GÉNESIS 37:29 - Dios Rimashcata Quillcashcami

²⁹ Chai quipami Rubenca chai jutcuman cutishpa, Joseta mana tarishpaca, paipac churanata lliquirirca.

GÉNESIS 37:29 Referans Kwoze

JOB 1:20

Chaicunata uyashpami, Jobca jatarishpa paipac jahualla churanata lliquirishpa, uma acchatapish pitishpa pambacaman cumurishpa Diosta alli nirca.

GÉNESIS 37:34

Chaimantami taita Jacoboca paipac churanata lliquirishpa, sharpa churanata churarishpa, paipac churi José huañushcamantaca tauca punzhacunata llaquilla causacurca.

NÚMEROS 14:6

Chaipica chai llactata ricungapac ricpuramanta Nunpac churi Josuepish, Jefonepac churi Calebpish llaquirishpami churanata lliquirishpa,

GÉNESIS 44:13

Chashna taricpica, munai llaquirishpa, paicunapac churanata lliquishpami, quiquin burrocunapi grano tulucunata apachishpa, chai llactaman cutirca.

HECHOS 14:14

Chaimanta Pablopish, Bernabepish yallita llaquirishpa, churanata lliquirishpa, chai gentecunapac chaupiman

JOEL 2:13

Llaquirishpa churanata lliquirinapac randica, tucui shunguhuan llaquirichic. Cancunata Mandac Diospacman cutirichic. Paica cuyac shungumi, llaquicmi. Mana utca piñaric, yallita llaquicmi. Paica mana llaquichinata munanchu.

2 REYES 19:1

Jatun mandac Ezequías chaita uyashpaca, paipac churanata lliquishpami, sharpa churanata churarishpa, Mandac Diospac huasiman yaicurca.

JUECES 11:35

Chaita ricushpami Jefteca llaquirishpa paipac churanata lliquirishpaca: —¡Aij, ñuca huahualla! ¡Canmantami ñucamanca llaqui shamushca! Ñuca shimihuanmi Mandac Diosman cushami nircani. Chaitaca pactachinatacmi cani— nirca.

GÉNESIS 34:13

Shina nicpipish, Siquem moso Dinata japirishpa llaquichishcamantaca paitapish, paipac taitatapish Jacobopac churicuna umashpaca:

2 SAMUEL 1:11

Chaimantami Davidca munai llaquirishpa, paipac churanata lliquicpi, paihuan cac gentecunapish chashnallatacmi ruhuarca.

2 SAMUEL 13:19

Chaimantami Tamarca uchupata umapi churarishpa, tucuilaya color churanata lliquirishpa ishcai maquita uma jahuapi churashpa, caparishpa rirca.

2 REYES 5:7

Israel llactata jatun mandac chai quillcata rezashpa, paipac churanata lliquirishpaca: «Cai runaca ñuca lepra ungüimanta allichichunmi cachashca. ¿Ñucaca causaita cungapac, causaita quichungapacca Dioschu cani imatacyari? ¡Riqui, caicunata ruhuachun nishpa cachashpaca, ñucahuan piñanacuitami mashcacun!» nirca.

2 REYES 11:14

Chaiman yaicushpami, jatun mandactaca ima shina shayarina cashca shinallatac, pilar ladopi shayacucta ricurca. Shinallatac mandaccunapish, trompetapi tocaccunapish jatun mandacpac ladopi shayacurca. Chai llactapi causaccunapish trompetapi tocashpa, yallita cushicucucta ricushpami, Ataliaca paipac churanata lliquirishpaca: «¡Umashcamari! ¡Umashcamari!» nishpa caparirca.

JEREMÍAS 36:24

Chai tucui rezashcata uyashpaca jatun mandacpish, paita servic mandaccunapish mana mancharcachu. Paicunapac churanacunallatapish mana lliquircachu.