GÉNESIS 43:7 - Dios Rimashcata Quillcashcami

⁷ Shina nicpimi paicunaca: —Chai mandacca ñucanchicmantapish, ñucanchic familiamantapish tapushpaca: «¿Cancunapac taitaca causacunracchu? ¿Shuctac huauquita charinguichicchu?» nishpa tapurca. Shina tapucpica, pai tapushca shinallatacmi huillarcanchic. Ñucanchicca: «Cancunapac huauquita pushamunguichic» nigricushcataca, ¿ima shinatac yachanchicman carca?— nirca.

GÉNESIS 43:7 Referans Kwoze

GÉNESIS 43:3

Shina nicpimi Judaca: —Chai mandacca cutin cutinmi: “Cancunapac huauquita mana pushamushpaca, ñuca ñahuipi amatac ricuringuichicchu” nirca.

GÉNESIS 43:27

Chashna cumuricpica, Joseca paicuna ima shina cashcata tapushpaca: —¿Cancuna parlashca yuyac taitaca causacunracchu? ¿Allillachu causacun?— nishpa tapurca.

GÉNESIS 42:13

Shina nicpimi paicunaca: —Canta servic ñucanchicca chunga ishcai huauquipurami canchic. Canaán llactapi causac shuc taitapac churicunami canchic. Ñucanchic quipa huauquica taitahuanmi huasipi saquirirca. Shucca ña chingarircami— nirca.

GÉNESIS 43:6

Shina nicpimi, taita Israelca: —¿Ima nishpatac shuctac huauquita charishcata chai mandacman huillashpa, ñucataca mai llaquichinguichic?— nirca.

GÉNESIS 44:19

Can mandacmi canta servic ñucanchictaca: “¿Cancunaca taitata, mana cashpaca shuctac huauquita charinguichicchu?” nishpa tapurcangui.

GÉNESIS 42:11

Tucui ñucanchicmi shuclla taitapac churicuna canchic. Ñucanchicca mana pi juchanchipac gentecunami canchic. Mana ricushpa puricunchicchu— nirca.