GÉNESIS 37:3 - Dios Rimashcata Quillcashcami

³ Taita Israelca Josetaca ña yuyac cashpa charishcamantami tucui huauquicunata atishpa ashtahuan cuyac carca. Chaimantami paimanca tucuilaya color sumac jahualla churanata ruhuarca.

GÉNESIS 37:3 Referans Kwoze

2 SAMUEL 13:18

Tamarca tucuilaya color churanata churarishcami carca. Chashnami carihuan manarac chayarishca jatun mandacpac ushicunaca churaric carca. Amnonta servicca Tamarta ucumanta llucchishcahuanmi punguta huichcarca.

GÉNESIS 37:32

Chai quipaca Josepac tucuilaya color sumac churanatami paipac taitaman ricuchichun cacharca. Shina cachacpimi: —Caitami tarinchic. ¿Cambac churipac jahualla churanachu? Paipac cashcata, mana cashcata alli ricsi— nirca.

GÉNESIS 37:23

José ña paipac huauquicunapacman chayacpica, paipac tucuilaya color sumac jahualla churanata quichushpami,

SAN JUAN 3:35

Diosca paipac Churita yallitami cuyan. Chaimantami tucuita pai mandachun cushca.

EZEQUIEL 16:16

Cambac sumac churanacunallahuantacmi lomacunapi altarta ruhuashpa huainayarcangui. ¡Chai shinaca jaicapi mana tucushcachu, manatac tucungachu!

JUECES 5:30

“¿Manachu macanacushpa imata japishca canga? ¿Manachu chaita macanacucpura chaupinacunga? Macanacuc caricunamanmi shuc solterata mana cashpaca ishcaita cada shucman cucunga. Sisaramancarin sumac color churanatami cucunga. Mishaccunamanca tucuilaya shuc shucta, mana cashpaca ishcai ishcaitami bordashca bufanda Sisaramanca cucunga.

GÉNESIS 37:31

Chaimantami paicunaca shuc uchilla huahua chivota huañuchishpa, chai yahuarhuan Josepac jahualla churanata cahuirca.