saquirin. Cancuna rina ñanpi ima llaqui tucucpica, yurac acchayuc ñucaca llaquiricushpalla huañushpa Seolman risha— nirca.

GÉNESIS 43:14

Imatapish ruhuaclla Diosllatac chai mandacpac ñaupapi cancunata llaquishpa huacaichichun. Caishuc huauquitapish, Benjamintapish cacharichun, ashtahuanpish ñuca churicuna illaclla saquirina cacpica, saquirishachari— nirca.

DEUTERONOMIO 31:17

Chaimantami chai punzhapica paicunahuanca nina japiric shina piñarisha. Paicunata saquishpa, mana tigra ricucpimi tucuringa. Paicunataca achca llaquicuna, manchaicunami japinga. Chai llaquicunahuan cashpami: “¿Manachu chai llaquicunaca ñucanchic Dios mana ñucanchic-huan cacpi japicunga?” ninga.

GÉNESIS 44:31

paita ñucanchic-huan mana ricushpaca huañungami. Canta servic ñucanchicmantami ñucanchic yurac acchayuc taitaca llaquirishpa, huañushpa Seolman ringa.

GÉNESIS 42:36

Chaimantami Jacoboca: —Cancunaca, ñucataca churi illactamari saquicunguichic. Josepish chingarircami, shinallatac Simeonpish ña illanmi. Cunanca, Benjamintapish pushashun ninguichicmi. ¡Tucui chaicunaca ñucamanmi llaqui!— nirca.

GÉNESIS 37:35

Jacobo chashna llaquilla cacpi, paipac churicunapish, ushicunapish cushichishun nircami. Shina cashpapish, mana cushichi pudircacunachu, ashtahuanpish paica: «¡Ñuca churihuan pacta Seolman ringacaman sharpa churanata churarishpa causacushallami!» nishpami huacacurca.

GÉNESIS 42:4

Shina paicuna ricpipish, taita Jacoboca Josepac huauqui Benjamintaca mana cacharcachu. Chaica: «Imapish llaqui tucungami» nishpami mana cacharca.