GÉNESIS 43:14 - Dios Rimashcata Quillcashcami

¹⁴ Imatapish ruhuaclla Diosllatac chai mandacpac ñaupapi cancunata llaquishpa huacaichichun. Caishuc huauquitapish, Benjamintapish cacharichun, ashtahuanpish ñuca churicuna illaclla saquirina cacpica, saquirishachari— nirca.

GÉNESIS 43:14 Referans Kwoze

ESTER 4:16

«Cai Susa pueblopi causac Judá gentecunata tandachic. Shina tandanacushpa ñucamanta quimsa punzha, quimsa tutata mana micushpa mana ubiashpa ayunaichic. Ñucapish, ñucata servic carihuan manarac chayarishca solteracunapish chashnallatacmi ruhuashun. Chai quipami jatun mandac-huan parlangapac rigrini. Mandashcapi chaiman mana yaicunachu nicuchunpish, ñucata huañuchina cacpipish rigrinimi» nichunmi cacharca.

GÉNESIS 17:1

Abram iscun chunga iscun huatayuc cacpimi, Dios ricurishpaca: —Ñucami tucui imatapish ruhuaclla Diosca cani. Imatapish allita ruhuashpa, ñuca ñaupapi purilla.

HECHOS 21:14

Chaimanta ima shina mana jarcai pudishpami: —Mandac Dios pai munashcata ruhuachun— nircanchic.

NEHEMÍAS 1:11

Mandac Dioslla, cantaca yallitami mañani. Canta servic ñuca mañashcatapish, cambac shutita alli ninata munac canta serviccuna mañashcatapish cambac ringrihuan uyaiyari. Canta servic ñuca alli llucshichun, chai runapac ñaupapipish alli ricurichun ayudaiyari» nishpami mañarcani. Ñucaca jatun mandacman copa vinota servicmi carcani.

PROVERBIOS 16:7

Mandac Dios maijan runapac causaita allimi nicpica, paita piñaccunapish paihuan alli tucusha ningacunami.

SALMOS 119:41

Mandac Dioslla, can cusha nishca shina can llaquinatapish, quishpichinatapish pactachiyari.

SALMOS 100:5

Chaica Mandac Diosca allimi. Paica huiñaitami cuyacun. Pai ima nishcataca huiñaita pactachicungallami.

GÉNESIS 22:14

Chaimantami Abrahamca chai urcutaca: «Mandac Diosca ima illashcata cunllami» nishpa shutichirca. Cunancamanmi chai urcutaca: «Mandac Diosca ima illashcata cunllami» nishpa cayancuna.

2 JUAN 1:3

Diospish, paipac Churi Jesucristopish cancunataca mai cuyashpa, llaquishpa, sumac causaita cuchunmi munani. Cashcata nic huillashcata crishpa cuyanacushpa causachunmi, chashnaca nini.

TITO 1:4

Ñuca shina cric cashcamanta ñucapac huahua shina Tito, ñucanchic Diospish, Apunchic Jesucristopish mai cuyashpa, canman sumac causaita cushca cachun nishpami caita quillcani.

1 TIMOTEO 1:16

Jesucristo llaquic cashcata ricuchunmi, yallita ñuca juchayuc cacpipish, Diosca ñucata llaquirca. Chashnami maijanpish Jesusta crishpa huiñai causaita japina cashcata ricuchingapac ñucataca acllarca.

1 TIMOTEO 1:2

Jesusta crishcamanta ñucapac quiquin huahua shina cac Timoteoman quillcashpa cachani. Ñucanchic Diospish, Apunchic Jesucristopish sumaimana cuyaihuan llaquishpa, canman sumac causaita cushca cachun ninimi.

HECHOS 7:10

Diosca tucui llaquimantami Josetaca cuidarca. Shinallatac Egipto llactata jatun mandacpac ñaupapi alli cachunpish, alli yuyaitami curca. Chaimantami chai jatun mandacca paipac huasipipish, tucui Egipto llactapipish mandachun churarca.

SAN LUCAS 1:50

Diosca paita manchaccunataca huahua huahuacaman llaquicungallami.

ISAÍAS 49:13

¡Jahua pachalla, cushicushpa cantaiyari! ¡Cai pachapish cushicuiyari! ¡Urcucunapish caparishpa cantaichicyari! Mandac Dios ñucami cushichini. Llaquilla causaccunatapish llaquini» ninmi.

PROVERBIOS 21:1

Jatun mandacpac shungu Mandac Diospac maquipica callpacuc yacu shinami. Diosmi pai munashcata ruhuachin.

PROVERBIOS 1:1

Cai yuyaita cuc rimaicunaca, Davidpac churi israelcunata jatun mandac Salomón quillcashcami.

ESDRAS 7:27

¡Ñucanchic taitacunata Mandac Diosca yallita alli nishca cachun! ¡Mandac Diosca paillatacmi paipac huasita alli nichun jatun mandacpac shungupi yuyaita cushca! ¡Paica Jerusalenpimi can!

GÉNESIS 42:36

Chaimantami Jacoboca: —Cancunaca, ñucataca churi illactamari saquicunguichic. Josepish chingarircami, shinallatac Simeonpish ña illanmi. Cunanca, Benjamintapish pushashun ninguichicmi. ¡Tucui chaicunaca ñucamanmi llaqui!— nirca.

GÉNESIS 42:24

Joseca paicunapacmanta caruyashpaca huacarcami. Cutin paicunapacman cutimushpaca, paicunahuan parlashpami, paicuna ricucucpi, Simeontaca chicanyachishpa, carcelpi churarca.

GÉNESIS 39:21

Shina cacpipish, Mandac Diosca Joseta llaquishpami prezucunata mandacpac ñahuipi alli ricurichun, paihuan carca.

GÉNESIS 35:11

Shinallatac Diosca: «Ñucaca imatapish ruhuaclla Diosmi cani. Canca achca huahuayucmi tucungui. Chai huahua huahuacunamantaca shuctac llactacunami tucunga, canmantami jatun mandaccunaca llucshinga.

GÉNESIS 28:3

Imatapish ruhuaclla Dios canman bendiciashpa, achca llactacuna tucungacaman cambac huahua huahuacunataca achcata mirachichun.

SALMOS 85:7

Mandac Dioslla, can llaquic cashcamanta ñucanchicta quishpichiyari.

SAN JUAN 19:22

Chaimantami Pilatoca: —Ña quillcashcaca, chashnatacmi cana can— nirca.

GÉNESIS 43:13

Shinallatac cancunapac huauquita pushashpa, chai mandacpacman richic.

SALMOS 106:46

Shinallatac paicunata prezushpa chariccunamanpish, llaquina yuyaitami curca.

GÉNESIS 44:12

Chashna pascacpica, punta huauquipac tulumanta callarishpa, mashcashpami quipa huauquipac tulupi chai vasotaca tarirca.