GÉNESIS 42:22 - Dios Rimashcata Quillcashcami

²² Shina nicpimi Rubenca: —¿Manachu ñucaca, huambrata ama imata ruhuaichicchu nircani? Shina nicpipish, mana uyarcanguichicchu. Paita huañuchishcamantami llaquipi canchic— nirca.

GÉNESIS 42:22 Referans Kwoze

SALMOS 9:12

Diosca llaquilla caccunatami yuyarirca, paicuna huacashcataca mana cungarinchu Huañuchiccunata llaquichinmi.

2 CRÓNICAS 24:22

Jatun mandac Joasca Zacariaspac taita Joiada cura paiman allita ruhuashcata mana yuyarishpami, paipac churitaca huañuchirca. Zacarías ña huañugricushpaca: «Chashna ruhuashcamantaca Mandac Diosllatac ricushpa llaquichichun» nirca.

1 REYES 2:32

Mandac Diosca cai yahuartaca paillamantacmi cutichinga. Paica, paitapish yalli imatapish cashcata ruhuac ishcai alli runacunatami huañuchirca. Paicunataca ñuca taita Davidpish mana yachacpimi, espadahuan huañuchirca. Nerpac churi Abnerca Israel soldadocunata mandac, Jeterpac churi Amasaca Judá llacta soldadocunata mandacmi carca.

APOCALIPSIS 16:9

Chaipica, tucui gentecunami ruparca. Shina cacpipish, Diosman cutirishpa, paita alli ninataca mana munarcacunachu, ashtahuanpish chai llaquicunatapish anchuchiclla Diostaca camishpami rimarcacuna.

APOCALIPSIS 13:10

«Maijanpish prezu apana cacca prezu apashcami canga. Espadahuan huañuchina cacca espadallahuantacmi huañuchishca canga». Chashna tucucpica mana piñarishpami Diospaclla caccunaca Diosta crishpa catina can.

ROMANOS 2:15

Paicunaca, paicunapac ruhuashcahuanmi, shungupi mandashcacuna quillcashca shina cashcata ricuchin. Paicunapac yuyaipimi ima alli cashcata, mana alli cashcata yachashpa, mana alli cacpica, mana allichu nin.

HECHOS 28:4

Chaipi paihuan cac gentecuna maquipi huarcuracucta ricushpaca: “Cai runaca huañuchic runami yuyachin. Chaimantami ñucanchic cashcata ruhuac diosca yacumanta quishpirimucpipish, mana causachun saquin” ninacurca.

SAN LUCAS 23:41

Ñucanchicca millaita ruhuashcamantaca llaquita apanatacmi canchic, ashtahuanpish cai runaca ima millaita mana ruhuashcachu— nirca.

EZEQUIEL 3:18

Ñuca, ñucata mana manchac runata: “Huañunguitacmi” nicpipish, can chai runa millai ruhuanata saquishpa, causaita charichun mana rimacpica, chai runaca paipac juchamantami huañunga. Ashtahuanpish pai huañushcamantaca cantami juchanchisha.

GÉNESIS 4:10

Mandac Diosca Caintaca: —¿Imamantatac chaitaca ruhuarcangui? Ashtahuanpish cambac huauquipac yahuarca pambamanta pachami ñucata caparicun.

GÉNESIS 42:23

Joseca shuc entendichic-huanmi parlac carca. Chaimantami paicunaca José paicunahuan parlashcataca mana entendicushcata yuyarca.

GÉNESIS 45:3

Joseca paipac huauquicunataca: —Ñucaca Josemi cani. Ñuca taitaca, ¿causacunracchu?— nirca. Chashna nicpica, paicunaca upayashpa, imatapish mana ni pudircacunachu.

GÉNESIS 50:15

Josepac huauquicunaca paicunapac taita huañucpica: —Joseca, ñucanchic tucui mana allita ruhuashpa, paita llaquichishcamantaca ñucanchictapish llaquichingami —ninacurcami.

1 SAMUEL 19:4

Jonatán Davidta alli nishpa Saulman parlashpaca: —Jatun mandaclla canta servic Davidta llaquichishpa ama juchallichu. Paica ima mana allitapish cantaca mana ruhuashcachu. Ashtahuanpish imata cashpapish allitami canmanca ruhuashca.

1 REYES 2:33

Paicunapac yahuarca Joabpac jahuallapitac, shinallatac paipac huahua huahuacunapac jahuallapitac urmachun. Ashtahuanpish, Davidmanpish paipac huahua huahuacunamanpish, paipac huasi ucupuracunamanpish, pai mandangapac tiyarinapipish, Mandac Diosca huiñaita sumac causaita cuchun— nirca.