GÉNESIS 39:7 - Dios Rimashcata Quillcashcami

⁷ Chaimantami asha punzhacuna quipaca Josepac amopac huarmica yallita munashpa: —Ñucahuan sueñuiyari— nirca.

GÉNESIS 39:7 Referans Kwoze

2 SAMUEL 13:11

Pai micuchun cungapac chayaricpi pai japirishpaca: —Ñuca pani shamui ñucahuan sueñungui— nirca.

2 PEDRO 2:14

Maijan huarmita ricushpaca, huainayana yuyaillami cancuna. Juchallinataca manatac shaicuncunachu. Manarac sinchi criccunataca pandachincunami. Paicunaca tucuita atishpa imatapish charinallata munaccuna, shinallatac Dios mana ricunayachishca gentecunami can.

EZEQUIEL 16:34

Canca shuctac huainayac huarmicunata atishpami, ashtahuan huainayarcangui. Canhuan huainayangapacca, pi cantaca mana mashcarcachu, ashtahuanpish canracmi mashcarcangui. Imata japinapac randica, canracmi pagarcangui. Pipish can shinaca mana ruhuashcachu.

1 JUAN 2:16

Tucui cai pachapi tiyac millai munaicunapish, tucui ricushcata charina munaicunapish, charishcacunahuan jatun tucuna munaicunapish mana Diosmantachu shamun, ashtahuanpish cai pachallami chai munaicunataca cun.

SAN MATEO 5:28

Ashtahuanpish ñucaca: Maijanpish shuc huarmita munashpaca, paipac shungupica ña huainayanmi.

EZEQUIEL 16:32

¡Huainayac huarmi shinami cusapac randica, shuccunata chasquircangui!

JOB 31:1

Ñuca ñahuihuan ima millaita mana ricungapacmi ari nircani. Shina cashpaca, ¿ima nishpatac, carihuan manarac chayarishca solterataca chapashayari?

EZEQUIEL 16:25

Tucui ñancunapi altarcunata ruhuashpa, yallita mapayashpami cambac sumac cuerpotaca mapayachircangui. Chashnami tucui chaita pasaccunahuan yallita mapayashpa catircangui.

JEREMÍAS 3:3

Chaimantami punta tamyapish, chagrata pucuchic quipa tamyapish mana tiyarca. Cullquimanta huainayac huarmi shinami, manatac pingarcangui.

PROVERBIOS 7:13

Chai huarmica chai mosota japishpami mucharca. Shinallatac imata mana pingashpami:

PROVERBIOS 5:9

Pacta can tauca huata trabajashcata mana llaquic shuctaccunaman cushpa, can charishcacunata chingachinguiman.

PROVERBIOS 2:16

Shucpac huarmimanta cacharichingami. Mana ricsishca huarmicuna sumacta rimashpa, inquitacpipish cuidangami.

SALMOS 119:37

Ñuca ñahui ima mana allicunata ricuchunca ama saquinguichu. Cambac ñanpi alli catingapac sinchiyaichicyari.

GÉNESIS 6:2

Diospac churicunaca chai ushicuna sumaimana cashcata ricushpami, chai huarmicunapuramanta acllashpa cazararca.

PROVERBIOS 1:10

Ñuca huahualla, millaita ruhuaccuna inquitacpipish ama uyanguichu.

PROVERBIOS 6:26

Cullquimanta huainayac huarmihuan puric runaca, pitishca tanda shinami saquiringa. Cusayuc huarmihuan puric runaca paipac valishca causaitami chingachin.