GÉNESIS 42:38 - Dios Rimashcata Quillcashcami

³⁸ Shina nicpimi, taita Jacoboca: —Ñuca churica mana cancunahuan ringachu. Paipac huauqui Joseca ña huañurcami, paillami saquirin. Cancuna rina ñanpi ima llaqui tucucpica, yurac acchayuc ñucaca llaquiricushpalla huañushpa Seolman risha— nirca.

GÉNESIS 42:38 Referans Kwoze

GÉNESIS 37:35

Jacobo chashna llaquilla cacpi, paipac churicunapish, ushicunapish cushichishun nircami. Shina cashpapish, mana cushichi pudircacunachu, ashtahuanpish paica: «¡Ñuca churihuan pacta Seolman ringacaman sharpa churanata churarishpa causacushallami!» nishpami huacacurca.

GÉNESIS 42:4

Shina paicuna ricpipish, taita Jacoboca Josepac huauqui Benjamintaca mana cacharcachu. Chaica: «Imapish llaqui tucungami» nishpami mana cacharca.

GÉNESIS 37:33

Jacoboca paipac churipac churanata ricsishpaca: «¡Ari, caica ñuca churipac churanami! ¡Ima sacha animalmi micushca canga, Josetaca tucuimi pitinacushca!» nirca.

GÉNESIS 42:13

Shina nicpimi paicunaca: —Canta servic ñucanchicca chunga ishcai huauquipurami canchic. Canaán llactapi causac shuc taitapac churicunami canchic. Ñucanchic quipa huauquica taitahuanmi huasipi saquirirca. Shucca ña chingarircami— nirca.

ISAÍAS 46:4

Cancuna yuyacyashpa, yurac accha tucungacamanmi cuidashpa charisha. Ñucami cancunataca ruhuarcani. Ñucallatacmi cuidasha. Chashnami quishpichisha.

ISAÍAS 38:10

«Ñucaca: “Ñuca causana chaupi punzhacunapimi Seolman rigrini. Shuctac chaupi punzhacunataca quichushcami” yuyarcanimi.

ECLESIASTÉS 2:26

Diosca, paipac ñaupapi alli causac runallamanmi alli yuyaita, alli yachaita, cushicuita cun. Ashtahuanpish juchayuc runamanca charishca jahuapish, ashtahuan tandachichunmi cun. Chai huacaichishcacunataca Diospac ñaupapi alli causac runaman cungapacmi chashnaca cun. Chaicunapish huairata caticuc shina yangallami.

ECLESIASTÉS 1:14

Cai pachapi causaccuna imata ruhuashcataca tucuimi ricurcani. Riqui chaicunaca yangallami. Chaicunaca huairata caticuc shinallami.

SALMOS 90:10

Ñucanchicca canchis chunga huatallatami causanchic. Unaita causac nishcami pusac chunga huatata causan. Chashna unaita causashpapish llaquihuan, nanaillahuanmi causanchic. Huatacuna utca pasacpica, ñucanchic causaipish utcami chingarin.

SALMOS 71:18

Dioslla, can tucuita ruhuac cashcataca quipa huiñaicunamanpish, quipa huahua huahuacunamanpish huillangacaman yuyacyashpa yurac uma cacpipish ama saquinguichu.

1 REYES 2:6

Canca alli yachac shina ruhuashpa, yuyaccaman causashpa, sumacta Seolman richun, ama saquinguichu.

GÉNESIS 44:20

Chashna tapucpi, ñucanchicca can mandacmanca: “Shuc yuyac taitatapish, ñucanchic taita yuyac cashpa charishca uchilla huauquitapish charinchicmi. Paipac shuc huauquica ña huañurcami. Paillami mamapac huahuacunapuramantaca saquirirca. Paitami taitaca yallita cuyan” nircanchic.

GÉNESIS 37:34

Chaimantami taita Jacoboca paipac churanata lliquirishpa, sharpa churanata churarishpa, paipac churi José huañushcamantaca tauca punzhacunata llaquilla causacurca.

GÉNESIS 42:37

Shina nicpimi, Rubenca taitataca: —Benjamintaca ñucahuan cachailla, ñuca pushashallami. Paita mana pushamucpica, ñucapac ishcai churita huañuchingui— nirca.

GÉNESIS 43:13

Shinallatac cancunapac huauquita pushashpa, chai mandacpacman richic.

GÉNESIS 44:22

Chaimantami ñucanchicca can mandactaca: “Paica, paipac taitata mana saqui pudinchu. Pai saquicpica, paipac taitaca huañungami” nircanchic.

JOB 41:32

Jatun mama cuchata purishpapish, puscuta shitashpami yuranlla pambata saquin.