GÉNESIS 44:17 - Dios Rimashcata Quillcashcami

¹⁷ Shina nicpimi Joseca: —¿Maitatac chaitaca ruhuashayari? Maijanmi chai vasota apacllami ñucata servingapac saquiringa. Cancunaca pi mana juchanchishca cushilla taitapac huasiman cutichiclla— nirca.

GÉNESIS 44:17 Referans Kwoze

PROVERBIOS 17:15

Mana allita ruhuac runata cashcata ruhuacmi nictapish, cashcata ruhuac runata llaquichictapish Mandac Diosca millanayachinmi.

SALMOS 75:2

Diosca: «Ñuca acllashca punzhapimi gentecuna imata ruhuashcata ricushpa taripasha.

2 SAMUEL 23:3

Israelcunapac Diosmi rimarca. Israelcunapac sinchi rumi shina Diosca: “Cashcata ruhuashpa, llactata mandacmi tiyanga. Paica Diosta mañashpami allita mandanga.

GÉNESIS 42:18

Quimsa punzhapica Joseca: —Ñucaca Diosta manchanimi, cancuna mana huañungapacca caita ruhuaichic:

GÉNESIS 26:29

Chaica: “Ima shinami ñucanchic ima millaita mana ruhuashpa cushilla cacharcanchic, chashnallatac mana ima millaita ruhuangapacmi” ari ninacuita ruhuashun ninchic. Canca Mandac Dios bendiciashcamari cangui— nirca.

GÉNESIS 18:25

Can Diosca tucui cai pachapi allita ruhuacmi cangui. Chashna cashca jahuaca, ¿allita ruhuaccunataca Diosta mana cazuccunahuan pactachu chingachingui? Chaitaca jaicapi mana ruhuanguichu— nirca.

GÉNESIS 44:16

Shina nicpimi Judaca: —Ñucanchic canta serviccunaca, Diospac ñaupapica mana allitami ruhuashcanchic. Ñucanchic mandaclla, ¿imatatac nishun? ¿Ima shinatac ñucanchicca mana juchayucchu canchic nishunyari? Riqui, ñucanchic mandaclla, canta serviccunami canchic. Ñucanchicpish, vasota apacpish canta serviccunami canchic— nirca.

GÉNESIS 44:18

Judá Josepacman cuchuyashpaca: —Ñuca mandaclla, canca Faraón shinallatacmi cangui. Chaimanta canta servic ñucami, can mandac-huan ashata parlasha nini. Canta servic ñucata ama piñarishpalla caita uyai.

GÉNESIS 44:10

Shina nicpimi, chai mayordomotaca: —Cunanca, cancuna nishca shinallatac maijanpac tulupi chai vaso tariricpica, paica ñucata servingapacmi saquiringa. Cutin cancunaca mana juchanchishcachu canguichic— nirca.