GÉNESIS 4:16 - Dios Rimashcata Quillcashcami

¹⁶ Caín Mandac Diospac ñaupamanta rishpaca, Edén huerta inti llucshic lado Nod llactapimi causagrirca.

GÉNESIS 4:16 Referans Kwoze

JEREMÍAS 52:3

Chaimantami Mandac Diosca yallita piñarishpa, Judá llactapi causaccunatapish, Jerusalenpi causaccunatapish paipac ñaupamanta llucchishpa cacharca. Sedequiasca Babilonia llactata jatun mandacta mana cazushpami piñarirca.

JEREMÍAS 23:39

cancunataca shitashpami saquisha. Cancunatapish, cancunaman, cancunapac taitacunaman cushca llactatapishmi ñuca ñaupamanta tucui chingachisha.

JOB 2:7

Shina nicpimi, Satanasca Mandac Diospac ñaupamanta rishpa, Jobtaca chaquimanta uma coronacaman jatun sisu ungüihuan llaquichirca.

2 REYES 24:20

Chaimantami Mandac Diosca Jerusalenpi causaccunahuanpish, Judá llactapi causaccunahuanpish yallita piñarishpa, paipac ñaupamanta llucchishpa cacharca. Sedequiasca Babilonia llactata jatun mandacta mana cazushpami cariyarca.

2 REYES 13:23

Mandac Diosca Abrahamhuan, Isaac-huan, Jacobohuan ari nishcamantami paicunataca yallita llaquirca. Chaimantami paicunataca tucuchingapac paipac ñaupamanta llucchishpa, cachanatapish mana munarca.

ÉXODO 20:18

Tucui israelcunamami tulun nishcatapish, corneta tocashcatapish uyarca. Shinallatac relampa jaguin nishcatapish, Sinaí urcu cushni tapashcatapish ricurca. Chaimantami manchaihuan chucchushpa caruyarca.

GÉNESIS 4:14

Cunanca, cai allpamanta llucchishpa cachacpica, cambac ñahuimanta caruyashpa, shuctac llactamanta shamushca shinami puricushalla. Shina puricucpica, pipish tupashpa huañuchingachari— nirca.

GÉNESIS 3:8

Paicunaca chishi huairapi Mandac Dios huertapi puricuctami uyarca. Chaimantami caripish, huarmipish Mandac Diospac ñaupamanta chai huertapi tiyac sachapi miticugrirca.

1 TESALONICENSES 1:9

Chaipac randica, paicunallatacmi ñucanchicta cancuna ima shina chasquishcata, ruhuashcalla dioscunata saquishpa, causac Diostatac servi callarishcata parlancuna.

SAN JUAN 1:10

Chai Rimashca Shimica cai pachapimi carca. Diosca chai Rimashca Shimihuanmi cai pachataca ruhuarca. Chashna cacpipish, cai pachapi causaccunaca paitaca mana ricsircachu.

SAN JUAN 1:3

Paillahuantacmi Diosca tucuita ruhuarca. Mana paihuan ruhuashcaca imatapish mana tiyanchu.

SAN LUCAS 13:26

Chashna nicpimi cancunaca: “Canhuanmi micushpa puric carcanchic. Canllatacmi ñucanchic llactacunapipish yachachicurcangui” nicunguichicmi.

SAN MATEO 18:20

Maipimi ishcai, mana cashpaca quimsa ñuca shutipi tandanacucpica, ñucaca chaipimi cani— nirca.

SALMOS 68:2

Paicunataca cushnita chingachic shina chingachichun. Diosta mana manchaccunaca huira ninapi nuyuc shinami chingaringacuna.

SALMOS 5:11

Ashtahuanpish canpi shunguta churaccunaca cushicuchun. Can paicunata cuidac cashcamantaca huiñaita cushicuihuan cantachun. Canta cuyaccunaca cushicuchun.

JOB 20:17

Yacu callpac shina bunga mishquitapish, lechetapish mana ricungachu.

JOB 1:12

Shina nicpi, mandac Diosca Satanastaca: —Riqui, pai imata charishcacunaca cambac maquipimi. Shina cacpipish, ama cambac maquihuan paitaca tuparinguichu— nirca. Shina nicpimi, Satanasca Mandac Diospac ñaupamanta llucshishpa rirca.

GÉNESIS 4:17

Caín paipac huarmipi chayaricpica, huicsayuc tucushpami shuc cari huahuata charirca. Chai huahuataca Enoctami shutichirca. Chai quipaca Cainca shuc llactata ruhuashpami, chai llactataca Enocta shutichirca.

JONÁS 1:3

Shina nicpimi, Jonasca Mandac Diospac ñaupamanta miticushpa, Tarsisman ringapac jatarirca. Shinami Jope llactaman urai rishpa, Tarsis puebloman ric barcota japishpa, pasajeta randishpa, chai barcopi riccunahuan ringapac yaicurca. Paica Mandac Diospacmanta miticushpa ringapacmi barcopi tiyarirca.