GÉNESIS 4:8 - Dios Rimashcata Quillcashcami

⁸ Cainca paipac huauqui Abeltaca: «Pambaman llucshishunchic» nirca. Ña pambapi puricushpami, Cainca paipac huauqui Abelta macashpa huañuchirca.

GÉNESIS 4:8 Referans Kwoze

SAN JUDAS 1:11

Chashna gentecunaca, ¡aij, imachari tucungacuna! Paicunaca Caín ruhuashcatami catishcacuna. Balaam shinami, cullquiraicu pandarishcacuna. Shinallatac Coré shina cariyaclla cashcamantami, huañushpa chingaringacuna.

SAN MATEO 23:35

Cashcata ruhuaccunata huañuchishcamantaca, cancunatami Diosca llaquichinga. Abelpac yahuarmanta callarishpa, Berequiaspac churi Zacariaspac yahuarcamanmi cancunataca taripashpa llaquichinga. Zacariastaca Diosta mañana huasipi tiyac altar ladopimi huañuchirca.

SAN LUCAS 11:51

Abelta huañuchishca yahuarmanta callarishpa, Zacariasta huañuchishca yahuarcamanmi cunan punzha causaccunataca juchanchinga, chashnami canga. Zacariastaca, Diosta mañana huasipi tiyac altar ladopimi huañuchirca.

MIQUEAS 7:6

Churica taitatami camishpa rimanga. Ushica mamatami macanga. Nueraca suegratami llaquichinga. Piñaccunaca quiquin huasi ucupurallatacmi.

2 SAMUEL 14:6

Canta servic ñucaca ishcai huahuacunatamari charircani. Shina cashpapish paicunaca piñanacushpami pambapi macanacushpa, pipish mana misacpi, shucca caishucta chugrichishpa huañuchishca.

NEHEMÍAS 6:2

Chashna allichishcata yachac chayashpami Sanbalatpish, Gesempish shuc huillacta cachashpaca: «Ono pambapi tiyac maijan uchilla llactapi tandanacungapac shamui» nirca. Ashtahuanpish paicunaca ñucata llaquichingapacmi yuyarinacushca carca.

2 SAMUEL 3:27

Abner Hebrón puebloman cuticpimi, Joabca paillahuan parlasha nic shinalla chai pueblo yaicuna punguman caruyachishpa pusharca. Chaipimi paipac huauqui Asaelta huañuchishcamanta yallita piñarishpa huicsapi chugrishpa huañuchirca.

HEBREOS 12:24

Mushuc ari ninacuita pactachic Jesuspacman, pai ñucanchicmanta jichashca yahuarmanmi chayarcanguichic. Chai yahuarmi Abelpac yahuarta atishpa, Dios ruhuasha nishcata ashtahuan allita ricuchin.

SALMOS 55:21

Paipac rimashca shimicuna mantequilla shina ñutunlla cashpapish, paipac shungupica macanacuna yuyaillami can. Aceitetapish yalli ñutunlla rimaicunata parlashpapish espadata bainamanta llucchishpa charicuc shinami can.

SALMOS 36:3

Paipac shimihuanca llullallata, millaillatami riman. Alli yuyarinatapish, alli ruhuanatapish saquishcami.

JOB 11:15

Shinami jucha illac ñahuihuan huichai ricungui. Sinchi tucushpami imatapish mana manchangui.

SAN LUCAS 22:48

Chaimantami Jesusca: —Judas, canca Runa Tucungapac shamushca ñucataca, ¿muchashpachu japichingui?— nirca.

SALMOS 139:19

¡Sumac Dioslla, canta mana manchac runataca huañuchiyari! ¡Chai huañuchic gentecunataca ñucamanta anchuchiyari!

HEBREOS 11:4

Crishcamantami Abelca Cainta atishpa, alli ofrendata Diosman cushpa rupachirca. Chaimantami Diosca Abeltapish, pai cushcatapish chasquirca. Abel huañushca cacpipish, pai crishcamantaca huillacuncunami.

GÉNESIS 4:25

Adán cutinllatac paipac huarmi Evapi chayaricpica, shuc cari huahuatami charirca. Chai huahuataca: «Diosmi Caín huañuchishca Abelpac randi cun» nishpami Setta shutichirca.

NÚMEROS 35:20

Maijanpish piñashpa tangashpa, mana cashpaca imahuan shitashpa,

2 CRÓNICAS 21:4

Joramca paipac taitapac randi mandangapacmi mandanapi tiyarirca. Ña mandangapac tiyarishpa ashtahuan sinchi tucushpami, paipac huauquicunataca espadahuan, shinallatac israelcunata maijan mandaccunatapish huañuchirca.

OSEAS 4:2

Ashtahuanpish llaquichina, llullana, huañuchina, shuhuana, huainayana yuyaillami tiyan. Punzhantami huañuchin.