GÉNESIS 41:46 - Dios Rimashcata Quillcashcami

⁴⁶ José Egipto llactata jatun mandac Faraonta servinata callarishpaca, quimsa chunga huatatami charirca. Mandac Faraonpac ñaupamanta José rishpaca, tucui Egipto allpacunatami ricushpa purirca.

GÉNESIS 41:46 Referans Kwoze

DANIEL 1:19

Jatun mandac chai tucui mosocunahuan parlashpaca, Daniel, Ananías, Misael, Azarías shina cacta mana tarircachu. Chashnami paicunaca jatun mandacpac ñaupapi servicurca.

1 REYES 12:6

Chai quipami jatun mandac Roboamca paipac taita Salomón causacucpi, servishpa causacushca cunac yuyaccunaman yuyaita cuchun mañashpaca: —¿Cai gentecuna cashna nishcamantaca ima nishpatac cutichina alli canga?— nirca.

2 SAMUEL 5:4

Davidca quimsa chunga huatata charishpami, mandai callarirca. Paica chuscu chunga huatatami mandarca.

1 SAMUEL 16:21

Saulpacman David chayashpaca paita servicmi tucurca. Saulca Davidta mai cuyashpami paipac escudota apachun churarca.

NÚMEROS 4:3

Ñucahuan tupana huasipi servic levitacunataca quimsa chunga huatayucmanta pichca chunga huatayuccaman yupangui.

GÉNESIS 37:2

Cashnami Jacobopac familiacunaca causarca. Joseca chunga canchis huatayuc cashpami, paipac huauquicunahuan ovejata michic carca. Chashnami huambraca paipac taitapac huarmi Bilhapac, Zilpapac huahuacunahuan michic carca. Joseca paipac huauquicuna mana allita ruhuashcata shuccuna parlanacucta uyashpaca paipac taitamanmi huillac carca.

SAN JUDAS 1:24

¡Ñucanchicta Quishpichic shuclla Diostaca “allimari cangui” nishunchic! Paimi paipac poderhuan, cancuna ima millaipi ama urmashpa, paipac sumaimana ñaupapi cushilla ricurichun huacaichicun.

SAN LUCAS 21:36

Chaimanta cancunaca allichirishca, ña rinalla shinami cana canguichic. Chai tucui llaquimanta quishpiringapacca, Runa Tucungapac shamushca ñucapac ñaupapi alli ricuringapac Diosta mañaracuichic» nirca.

SAN LUCAS 3:23

Jesús huillanata callarishpaca, ña quimsa chunga huatayuc shinami carca. Gentecuna Jesustaca Josepac churi cashcatami yuyarca. Joseca Elipac churimi carca.

PROVERBIOS 22:29

¿Ima ruhuanatapish alli yachac runata maipi ricushcanguichu? Paica jatun mandaccunapac ñaupapimi servinga. Yanga gentecunataca mana servingachu.

1 REYES 12:8

Ashtahuanpish paica chai cunac yuyaccuna yuyaita cushcata saquishpami, paillahuantac huiñashca cunan huiñaicunata yuyaita cuchun mañarca.

GÉNESIS 41:47

Chai canchis alli huatapica yallimi granoca Egipto llactapica pucurca.

GÉNESIS 42:8

Joseca paipac huauquicunata ricsircami, ashtahuanpish paicunaca paitaca mana ricsircacunachu.

GÉNESIS 45:6

Ña ishcai huatatami jatun yarcai tiyashca. Chairac pichca huatata yarcai tiyangaracmi. Chai huatacunapica yapunapish, cosechanapish ima mana tiyangachu.

DANIEL 1:4

Shinallatac mana ima tucushca, sumac ñahui, imatapish allita yachac, alli yuyaiyuc mosocunatami mandana huasipi paita servishpa causaccunata quillcanatapish, caldeocunapac rimaitapish yachachichun cayac cacharca.