GÉNESIS 40:2 - Dios Rimashcata Quillcashcami

² Chaimantami Faraonca vinota serviccunata mandac-huanpish, tandata ruhuaccunata mandac-huanpish piñarirca.

GÉNESIS 40:2 Referans Kwoze

PROVERBIOS 16:14

Jatun mandac piñarishcaca huañuimanta huillac shinami. Ashtahuanpish yachaisapa runaca chai piñarishcata allichinmi.

HECHOS 12:20

Mandac Herodesca Tiro pueblopi, Sidón pueblopi causaccunahuanmi yallita piñarirca. Chashna piñarishpami, chai llactapi causaccunaman ama imata catuchun mandarca. Chaimantami paicunaca shuc yuyailla tucushpa, Herodespac mayordomo Blastota Herodes-huan parlashpa cuchun mañarcacuna. Chai llactacunapi causaccunaca Herodespac llactamantami micunata randishpa causac carca. Chaimantami mana piñanacunata munarcacuna.

PROVERBIOS 27:4

Yallita piñarishca runaca pitapish mana llaquishpa tucuchina yuyaillami. Imatapish charina yuyaihuan puric runapac ñaupapica ¿pitac shayari pudingayari?

PROVERBIOS 19:19

Yallita piñaric runaca llaquimi tucunga. Paita ayudacpica, ashtahuan millaita ruhuashpami catinga.

PROVERBIOS 19:12

Jatun mandac piñarishpaca león huacac shinami manchachin. Pai alli ruhuashcaca garua quihuapi urmashca shinami.

SALMOS 76:10

Gentecuna piñaricpica, canca alli nishcami cangui. Piñashpa llaquichishcamanta saquirishcacunataca canmi tucuchingui.

1 CRÓNICAS 27:27

Uvas chagrata cuidaccunataca Ramá pueblomanta Simeimi mandacurca. Vinota tandachishpa huacaichiccunataca Sifmit pueblomanta Zabdiasmi mandacurca.

GÉNESIS 40:1

Chai quipami Egipto llactata jatun mandacman vinota servicpish, tandata ruhuacpish Egipto llactata jatun mandacta mana allita ruhuashpa piñachirca.

GÉNESIS 40:21

Vinota serviccunata mandacca cutinllatac utcaman ruhuana cashcallapitac churacpimi, cutinllatac Faraonman vino vasota cui callarirca.

GÉNESIS 40:23

Shina tucucpipish, vinota serviccunata mandacca Josetaca mana yuyarishpa cungarircallami.

GÉNESIS 41:10

Can jatun mandac canta serviccunahuan piñarishpa, tandata ruhuaccunata mandac ñucata cuidac soldadocunata mandacpac huasipi prezu churarcangui.