GÉNESIS 43:29 - Dios Rimashcata Quillcashcami

²⁹ Joseca huichailla ricushpaca, paipac mamapac huahua Benjaminta ricushpaca: —¿Paichu cancuna parlacushca quipa huauquica? nishpami, ñuca huahualla, Dios canta bendiciachun— nirca.

GÉNESIS 43:29 Referans Kwoze

NÚMEROS 6:25

Mandac Dios cuyashpa cushichichun.

GÉNESIS 42:13

Shina nicpimi paicunaca: —Canta servic ñucanchicca chunga ishcai huauquipurami canchic. Canaán llactapi causac shuc taitapac churicunami canchic. Ñucanchic quipa huauquica taitahuanmi huasipi saquirirca. Shucca ña chingarircami— nirca.

HEBREOS 13:1

Criccunaca, caishuc chaishuc cuyanacunguichic.

1 TIMOTEO 1:2

Jesusta crishcamanta ñucapac quiquin huahua shina cac Timoteoman quillcashpa cachani. Ñucanchic Diospish, Apunchic Jesucristopish sumaimana cuyaihuan llaquishpa, canman sumac causaita cushca cachun ninimi.

MARCOS 10:24

Yachacuccuna chaita uyashpaca yallitami mancharirca. Ashtahuanpish Jesús cutinllatac rimashpaca: —¡Huahuacunalla, charishcallapi shunguta churaccunapacca, Dios mandacucman yaicunaca sinchimi!

SAN MATEO 9:22

Chaimanta Jesús tigrarishpa, huarmita ricushpaca: —Huahua, sinchiyailla. Can crishcamantaca ñami alli tucungui— nirca. Chai ratollatacmi huarmica alli tucurca.

SAN MATEO 9:2

Chaipimi paralisis ungüi japishca runata chacanapi apamurca. Jambirinata crishpa paicuna shamushcata Jesús ricushpami, chai ungushca runataca: —Huahua, sinchiyailla. Cambac juchacunataca perdonanimi— nirca.

MALAQUÍAS 1:9

Mandac Dios ñuca cancunaman allita ruhuachun mañaichic. Shina mañashpapish, mana alli ofrendata cucpica, ¿cancuna mañashcata chasquishachu? Chaitaca Mandac Dios ñucami nini.

ISAÍAS 33:2

Mandac Dioslla, ñucanchicta llaquiyari. Canllatami shuyacunchic. Tutamanta cambac rigrahuan ayudaiyari. Ñucanchic jatun llaquipi cacpipish quishpichiyari.

ISAÍAS 30:19

Sión urcupi tiyac Jerusalenpi causaccunalla, mana ashtahuan huacanguichicchu. Cancunata llaquic Mandac Diosca cancuna caparishpa huacashcata uyashpami, cancuna mañashcata uyanga.

SALMOS 112:4

Paica llaquicmi, caracmi, cashcata ruhuacmi. Cashcata ruhuaccunapacca amsapi luz achicyachicuc shinami.

SALMOS 111:4

Mandac Diosca cuyac llaquic cashpami, mana cungaripac allicunata ruhuarca.

SALMOS 67:1

Dioslla, ñucanchicta llaquishpa bendiciaiyari. Cambac cuyaita ricuchishpa cushilla ñahuihuan ricuiyari.

2 CRÓNICAS 29:11

Ñuca huahuacunalla, ama mana entendiccuna, imatapish cungariccuna canguichicchu. Mandac Diosca cancunataca paipac ñaupapi paillata servishpa, paipacllata ruhuachun, shinallatac inciensota rupachichunmi acllarca» nirca.

JOSUÉ 7:19

Chashna cuchuyacpica, Acanta Josué tapushpaca: —¡Ñuca huahualla, can imata ruhuashcata huillashpa israelcunata Mandac Diosta sumacmari cangui, allimari cangui niyari! ¡Can imata ruhuashca cashpapish ama pacaichu!— nirca.

GÉNESIS 45:8

Shinaca, mana cancunachu ñucataca caiman cacharcanguichic, ashtahuanpish Diosmi Faraonta cunachun, paipac huasipi mandac cachun, shinallatac tucui Egipto llactapi mandac cachun ñucata cacharca.

GÉNESIS 42:11

Tucui ñucanchicmi shuclla taitapac churicuna canchic. Ñucanchicca mana pi juchanchipac gentecunami canchic. Mana ricushpa puricunchicchu— nirca.

GÉNESIS 35:24

Raquelpac huahuacunaca: José, Benjaminmi carca.

GÉNESIS 44:21

Shina nicpi, canta servicca ñucanchictaca: “Paita ricsingapac pushamugrichic” nircanguimi.