GÉNESIS 39:2 - Dios Rimashcata Quillcashcami

² Ashtahuanpish Mandac Dios Josehuan cacpimi, paica imapipish alli llucshirca. Paica Egiptomanta paipac amopac huasipimi causacurca.

GÉNESIS 39:2 Referans Kwoze

1 SAMUEL 18:14

Davidca Mandac Dios paihuan cacpimi, ima ruhuanapipish allita ruhuac carca.

SALMOS 91:15

Pai ñucata mañacpica, ñucaca uyashami. Pai yallita llaquihuan cacpica, ñucaca paihuanmi casha. Paita quishpichishpami alli nishca cachun ruhuasha.

JEREMÍAS 15:20

Cantaca gentecunapac ñaupapi jatun bronce pirca shina cachunmi churasha. Canhuan macanacungapac shamushpapish mana mishai pudingachu. Mandac Dios ñucami, canta cuidashpa quishpichingapac canhuan casha.

GÉNESIS 26:28

Shina nicpimi paicunaca: —Mandac Dios canhuan cashcatami ricushcanchic. Chaimantami ñucanchicca canhuan shuc ari ninacuita ruhuashun ninchic.

GÉNESIS 21:22

Chai huatacunallatacmi jatun mandac Abimelecca paipac soldadocunata mandac Ficolhuan shamushpa Abrahamtaca: —Tucui imata ruhuanapipish Diosca canhuanmi.

ISAÍAS 43:2

Yacuta pasacucpipish canhuanmi casha. Jatun yacuta pasashpapish mana ucuyanguichu. Nina jahuata purishpapish mana rupanguichu. Cunyacuc ninapish mana rupachingachu.

GÉNESIS 26:24

Chai tuta Mandac Dios paiman ricurishpaca: «Ñucaca, Abrahampac Diosmi cani. Ama manchaichu, ñucaca canhuanmi cani. Ñucata servic Abrahamta cuyashpami, bendiciashpa, cambac huahua huahuacunatapish achcata mirachisha» nirca.

ISAÍAS 41:10

Ñucaca cancunahuanmi cani. Chaimanta ama manchaichicchu. Ñucaca cancunapac Diosmi cani. Chaimanta ama manchaichicchu. Ñucaca cashcata ruhuashpami cancunapac tucui causaipi ayudasha.

SALMOS 1:3

Yacu patapi huiñashca yura pangacunapish mana urmashpa pucuna punzhapi pucuc shinami canga. Tucui imata ruhuashcapish allimi canga.

GÉNESIS 28:15

Ñucaca canhuanmi cani, can maita ricpipish, cuidashpami, cai allpaman cutichimusha. Can ñuca nishcata pactachingacaman cantaca manatac saquishachu» nirca.

SALMOS 46:11

Tucuita Mandac Diosca ñucanchic-huanmi. Ñucanchic miticunaca taita Jacobopac Diosmi.

SALMOS 46:7

Tucuita Mandac Diosca ñucanchic-huanmi. Jocobopac Diosca ñucanchic jarcarinami.

1 SAMUEL 16:18

Shina nicpimi, servicpuramanta shucca: —Ricui, ñucami Belén pueblopi causac alli tocanata yachac Isaipac shuc churita ricsini. Paica imatapish mana manchac sinchi, allita yuyarishpa rimac sumac huambrami. Shinallatac Mandac Diospish paihuanmi— nirca.

1 SAMUEL 3:19

Samuelca huiñarcami, Mandac Diospish paihuanmi carca. Chaimantami Dios rimashca shimicunata tucui pactachirca.

1 SAMUEL 18:28

Ashtahuanpish Saulca Mandac Dios Davidhuan cactapish, paipac ushi Micalpish yallita cuyacta ricushpami,

1 TIMOTEO 6:1

Amo randishcamanta huatashca shina serviccunataca, Diostapish, ñucanchic yachachishcacunatapish mana allichu nishpa pi ama rimachunca paicunapac amocunata alli cazuchun yachachingui.

SAN MATEO 1:23

Chai huillaccunaca: «Manarac carihuan chayarinacushca shuc solterami, huicsayuc tucushpa, shuc cari huahuata charinga. Chai huahuaca Emanuel shutimi canga» nishcami. (Emanuel nishpaca: «Dios ñucanchic-huan» nisha ninmi).

HECHOS 8:31

Chashna nicpimi, chai runaca: —Pipish mana yachachicpica, ¿ima shinatac entendishayari?— nirca. Shina nishpami, carretaman huichicushpa, tiyarichun mañarca.

GÉNESIS 21:20

Chai huahuaca Dios ayudacpimi, shitashca pambapi huiñashpaca, arcohuan flechata shitanata alli yachac carca.

GÉNESIS 39:3

Paipac amoca Mandac Dios Josehuan cashcata, shinallatac José imata ruhuacpipish, Mandac Dios allita ruhuachicushcatami ricurca.

GÉNESIS 39:23

José imata ruhuacucpipish, Mandac Diosca paihuanmi carca. Joseca imata ruhuashpapish Mandac Dios paihuan cashcamantami allita ruhuarca. Chaimantami prezucunataca ricunallatapish mana ricuc carca.

JOSUÉ 6:27

Mandac Diosca Josuehuanmi carca. Chaimantami Josuepac shutica tucui cai pachapi ricsishca can.

2 REYES 18:7

Mandac Dios Ezequias-huan cacpimi pai imata ruhuacpipish tucui alli llucshirca. Asiria llactata jatun mandacta mana cazushpami, mana servirca.

JOSUÉ 1:5

Cambac tucui causaipimi canhuanca pipish mana macanacui pudinga. Ima shinami Moises-huan carcani, shinallatacmi canhuanpish casha. Cantaca mana saquishachu.

JOSUÉ 1:9

Riqui cantaca sinchi, cari cari cai nishpami mandani. Ama manchaichu, ama shaicuichu. Canta Mandac Dios ñucaca can maita ricpipish, canhuanmi casha» nirca.

1 CRÓNICAS 9:20

Utcapica Eleazarpac churi Fineasmi paicunataca mandacurca. Mandac Diosca paihuanmi carca.

2 CRÓNICAS 1:1

Davidpac churi Salomonca paita Mandac Dios paihuan cacpimi, pai mandanapica yallita jatunyarca. Shinallatac pai mandanatapish pi mana cuyuchipac sinchitami ruhuarca.